تٷركٸستان وبلىسىندا بوراندا جولدا تۇرىپ قالعان تەحنيكالار مەن جولاۋشىلار قۇتقارىلدى. وبلىستىق تجد ٶرت سٶندٸرۋ قىزمەتٸنٸڭ كٷشٸمەن جامبىل وبلىسى امانگەلدٸ اۋىلىنىڭ جانىندا تاس جول بويىندا تۇرىپ قالعان 3 تەحنيكا شىعارىلىپ, 11 ادام ەۆاكۋاتسييالاندى, دەپ حابارلايدى قازاقپارات تٸلشٸسٸ.
وبلىستىق تجد مەلٸمەتٸنشە, كەشە جامبىل وبلىسىندا اۋا رايىنىڭ بۇزىلۋىنا بايلانىستى كەشكٸ ساعات 19:20-دان باستاپ «الماتى-تاشكەنت-تەرمەز» رەسپۋبليكالىق ماڭىزى بار اۆتوكٶلٸك جولىنىڭ 593-632 شاقىرىمىندا (تٷلكٸباس اۋدانى جاسكەشۋ اۋىلىنان جامبىل وبلىسىنىڭ شەكاراسىنا دەيٸن) بارلىق اۆتوكٶلٸك تٷرلەرٸنە جول قوزعالىسى جابىلعان بولاتىن.
ال, بٷگٸن تٷنگٸ ساعات 01.50-دە اتالعان ۋچاسكەدە بارلىق اۆتوكٶلٸك تٷرلەرٸنە جول قوزعالىسى اشىلدى. دەگەنمەن جول بويىندا كەزەكشٸلٸك ەتكەن تٶتەنشە جاعدايلار قىزمەتٸنٸڭ ٶكٸلدەرٸ شەكتەۋ كەزٸندە تٷلكٸباس اۋدانىنىڭ جامبىل وبلىسىمەن شەكاراسىندا 40 تەحنيكا, 135 ادام جول بويىندا تۇرعاندارىن بايقاعان. الايدا بۇل جولاۋشىلار كٶمەككە مۇقتاج ەمەستٸگٸن, تەك جولدىڭ اشىلۋىن كٷتٸپ جاتقانىن ايتقان.
سوعان قاراماستان رەسپۋبليكالىق ماڭىزى بار اۆتوكٶلٸك جولىندا 4 جىلىتۋ بەكەتٸ - تٷلكٸباس اۋدانى شاقپاق اۋىلىندا - 2, ت.رىسقۇلوۆ اۋىلىندا - 2 الدىن الا دايىندالعان. بۇدان بٶلەك اۆاريالىق-قۇتقارۋ جەنە كەزەك كٷتتٸرمەيتٸن جۇمىستارعا تٷركٸستان وبلىسى تج دەپارتامەنتٸنٸڭ, جەرگٸلٸكتٸ اتقارۋشى ورگاندارىنىڭ, جەرگٸلٸكتٸ پوليتسييا قىزمەتٸنٸڭ جەنە قازاۆتوجولدان جالپى 29 ادام, 13 تەحنيكا جۇمىلدىرىلعان.
