تٷركٸستان وبلىسىندا بالىق شارۋاشىلىعىن دامىتۋ باعىتىندا جۇمىس جاندانادى. وبلىس ەكٸمٸ دارحان ساتىبالدىنىڭ تٶراعالىعىمەن ٶتكەن اپپاراتتىڭ اپتالىق وتىرىسىندا وسى مەسەلە تالقىلاندى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
ٶڭٸر باسشىسى بالىق شارۋاشىلىعىن دامىتىپ, ٶنٸمدٸلٸك پەن ەسكپورتتىق ەلەۋەتتٸ ارتتىرۋ جٶنٸندە تاپسىرما بەردٸ.
«تٷركٸستان وبلىسى بويىنشا ەر جىلعا ارنالعان بالىق ٶسٸرۋ كٶلەمٸ جوسپارىن قايتادان قاراپ شىعۋدى تاپسىرامىن. بۇل باعىتتا جۇمىستى شيراتىپ, بالىق ٶنٸمٸ كٶلەمٸن ارتتىرۋعا مٷمكٸندٸك بار دەپ ويلايمىن. ەسٸرەسە ەكسپورتتىق ەلەۋەتتٸ كٶتەرۋگە باسىمدىق بەرگەن جٶن. جاۋاپتى باسقارمالار بالىق شارۋاشىلىعىنا ينۆەستيتسييا تارتۋ, وسى باعىتتا جۇمىس ٸستەيمٸن دەيتٸن ٶزٸمٸزدٸڭ كەسٸپكەرلەرگە قولداۋ كٶرسەتۋدٸ كٷشەيتسٸن. سٸزدەر كەسٸپكەرلەردٸڭ جاعدايىن تٷسٸنٸپ, ولارعا قولايلى مٷمكٸندٸك ۇسىنۋلارىڭىز كەرەك. ەكٸنشٸدەن, بالىق شارۋاشىلىعىن جٷرگٸزۋ ٷشٸن بەكٸتٸلٸپ بەرٸلگەن 91 سۋ ايدىنىن قايتادان تالداپ, زەردەلەڭٸزدەر. ەر اۋدان, قالاعا, كەسٸپكەرگە ينديكاتور بەكٸتٸلٸپ, ونىڭ ورىندالۋى قاداعالانۋى تيٸس. ەگەر سۋ ايدىنىن تيٸمدٸ پايدالانباسا, باسقا ازاماتتارعا بەرۋ قاجەت», – دەگەن دارحان ساتىبالدى جاۋاپتى باسشىلارعا وسى سالانى دامىتۋ بويىنشا تىڭ ۇسىنىستار مەن ينۆەستيتسييالىق جوبالاردى ەزٸرلەۋدٸ تاپسىردى.
وبلىستىق تابيعي رەسۋرستار جەنە تابيعات پايدالانۋدى رەتتەۋ باسقارماسى باسشىسىنىڭ مٸندەتٸن اتقارۋشى نۇرجان ٸزتٸلەۋوۆتٸڭ ايتۋىنشا, «بالىق شارۋاشىلىعىن دامىتۋدىڭ ٶڭٸرلٸك باعدارلاماسى» بەكٸتٸلگەن. باعدارلاماعا سەيكەس, تٷركٸستان وبلىسىندا 2030 جىلعا دەيٸن تاۋارلى بالىق ٶسٸرۋ كٶلەمٸن 20 مىڭ تونناعا جەتكٸزۋ جوسپارلانسا, 2022 جىلعا جوسپار – 6,1 مىڭ توننا. 10 ايدا ورىندالعانى – 5 مىڭ توننا. جوسپار جىل سوڭىنا دەيٸن تولىق ورىندالادى دەپ كٷتٸلٸپ وتىر.
قازٸرگٸ تاڭدا وبلىس اۋماعىندا 126 جەرگٸلٸكتٸ ماڭىزى بار سۋ ايدىنى تٸركەلگەن, ونىڭ ٸشٸندە بالىق شارۋاشىلىعىن جٷرگٸزۋگە جارامدىسى 104 بٸرلٸك بولسا, 91 سۋ ايدىنى بالىق شارۋاشىلىعىن جٷرگٸزۋ ٷشٸن بەكٸتٸلٸپ بەرٸلگەن.
بالىقتى جاساندى جولمەن ٶسٸرۋ بويىنشا وبلىستا 2020 جىلى – 5,2 مىڭ توننا, 2021 جىلى – 5,7 مىڭ توننا, 2022 جىلدىڭ 10 ايدا 5,1 مىڭ توننا (جوسپار 6,1 مىڭ توننا) تاۋارلى بالىق ٶندٸرٸلٸپ, ٶسٸم 8,5 %-دى قۇرادى. بۇل – رەسپۋبليكا بويىنشا ەڭ جوعارعى كٶرسەتكٸش.
باعدارلامادا وبلىس بويىنشا 2030 جىلعا دەيٸن 53 توعاندىق بالىق ٶندٸرەتٸن شارۋاشىلىق قۇرۋ, 11 شارباقتىق شارۋاشىلىق, 4 سۋمەن قامتاماسىز ەتۋ تسيكلٸ تۇيىقتالعان بالىق ٶسٸرۋ شارۋاشىلىعىن قۇرۋ جەنە 71 كٶلدە تاۋارلى بالىق ٶندٸرۋ شارۋاشىلىقتارىن قۇرۋ كٶزدەلگەن. 2023 جىلى بالىق شارۋاشىلىعىن سۋبسيدييالاۋعا 500 ملن. تەڭگە جوسپارلانعان. قاجەتتٸلٸككە بايلانىستى قارجى كٶلەمٸن ارتتىرۋ بويىنشا قوسىمشا ۇسىنىستار ەنگٸزٸلمەك.
