تٷركٸستان وبلىسىندا بەس بالالى مٷگەدەك ەكە باسپانالى بولدى. قاسيەتتٸ رامازان ايىندا ارمانى ورىندالعان جانۇيانىڭ وتاعاسى - ەكٸنشٸ توپ مٷگەدەگٸ بولسا, وتاناسى - جۇمىسسىز, دەپ حابارلايدى قازاقپارات تٸلشٸسٸ.
قازاقستان مۇسىلماندارى دٸني باسقارماسىنىڭ باس مٷفتيٸ سەرٸكباي قاجى وراز نۇر-سۇلتان قالاسى مەن الماتىدان كەيٸن تٷركٸستاندا اۋىزاشار بەرۋگە ارنايى كەلدٸ. مۇسىلمان قاۋىمى جينالعان باسقوسۋدا قايىرىمدى ازاماتتار تۇل جەتٸم جانعا تاعى بٸر باسپانا تارتۋ ەتتٸ. ايماقتا مۇنداي قۋانىشتى جاڭالىق جىلدا جالعاسىن تابۋدا. مەسەلەن, ٶتكەن جىلى 12 كٶپبالالى انا مەن از قامتىلعان وتباسىعا پەتەر بەرٸلگەن.
تٷركٸستان وبلىسىنىڭ ەكٸمٸ ٶمٸرزاق شٶكەەۆ قايىرىمدىلىق شارالارىن حالىق اراسىندا كەڭٸنەن ناسيحاتتاپ, تٷسٸندٸرۋٸمٸز كەرەك ەكەنٸن اتاپ ٶتتٸ.
«قازاقستان مۇسىلماندارى دٸني باسقارماسىنىڭ باس مٷفتيٸ سەرٸكباي قاجى وراز ارنايى كەلٸپ وتىر. ٶزدەرٸڭٸز بٸلەسٸزدەر, ەلباسىنىڭ كٶرەگەندٸگٸ, سارابدال ساياساتىنىڭ ارقاسىندا وسىدان بٸر جىل بۇرىن تٷركٸستان قالاسى وبلىس ورتالىعى بولىپ قايتا قۇرىلدى. سەنٸمدٸ اقتاۋ ٷشٸن بەرٸمٸز جۇمىلۋدامىز. ٷكٸمەت تٷركٸستان تۋرالى 5 رەت قاۋلى قابىلدادى. مۇنىڭ بەرٸ ٷلكەن جۇمىستى تالاپ ەتەدٸ. سوندىقتان دا بٸزگە وسىنداي بٸرلٸك, ىنتىماق ٶتە قاجەت. ەلباسىنىڭ تاپسىرماسىمەن بٸرتالاي ەلەۋمەتتٸك باستامالاردى ٸسكە اسىرىپ جاتىرمىز. كٶپبالالى انالار مەن ەلەۋمەتتٸك جاعدايى تٶمەن وتباسىلاردى قولداۋ جٶنٸندە جۇمىستار جٷرگٸزٸلٸپ جاتىر. سٸزدەردٸ رامازان ايىمەن تاعى دا قۇتتىقتايمىن. وتباسىلارىڭىزعا اماندىق تٸلەيمٸن», - دەدٸ وبلىس ەكٸمٸ.
