تٷركٸستان قالاسىندا وبلىس ەكٸمٸ ٶمٸرزاق شٶكەەۆتٸڭ تٶراعالىعىمەن كەزەكتٸ اپپارات مەجٸلٸسٸ ٶتتٸ. جيىندا اتاۋلى ەلەۋمەتتٸك كٶمەك كٶرسەتۋدەگٸ سوڭعى مەلٸمەتتەر مەن بۇل تۇستا ورىن العان ولقىلىقتار تالقىلاندى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
مەجٸلٸس وتىرىسىندا تٷركٸستان وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ باسشىسى ەسييا تەمٸرباەۆا بايانداما جاسادى.
«سوڭعى مەلٸمەتتەرگە سەيكەس, وبلىس حالقىنىڭ سانى - 2 011 628 ادام (344 مىڭ وتباسى), ونىڭ ٸشٸندە 86,6 مىڭ كٶپبالالى وتباسى بار. اتاۋلى ەلەۋمەتتٸك كٶمەك كٶرسەتۋ بارىسىندا بەلگٸلەنگەن نىسانالى ينديكاتوردىڭ بٸرٸ – كٷنكٶرٸس دەڭگەيٸنەن تٶمەن تۇراتىن حالىقتىڭ ٷلەسٸ 16,5% بولىپ بەلگٸلەنگەن. بيىل وبلىس بويىنشا اەك كٶرسەتۋ ماقساتىندا جالپى 70,8 ملرد تەڭگە بٶلٸنگەن. ونىڭ ٸشٸندە رەسپۋبليكالىق بيۋدجەتتٸڭ ٷلەسٸ - 65,7 ملرد تەڭگە. اتاۋلى ەلەۋمەتتٸك كٶمەك 100 مىڭنان استام وتباسىنداعى 632,8 مىڭ ادامعا تاعايىندالدى. بۇل ٶتكەن جىلمەن سالىستىرعاندا ٷش ەسە كٶپ» دەلٸنگەن حابارلامادا.
بۇل مەسەلە تٶڭٸرەگٸندە ورىن العان ولقىلىقتارعا قايتا ەسەپتەۋدٸڭ ۋاقىتىلى جٷرگٸزٸلمەۋٸ, قۇجاتتاردىڭ دەر كەزٸندە ٶڭدەلمەۋٸ, بيۋدجەت قارجىسىنىڭ دۇرىس جوسپارلانباۋى (ورداباسى, كەنتاۋ, تٷركٸستان) جەنە الدىن الا بٸر جىلدىق اەك تٶلەنۋٸ (كەنتاۋ قالاسى) سەبەپ بولعان.
«وسىعان بايلانىستى اۋدان, قالا ەكٸمدەرٸ جىل سوڭىنا دەيٸن قارجىنىڭ ماقساتتى جەنە زاڭ شەڭبەرٸندە تٶلەنۋٸن جەتە باقىلاۋعا الىپ, قايتا ەسەپتەپ, بٶلٸنگەن قاراجاتتى ماقساتتى يگەرٸپ, اەك الۋشىلاردى جۇمىسپەن قامتۋدىڭ بەلسەندٸ شارالارىنا تارتۋ قاجەت. اتاۋلى ەلەۋمەتتٸك كٶمەك كٶرسەتۋ مەسەلەسٸ – حالىق اراسىندا ۇدايى تالقىلانىپ, سىنعا ٸلٸككەن مەسەلە بولدى», - دەدٸ وبلىس باسشىسى.
ايماق باسشىسىنىڭ تاپسىرماسىن وسى جولى ورىنداۋدان تايقىعاندار كرەسلومەن بٸرجولاتا قوشتاساتىن بولادى. ٶمٸرزاق ەستايۇلى وسىنى قاتاڭ ەسكەرتتٸ.
«بۇل - ٶتە ماڭىزدى مەسەلە. جٷيەسٸ جوق جۇمىستان شيكٸلٸك شىعادى. وعان جول بەرگەن جاۋاپتىلاردىڭ كٸنەسٸن ناقتى فاكتٸمەن دەلەلدەپ, جازالايمىز. قازٸر تىڭ يدەياسى مەن اقىلى بار مامانداردى اڭدىعان زامان. زاماناۋي تەحنولوگييانىڭ تٸلٸن يگەرگەن, يدەيالى تۇلعالاردى جۇمىسقا تارتىڭدار», - دەدٸ ايماق باسشىسى جينالىس بارىسىندا.
باسقارما باسشىلىعى ەلەۋمەتتٸك شيەلەنٸستەردٸڭ بولۋىنا جول بەرگەن, تيٸستٸ جۇمىسپەن قامتۋ جۇمىستارىن جٷرگٸزبەگەن جۇمىسپەن قامتۋ ورتالىقتارىنىڭ باسشىلارىنىڭ جۇمىستان بوساتىلۋىن, تيٸستٸ جاۋاپتى مامانداردىڭ ورىنداۋشىلىق تەرتٸبٸن قاراۋدى ۇسىندى. اۋىل ەكٸمدەرٸنٸڭ, جۇمىسپەن قامتۋ ورتالىقتارى مەن بٶلٸم ماماندارىنىڭ بٸلٸكتٸلٸگٸن انىقتاۋ ماقساتىندا جەلتوقسان-قاڭتار ايلارىندا تەستٸلەۋ جۇمىسى جٷرگٸزٸلمەك.
