تٷركٸستان وبلىسىندا ەسٸرتكٸ ساتقان مۇعالٸم 10 جىلعا سوتتالدى, دەپ حابارلادى Polisia.kz.
بەيدٸبەك اۋداندىق پوليتسييا بٶلٸمٸنە جەرگٸلٸكتٸ تۇرعىنداردىڭ بٸرٸنەن اۋدان تۇرعىنى ەسٸرتكٸنٸڭ ٸرٸ كٶلەمٸن زاڭسىز ساقتاپ, ٶتكٸزۋمەن اينالىساتىنى تۋرالى حابارلاما كەلٸپ تٷسكەن.
جەدەل ۋەكٸلدەر ۇستالعان ادامنىڭ تۇرعىلىقتى مەكەنجايىن تٸنتۋ كەزٸندە ونىڭ اسحاناسىنداعى شكافتىڭ ٷستٸنەن 10 دانا بٶلەك پاكەتتەرگە سالىنعان حوش يٸستٸ, جاسىل تٷستٸ, ەسٸرتكٸگە ۇقساس زاتتى تاۋىپ, تەركٸلەپ الدى. سونىمەن قاتار اسحانا شاتىرىنىڭ ٷستٸنەن اق قاپقا سالىنعان ەسٸرتكٸ زاتىنا ۇقساس جاسىل تٷستٸ زات تاپقان.
ساراپتاما قورىتىندىسى بويىنشا كٷدٸكتٸدەن الىنعان زاتتار جالپى سالماعى 3 كەلٸدەن استام "كەپتٸرٸلگەن ماريحۋانا" بولىپ شىقتى. تەرگەۋ بارىسىندا كٷدٸكتٸ ەسٸرتكٸ زاتتارىن ساتۋ ٷشٸن پاكەتتەرگە بٶلٸپ سالعانىن مويىندادى. كٷدٸكتٸ قاماۋعا الىندى.
"كٷدٸكتٸدەن بارلىق ايعاق زات تەركٸلەندٸ. جيناقتالعان ٸس-قۇجاتتارى ايىپتاۋ اكتٸسٸمەن اۋداندىق سوتقا جولداندى. سوت ٷكٸمٸمەن 47 جاستاعى كٷدٸكتٸ قازاقستان قىلمىستىق كودەكسٸنٸڭ 297-بابىمەن كٸنەلٸ دەپ تانىلىپ, وعان 10 جىل مەرزٸمگە باس بوستاندىعىنان ايىرۋ جازاسى تاعايىندالدى", – دەپ اتاپ ٶتتٸ تەرگەۋشٸ اسقار شۋباي.
