فوتو: تٷركٸستان وبلىسى ەكٸمٸنٸڭ باسپاسٶز قىزمەتٸ
تٷركٸستان وبلىسىنىڭ ەكٸمٸ دارحان ساتىبالدىنىڭ تاپسىرماسىنا سەيكەس, ٶڭٸردە بالىق شارۋاشىلىعىن دامىتۋ باعىتىندا سەمينارلار ٶتكٸزٸلۋدە. وسى رەتتە تٷركٸستان وبلىسى, بەيدٸبەك اۋدانىندا ورنالاسقان «شوق-تالاپ» شارۋا قوجالىعىندا بالىق شارۋاشىلىعىمەن اينالىسۋعا نيەتتٸ تۇرعىندار ٷشٸن ارنايى سەمينار ۇيىمداستىرىلدى, دەپ حابارلايدى «ۇلت اقپارات».
بيىل جاڭادان اشىلعان شارۋا قوجالىعىنىڭ جۇمىستارىمەن تانىسۋ جەنە الداعى ۋاقىتتا بالىق شارۋاشىلىعىن اشۋعا قىزىعۋشىلىق تانىتقان كەسٸپكەرلەرمەن تەجٸريبە الماسۋ ماقساتىندا ٶتكەن سەمينارعا اۋدان ەكٸمٸ ەرلان نۇرماحانوۆ, تٷركٸستان وبلىسىنىڭ تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ باس مامانى اباي سەدٸرحوجا قاتىستى.
«شوق-تالاپ» شارۋا قوجالىعىنىڭ تٶراعاسى باقىت وماربەكوۆ بيىل 2 گا اۋماققا جاساندى كٶل جاساپ, 1600 دانا سازان شاباعىن جٸبەرگەنٸن ايتىپ, ٶزەندەردٸڭ جاعالاۋىنان جاساندى كٶل جاساۋعا رۇقسات الۋ باستى ماقسات ەكەنٸن جەتكٸزدٸ. سونىمەن قوسا جەكە كەسٸپكەر ابزال ارىنبەكوۆ شايان ٶزەنٸ اڭعارىنان ٶزٸنە ۇزاق مەرزٸمگە بەرٸلگەن جەر تەلٸمٸن پايدالانۋ ٷشٸن قانداي جۇمىستار اتقارىلۋ كەرەكتٸگٸن سۇراسا, بورالداي اۋىلدىق وكرۋگٸنەن جك «حايدار رادمير» 2 گا اۋماق جاساندى كٶلگە افريكالىق سومنىڭ 10 مىڭ شاباعى جەنە 1 مىڭ سازان جٸبەرٸلگەندٸگٸ جايلى مەلٸمەتٸمەن بٶلٸسە كەلە قازٸرگٸ تاڭدا بالىقتىڭ دايىن ازىعىنىڭ تىم قىمباتتىعىنان شارۋالار قولدان دايىندالعان ازىقتى (كورم) پايدالانىپ جاتقاندىعىن اتاپ ٶتتٸ.
ٶز كەزەگٸندە تٷركٸستان وبلىسىنىڭ تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ باس مامانى اباي سەدٸرحوجا بالىق شارۋاشىلىعى بويىنشا كەسٸپتٸ قالاي باستاۋ كەرەك, قانداي جەڭٸلدٸكتەر قاراستىرىلعان جەنە باستاعان ٸستٸ قالاي كەڭەيتٸپ, دامىتۋ كەرەكتٸگٸ جايىندا كەڭٸنەن تٷسٸندٸرٸپ ٶتتٸ. سەمينارعا قاتىسۋشىلار ٶزدەرٸن تولعاندىرعان سۇراقتارىن قويىپ, سەيكەسٸنشە تۇشىمدى جاۋاپتار الدى.
بٷگٸندە تٷركٸستان وبلىسىندا بالىق شارۋاشىلىعىمەن اينالىسۋشىلاردىڭ قاتارى كٶبەيٸپ كەلەدٸ. قازٸرگٸ تاڭدا ٶڭٸردە تاۋارلىق بالىق ٶمٸرۋمەن اينالىساتىن شارۋاشىلىقتاردىڭ سانى 200-دەن استى.
