تٷركٸستان وبلىسىندا كوروناۆيرۋس جۇققان بٸرٸنشٸ ناۋقاس - ەيەل ادامنىڭ وتباسىنداعى ٷش ادامنان ۆيرۋس تابىلدى. بۇل تۋرالى وبلىستىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ جەتەكشٸسٸ نۇربەك نىشانوۆ حابارلادى.
بۇعان دەيٸن جەرگٸلٸكتٸ رەسمي ورىندار ەيەل ادامنىڭ 23 ناۋرىزدا نۇر-سۇلتاننان كەلگەنٸن, بٸرنەشە كٷننەن سوڭ دەنە قىزۋى كٶتەرٸلٸپ, 30 ناۋرىزدا اۋرۋحاناعا جاتقىزىلعانىن حابارلاعان بولاتىن.
1 سەۋٸردە جەتٸسايدىڭ تاعى بٸر تۇرعىنىنان كوروناۆيرۋس تابىلعان. وبلىستا كورونوۆيرۋس جۇقتىرعان بەسٸنشٸ ناۋقاس - ەر ادام الماتى قالاسىنان كەلگەن. ول الماتىدا ٸسساپاردا بولعان. كەلگەننەن كەيٸن تەستەن ٶتٸپ, ۆيرۋس جۇقتىرعانى انىقتالعان.
بەس ناۋقاس تا - جەتٸساي اۋدانىنىڭ تۇرعىندارى. ولار جەتٸساي اۋداندىق اۋرۋحاناسىندا ەم قابىلداپ جاتىر. جاعدايى – بٸرقالىپتى. كورونوۆيرۋس جۇقتىرعان وتباسىمەن قارىم-قاتىناستا بولعان بارلىق ادامدار انىقتالىپ, وقشاۋلانعان. الماتى قالاسىنان كەلگەن ناۋقاسپەن قارىم-قاتىناستا بولعان ادامدار انىقتالىپ جاتىر.
قازٸر تٷركٸستان وبلىسىندا شەتەلدەن كەلگەن 495 ادام كارانتيندٸك ستاتسيوناردا جاتىر.
وبلىستا اۆتوبەكەتتەر مەن اۆتوۆوكزالدار, بازارلار ۋاقىتشا جابىلعان, قىزمەت كٶرسەتۋ ورىندارىنىڭ جۇمىس ۋاقىتى قىسقارعان.
قازٸرگٸ ۋاقىتتا تٷركٸستان وبلىسىنىڭ اۋماعىنا 40 بلوك پوست قويىلعان. وندا وبلىسقا باسقا ايماقتاردان كەلگەن ادامداردىڭ بارلىعىنىڭ دەنە قىزۋى تەكسەرۋ باقىلاۋعا الىنعان.
