تٷركٸستان وبلىسىندا اۋىل ەكٸمدەرٸن سايلاۋ جوعارى دەڭگەيدە ٶتٸپ جاتىر. ٶڭٸردە 60 اۋىلدىق وكرۋگٸنٸڭ تۇرعىندارى ٶز تاڭداۋلارىن جاساپ, بەلسەندٸلٸك تانىتۋدا, دەپ حابارلايدى "ۇلت اقپارات".
بٷگٸن ٶڭٸردەگٸ 16 اۋدان-قالادان جالپى سانى 166 ٷمٸتكەر تٸركەلٸپ, ساياسي دوداعا قاتىسۋدا. ايماقتا حالىق سانى 2 ملن 049 مىڭ ادام بولسا, ونىڭ 1 ملن 160 مىڭى داۋىس بەرۋگە قۇقىلى. وبلىستا 241 سايلاۋ ۋچاسكەسٸ اشىلىپ, وندا 265 مىڭ ادام داۋىستارىن بەرۋدە. ساياسي دودانىڭ ەدٸل ٶتۋٸن ارنايى باقىلاۋشىلار باقىلاپ وتىر.
مەسەلەن, جاڭادان قۇرىلعان ساۋران اۋدانىنداعى ٷش اۋىلدىق وكرۋگتە ەكٸمدەردٸ سايلاۋ ٶتۋدە. سولاردىڭ بٸرٸ ٷش قايىق اۋىلدىق وكرۋگٸنە ەكٸم بولۋعا ەكٸ ٷمٸتكەر تٸركەلٸپ, باقتارىن سىناۋدا. تٶرت ەلدٸمەكەننەن تۇراتىن اۋىلدىق وكرۋگتە 7 مىڭعا تارتا حالىق تۇرسا, ونىڭ 2896-سى سايلاۋدا داۋىس بەرۋدە.
ال, ارىس قالاسىندا 86 جاستاعى ٷسٸپبەك ساپاربەكوۆ اقساقال دا بٸر كٸسٸدەي داۋىس بەردٸ. مونتايتاس اۋىلىنداعى №20 سايلاۋ چاسكەسٸندە تاڭداۋىن جاساعان ەل اعاسى ەلدٸ بٸرلٸككە, ٷمٸتكەرلەردٸ ەل الدىنداعى سەرتكە ادال بولۋعا شاقىردى. بايىرقۇم اۋىلىنىڭ ارداگەرلەر كەڭەسٸنٸڭ تٶراعاسى جاسان ساحوۆ بۇل سايلاۋدىڭ اۋىل ٶمٸرٸنە تٸكەلەي ەسەر ەتەتٸنٸن ايتىپ, ساياسي دوداعا جوعارى باعاسىن بەردٸ. ٶز تاڭداۋىن جاساپ, ازاماتتارعا سەتتٸلٸك تٸلەدٸ.
ٶز كەزەگٸندە سايرام اۋدانىندا سايلاۋشىلاردىڭ بەلسەندٸلٸگٸ جوعارى. قۇتارىس اۋىلدىق اكرۋگٸندە تاڭعى 8.20-عا دەيٸن 112 ادام داۋىس بەرٸپ ٷلگەردٸ. ەڭ العاشقى 5 سايلاۋشىعا سىيلىقتار بەرٸلدٸ.
