تٷركٸستان وبلىسىنىڭ اۋدان, قالالارىندا وبلىس ەكٸمٸ جانسەيٸت تٷيمەباەۆتىڭ ارنايى تاپسىرماسىنا سەيكەس, حالىققا مەدەني, رۋحاني, دٸني تۇرعىدا تٷسٸندٸرۋ جۇمىستارىن جٷرگٸزۋ ماقساتىندا «دەستٷرلٸ قۇندىلىقتار كەرۋەنٸ» تاقىرىبىنداعى كٶشپەلٸ جيىندار ٶتٸپ جاتىر.
بٷگٸنگە دەيٸن ٶڭٸرٸمٸزدٸڭ ارىس قالاسى مەن سارىاعاش, ماقتاارال, جەتٸساي, كەلەس, شاردارا, قازىعۇرت جəنە تٶلەبي اۋداندارىندا ۇيىمداستىرىلعان شاراعا وبلىسىمىزعا تانىمال دٸنتانۋشى-تەولوگتار, بەدەلدٸ سپورتشىلار, مەدەنيەت مايتالماندارى مەن زييالى قاۋىم ٶكٸلدەرٸ, قازاقستان مۇسىلماندارى دٸني باسقارماسىنىڭ وبلىستىق فيليالدارىنىڭ يمامدارى جەنە ٶزگە دە سالا ٶكٸلدەرٸ قاتىستى.
مەسەلەن, ارىس قالاسىندا ٶتكەن جيىندى قالا ەكٸمٸنٸڭ ورىنباسارى رىسدەۋلەت ايتباەۆ جٷرگٸزٸپ, شاھارداعى دٸني احۋال جايلى كەڭٸنەن ايتىپ بەردٸ. ايتۋىنشا, بٷگٸنگٸ تاڭدا ارىستا «دٸني قىزمەت جەنە دٸني بٸرلەستٸكتەر تۋرالى» قابىلدانعان زاڭعا سەيكەس تٸركەلٸپ جۇمىس ٸستەپ جاتقان دٸني كونفەسسييالاردىڭ جالپى سانى – 2. ولار: يسلامدىق جەنە حريستياندىق باعىتتا. قالا اۋماعىنداعى دٸني بٸرلەستٸكتەر مەن فيليالدار – 27. ونىڭ ٸشٸندە: 1-پريحود («شىمكەنت قالاسىنىڭ ارىس قالاسىنداعى بوجيەي ماتەري قازان يكوناسى پريحودى» جەرگٸلٸكتٸ پراۆوسلاۆيەلٸك دٸني بٸرلەستٸگٸ) پراۆوسلاۆتىق باعىتتا بولسا, قازاقستان مۇسىلماندار دٸني باسقارماسىنا قاراستى 26 مەشٸت جۇمىس ٸستەيدٸ. ولاردىڭ بارلىعىمەن تىعىز بايلانىس ورناتىلعان. جالپى العاندا, قالا اۋماعىندا دٸني احۋال تۇراقتى.
"دەستٷرلٸ قۇندىلىقتارعا قارت ادامداردىڭ جاس وتباسىعا بەرگەن اقىل-كەڭەستەرٸ جاتادى. ەر وتباسىدا بۇل قۇندىلىقتار ەر تٷرلٸ. ولاردىڭ ۇقساس جاقتارى دا بار. كەز كەلگەن وتباسىدا دٸندٸ ساقتاپ, نەكەنٸ بۇزباۋ, ۇرپاق جالعاستىرىپ, بالا تەربيەلەۋ سىندى ورتاق دەستٷرلٸ وتباسىلىق قۇندىلىقتار قالىپتاسقان. ەربٸر وتباسىنىڭ باستى ماقساتى باقىتتى عۇمىر كەشۋ بولىپ تابىلادى. باقىتتى وتباسىن قۇرۋ بٸرٸنشٸ كەزەكتە جاس جۇبايلاردىڭ تەربيەسٸنە تٸكەلەي بايلانىستى. «بالاپان ۇياسىندا نە كٶرسە, ۇشقاندا سونى ٸلەدٸ» دەپ قازاق حالقى وتباسى تəربيەسٸنە ايرىقشا مəن بەرگەن. مەملەكەتتٸڭ باستى مٸندەتٸ مەن ماقساتى دا وسى دەستٷرلٸ قۇندىلىقتارىمىزدى ساقتاپ, ٶسكەلەڭ ۇرپاققا ٸزگٸلٸك جولىن دəرٸپتەۋ. سول مٸندەتٸمٸزدٸ ورىنداۋ ماقساتىندا اتالعان كەرۋەندٸ ۇيىمداستىرىپ, پٸكٸر الماسۋعا كەلٸپ وتىرعان ازاماتتارعا العىسىمدى بٸلدٸرەمٸن", - دەدٸ قالا ەكٸمٸنٸڭ ورىنباسارى.
جەرگٸلٸكتٸ حالىقپەن كەزدەسۋدە تٷركٸستان وبلىسى دٸن ٸستەرٸ باسقارماسى «دٸن مەسەلەلەرٸن زەرتتەۋ ورتالىعى» مكم-نٸڭ ديرەكتورىنىڭ ورىنباسارى مəدي بەسباەۆ, تٷركٸستان وبلىسى دٸن ٸستەرٸ باسقارماسى, «دٸن مەسەلەلەرٸن زەرتتەۋ ورتالىعى» مەملەكەتتٸك كوممۋنالدىق مەكەمەسٸنٸڭ بٶلٸم باسشىسى دەلەلحان وسپانوۆ, وبلىستىق مەدەنيەت جەنە تٸلدەردٸ دامىتۋ باسقارماسى, حالىق شىعارماشىلىعى ورتالىعىنىڭ بٶلٸم باسشىسى شولپان مامىتحانوۆا, ارىس قالاسىنىڭ «ىرىس الدى-ىنتىماق» قوعامدىق فورۋمىنىڭ حاتشىسى, كەسٸبي ەمەس مەدياتور, قالانىڭ قۇرمەتتٸ ازاماتى قونىس بالقىبەكوۆ, قالالىق جانار بايعۋتتيەۆا اتىنداعى ٶنەر مەكتەبٸ ديرەكتورىنىڭ ورىنباسارى تەمٸرحان ەبدٸكوۆتەر سٶز الىپ, باسقوسۋدىڭ ماڭىزدىلىعىنا توقتالدى. جيىنعا قاتىسۋشىلار تاراپىنان بايانداماشىلارعا سۇراقتار قويىلىپ, تۇشىمدى جاۋاپتار الىندى.
