© AP Photo / Jean-Francois Badias
تٷركٸستان قالالىق سوتىندا 6 پوليتسييا قىزمەتكەرٸنە قاتىستى ازاپتاۋ جەنە زاڭسىز ۇستاۋ فاكتٸلەرٸ بويىنشا قىلمىستىق ٸس قارالدى, دەپ حابارلايدى "ۇلت اقپارات".
تٷركٸستان سوتتارى رەسمي پاراقشاسىنىڭ مەلٸمەتٸنشە, اۋداندىق پوليتسييا بٶلٸمٸنٸڭ 6 قىزمەتكەرٸ, ادامدار توبى بولىپ, مال ۇرلىعىنا بايلانىستى قىلمىستىق قۇقىق بۇزۋشىلىقتار جاساعاندىعىن مويىنداتۋ, ايعاقتاردى الۋ, قىلمىستى اشۋ بويىنشا كٶرسەتكٸشتەرٸن جاساندى تٷردە كٶتەرۋ ماقساتىندا جەبٸرلەنۋشٸلەر د. مەن و.-عا قورقىتۋ جەنە فيزيكالىق كٷش قولدانۋمەن مەجبٷرلەۋ ارقىلى تەن زاردابى مەن پسيحيكالىق زارداپ كەلتٸرٸپ, ازاپتاۋلار جاساپ, پوليتسييا بٶلٸمٸندە زاڭسىز ۇستاعان.
"پروكۋرور تاعىلعان ايىپتى قولداپ, سوتتالۋشىلاردى كٸنەلٸ دەپ تانۋدى, تٷپكٸلٸكتٸ نەگٸزگٸ جازا رەتٸندە ەرقايسىسىنا 5 جىل 6 اي مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى.
ال جەبٸرلەنۋشٸلەر سوتتالۋشى ش.-عا عانا كەشٸرٸم بەرەتٸندٸگٸن, قالعان سوتتالۋشىلارعا پروكۋرور سۇراعان جازاسىن تاعايىنداۋدى سۇرادى.
ٶز كەزەگٸندە سوتتالۋشىلار جەنە ادۆوكاتتار سوتتالۋشىلاردىڭ كٸنەلٸ ەمەس ەكەندەرٸن ايتىپ اقتاۋدى ٶتٸندٸ" - دەلٸنگەن حابارلامادا.
سوت جازا تاعايىنداۋ كەزٸندە جەڭٸلدەتەتٸن مەن-جايلارعا جەبٸرلەنۋشٸلەردٸڭ سوتتالۋشى ش.-عا كەشٸرٸم بەرگەنٸن, ش. مەن ا.-نىڭ قىلمىس جاساۋدا بەلسەندٸ رٶل اتقارماعانىن جەنە بارلىق سوتتالۋشىنىڭ بۇرىن سوتتى بولماعىنىن, ال اۋىرلاتاتىن مەن-جايعا بەرگەن انتتارىنىڭ بۇزۋلۋىن جاتقىزدى.
"سوت ٷكٸمٸمەن بارلىق 6 سوتتالۋشى قك-نٸڭ 146-بابى 2-بٶلٸگٸنٸڭ 1), 2) تارماقتارىندا جەنە 414-بابىنىڭ 1-بٶلٸگٸندە كٶزدەلگەن قىلمىستىق قۇقىق بۇزۋشىلىقتاردى جاساعانى ٷشٸن كٸنەلٸ دەپ تانىلدى.
ق., ە., ا., ۋ.-عا ارناۋلى اتاقتارىنان جەنە قۇقىق قورعاۋ ورگاندارىندا 3 جىل قىزمەتپەن اينالىسۋ قۇقىعىنان ايىرا وتىرىپ, 4 جىل مەرزٸمگە باس بوستاندىعىنان ايىرۋ جازاسى تاعايىندالدى.
ش. مەن ا.-عا ارناۋلى اتاقتارىنان جەنە قۇقىق قورعاۋ ورگاندارىندا 3 جىل قىزمەتپەن اينالىسۋ قۇقىعىنان ايىرا وتىرىپ, 3 جىل 6 اي مەرزٸمگە باس بوستاندىعىنان ايىرۋ جازاسى تاعايىندالدى. جازانى قىلمىستىق-اتقارۋ جٷيەسٸنٸڭ ورتاشا قاۋٸپسٸز مەكەمەلەرٸندە ٶتەۋ تاعايىندالدى" - دەلٸنگەن حابارلامادا.
سوت ٷكٸمٸ زاڭدى كٷشٸنە ەنگەن جوق.
