تٷركٸستان وبلىسىندا ارىستاي ۇلى كٸسٸ قولىنان اجال قۇشقان وتباسى, ەدٸلدٸك ٸزدەيدٸ. سايرام اۋدانى اقباستاۋ اۋىلىنىڭ تۇرعىندارى ونىڭ ٶلٸمٸنە كٸنەلٸلەردٸڭ تٷگەل جازالانۋىن تالاپ ەتٸپ وتىر, دەپ حابارلايدى KAZ.NUR.KZ سايتى استانا ارناسىنا سٸلتەمە جاساپ.
27 جاستاعى ەلامان جاقىندا كەلٸن ەكەلەم دەپ ٷيٸن قۋانتىپ تا قويىپتى. بٸراق ول كٷنگە جەتە الماي كەتكەن. مارقۇم 2 قاراشا كٷنٸ "جالاقى الدىم, مونشاعا تٷسٸپ, شاش قيدىرىپ كەلەمٸز" دەپ سىنىپتاستارىمەن كەتكەن. سودان ورالماعان.
ول قاراشانىڭ ەكٸسٸنەن ٷشٸنە قاراعان تٷنٸ بولعان تٶبەلەستەن كەيٸن اۋرۋحاناعا تٷسٸپ, ەكٸ كٷن جاتىپ, ەسٸن جيماستان كٶز جۇمعان.
ٶزەگٸ ٶرتەنگەن اناسىنىڭ ايتۋىنشا, تەپكٸدەن باس سٷيەگٸ قاق ايرىلىپ, ميى ەزٸلگەن. بٸلۋٸنشە, ەرەگٸس بولماشى سٶزدەن شىققان.
"باعا تۋرالى سەل كەلٸسپەي قالعاندا. سوسىن بۇلاردىڭ كٸرەمٸز دەپ تۇرعان ورنىنا باسقا بٸرەۋدٸ كٸرگٸزٸپ جٸبەرگەن, سوعان اشۋلانعان دا بالالار. وندا دا ٶزدەرٸ بالاعاتتاپ باستاعان, سوسىن بۇلار دا سەل ەرەگٸسكەن. ەرەگٸستەن بۇلاردى سىرتقا الىپ شىعىپ, قاقپانى جاۋىپ قويىپ ۇرادى عوي", - دەيدٸ مارقۇمنىڭ اناسى شولپان ماليكوۆا.
تۋىستارىنىڭ بٸلۋٸنشە, تٶرت جٸگٸتكە ەۋەلٸ التى ادام جابىلعان. ولار كٷزەت قىزمەتٸندەگٸلەر دەيدٸ جاقىندارى. كەيٸننەن سانى 15-تەن اسىپتى. تاياق جەگەن كۋەگەرلەر سىرتتان جٸگٸتتەر كەلگەنٸن ايتقان.
ال مارقۇم ەلاماندى سول جەردەن كەزدەيسوق ٶتٸپ بارا جاتقان مەديتسينا قىزمەتكەرلەرٸ اۋرۋحاناعا جەتكٸزگەن ەكەن.
بۇل ٸسكە قاتىستى جاۋاپ بەرگەن پوليتسييانىڭ مەلٸمەتٸنشە, قازٸر بٸر كٷدٸكتٸ انىقتالىپ, ول "ٷيقاماققا" الىنعان.
"2021 جىلى سايرام اۋدانى اۋىلدارىنىڭ بٸرٸندە ورنالاسقان دەمالىس كومپلەكسٸنە ورىن العان جايتقا بايلانىستى, سايرام اپب-دە قر قك-نٸڭ 106-بابى "دەنساۋلىققا قاساقانا اۋىر زييان كەلتٸرۋ" بويىنشا تٸركەۋگە الىنعان. سوتقا دەيٸنگٸ تەرگەۋ امالدارى جٷرگٸزٸلۋدە. سايرام اۋداندىق سوتىنىڭ قاۋلىسىمەن كٷدٸكتٸ "ٷيقاماققا" الىنعان. وقيعانىڭ تولىق مەن-جايى تەرگەۋ بارىسىندا انىقتالاتىن بولادى", - دەيدٸ تٷركٸستان وبلىستىق پوليتسييا دەپارتامەنتٸنەن.
دەگەنمەن, قارا جامىلعان وتباسى تٶبەلەسكە قاتىسقانداردىڭ بارلىعىن قاماۋعا الۋدى تالاپ ەتٸپ وتىر. ولار تٸپتٸ, كٷدٸكتٸنٸڭ "ٷيقاماققا" الىنعانىن تٷسٸنبەي دال.
"ادام ٶلٸمٸ بولىپ جاتىر. (...). قاي جەردە كٶردٸڭ ادام ٶلتٸرگەن ادامدى ٷي قاماققا العانىن?! مەن ويلايم بٸر ٷلكەن دٶكەيلەر ارالاسىپ جاتىر دەپ.. ەندٸ شىنىمدى ايتسام اقشامەن جاۋىپ تاستاپ جاتقان سيياقتى", - دەيدٸ مارقۇمنىڭ اناسى شولپان ماليكوۆا.
ا. تٶرەبەكقىزى
