سۋرەت: Stan.kz
تٷركٸستان وبلىسىنىڭ سوزاق اۋدانى, شولاققورعان اۋىلىندا تۇرعىنداردىڭ 555 مالى جوعالىپ, ٷش ايدان بەرٸ تابا الماي جٷر, دەپ حابارلايدى "ۇلت اقپارات" Stan.kz اقپاراتتىق اگەنتتٸگٸنە سٸلتەمە جاساپ.
وسىلاي دەپ جىلارمان بولعان بۇقارا داۋدىڭ بەرٸ شوپان ٶلٸمٸنەن كەيٸن باستالعانىن ايتادى. بىلتىر 11 قاراشادا اۋىل ٸرگەسٸندەگٸ قورادان قويشى عالىمجان ٶزبەكوۆ ٶلٸ كٷيٸندە تابىلعان. جانازاعا جينالعان جۇرتقا ونىڭ اعاسى بٸر كٷننەن سوڭ بارلىق مالدى ٷلەستٸرەم دەپ سٶز بەرگەن دەيدٸ. الايدا سول تٷنٸ مالدىڭ ٷلەستٸرٸلٸپ جاتقانىن ەستٸگەن جۇرت دەرەۋ شوپان دەنەسٸ تابىلعان قوراعا بارىپتى. بٸراق ول جەردەن بٸردە-بٸر مال تاپپاعانىن ايتادى.
جۇرتتىڭ كٷدٸگٸنشە, شەنەۋنٸكتەر مالدى بٶلٸسٸپ العان بولۋى مٷمكٸن.
“بٸز جانازاسىن كٷتٸپ وتىرعاندا بٸر كٸسٸلەر جانازاسى شىقپاي تۇرىپ, تٷندە ۇرلاعان عوي. بارسا جۇرتتىڭ بەرٸنٸڭ مالى جوق. 32 ادامنىڭ مالى جوق بولىپ تۇر عوي ەسەپتەگەندە. شەنەۋنٸكتەر بٶلٸنٸپ, ايتپاي وتىر عوي. بٸرەۋ مەن ساتىپ جٸبەردٸم دەيدٸ, بٸرەۋ العان جوقپىن دەيدٸ. جٷزدەسۋ بولدى. بەرٸ الاڭسىز وتىر. قارا حالىق جاعدايى جوق, 5-6 مالىمەن وتىرعان, زەينەتتەگٸ كٸسٸلەر شىرىلداپ جاتىر. بٸراق شەنەۋنٸكتەر تىم-تىرىس وتىر. بٸزگە جانى اشىعان بٸر ادامدى كٶرمەدٸك", – دەيدٸ 10 مالىنان ايىرىلعان كٷلەندا ناديروۆا.
تۇرعىندار سٶزٸنشە, مۇنشا مالدى ەكٸ ادام بٶلٸپ ايداپ ەكەتكەن. ونىڭ بٸرٸ شولاققورعان اۋىلىنىڭ بۇرىنعى پوليتسييا بٶلٸمٸنٸڭ باستىعى دەيدٸ. وسىلاي دەپ توپشالاعان بۇقارا پوليتسيياعا ارىز جازعالى 3 اي ٶتكەنٸن ايتادى. سودان بەرٸ بٸردە-بٸر كٷدٸكتٸ ۇستالماي, تەرگەۋ جٷرگٸزٸلمەپتٸ.
"بۇلار بٸزگە تولىققاندى جاۋاپ ايتىپ جاتقان جوق. قويشىلارىڭىز ٶلٸپ قالعان. ٶلٸپ قالعان ادامنان نە سۇرايمىز دەيدٸ. نەگٸزٸندە قورادا مال تۇرادى. مالدى جٷنٸسحان مەن قىدىرباي دەگەن كٸسٸلەر بٶلٸپ الادى. بۇرىن وسى رۋۆد-نىڭ باسشىسى بولعان ەلٸمبەكوۆ جٷنٸسحان دەگەن ازامات. ٷيٸنە كەلسەك, قاراڭعى بولىپ كەتەدٸ. ەرتەڭ ازاندا كەلٸڭٸزدەر دەيدٸ. ازاندا بارساق, ول كٸسٸ بٸرىڭعاي كٶك سىرعا تاعىپ تاستاعان. نە سىرعا قانداي ەكەنٸن بٸلمەدٸك", – دەيدٸ شولاققورعان اۋىلىنىڭ تۇرعىنى اسقار ەسجانوۆ.
اۋىلداس قوراسىنداعى مالىمىزدى تانىدىق دەيدٸ كەيبٸرٸ. بٸراق وعان ەشقانداي دەلەل جوق ەكەن. سەبەبٸ تۇرعىندار شوپانمەن كەلٸسٸمشارتقا وتىرماعان. بار كٸنەمٸز سول دەگەن ۆەتەرينار تٸركەۋٸندەگٸ مالدىڭ دا اياق استى جوعالىپ كەتكەنٸنە اڭ-تاڭ.
"اعاسى ايتتى: "مالدى ەرتەڭ جانازا ٶتكەننەن كەيٸن ٶزٸم بٶلٸپ بەرەم" دەدٸ. وعان جەتكٸزبەي بٶلٸنٸپ كەتكەن. ٷشكە بٶلٸنٸپ كەتكەن نەگٸزٸ مال". بٸرەۋٸ جاڭاعى قىدىرباي دەگەن. مەن قىدىرباي دەگەننٸڭ ٷيٸنە باردىم. ٷش باس مالىمدى سول جەردەن تانىپ الدىم. مەن سيياقتى قانشا ادام تانىدى. بەرٸمٸزدٸكٸن بەرمەدٸ. رۋۆد-دان كەزەكشٸ شاقىردىق. 5-6 پوليتسييا كەلدٸ. ولار الىپ بەرە المادى. سٶيتسەك مالدىڭ بەرٸن ساتىپ جٸبەرٸپتٸ سول ەكٸ ورتادا", – دەيدٸ شولاققورعان اۋىلىنىڭ تۇرعىنى دوسالى وماروۆ.
ال مالدى ايداپ الىپ كەتتٸ دەگەن شولاققورعان اۋىلىنىڭ پوليتسييا بٶلٸمٸنٸڭ بۇرىنعى باستىعى بولسا ٶز مالىمنان دا ايرىلىپ قالدىم دەپ وتىر.
“مەن مالدى ايداتىپ جٸبەردٸم دە قايتىپ كەتتٸم. سودان حالىق قۋىپ بارىپ, كەلەسٸ قوراعا جاقىنداعاندا توقتاتىپ ۇستاپ الىپتى. جارايدى, اۋىسىپ كەتكەن شىعار دەپ ويلادىق. ازاندا بارىپ, ٶز مالدارىڭىزدى تانىپ الار دەپ قوراعا اپاردىق. ەرتەسٸنە بٸز كٷتكەننەن كٶپ حالىق بارىپ, بٸزدٸڭ 170 قويدى تٷگەل ەكەتٸپ قالدى. سوسىن ساداقا دەدٸم. ٸشٸندە 40 قوي مەنٸكٸ”, – دەيدٸ شولاققورعان اۋىلىنىڭ پوليتسييا بٶلٸمٸنٸڭ بۇرىنعى باستىعى.
ال تٷركٸستان وبلىسىنىڭ پوليتسييا دەپارتامەنتٸ بولسا بىلاي دەپ جاۋاپ بەردٸ.
“سوزاق اۋدانى تۇرعىندارىنىڭ ارىزىنا سەيكەس اۋىزشا ٶزارا ۋەدەلەسٸپ مال باعۋمەن اينالىسقان شوپاننىڭ مٷلٸكتٸ يەمدەنۋ فاكتٸسٸ بويىنشا سوتقا دەيٸنگٸ تەرگەۋ جالعاسىپ جاتىر. قازٸر تەرگەۋ-جەدەل توبى قاجەت ٸس-شارالاردىڭ بارلىعىن جٷرگٸزٸپ جاتىر. ولاردىڭ نەتيجەلەرٸ بويىنشا زاڭدى پروتسەستٸك شەشٸم قابىلدانادى” دەيدٸ.
ايتا كەتۋ كەرەك, شولاققورعاندا قويشى ٶلٸمٸنەن كەيٸن 32 وتباسىنىڭ 555 مالى جوعالعان. شىعىنعا ۇشىراعاننىڭ ەڭ كٶبٸ 80 باس مالىنان ايرىلىپ, جٷرەك تالماسىمەن اۋرۋحاناعا تٷسٸپتٸ. وسىلاي دەگەن بۇقارا مالدىڭ قويشى ٶلٸمٸنەن كەيٸن جوعالعانىنا دا كٷدٸكپەن قارايدى.
