فوتو: Gov.kz.
بيىلعى 9 ايدىڭ نەتيجەسٸمەن تٷركٸستان وبلىسىنىڭ ەلەۋمەتتٸك-ەكونوميكالىق دامۋىنىڭ نەگٸزگٸ سالالارىندا وڭ ديناميكا ساقتالدى. الدىن الا ەسەپ بويىنشا جالپى ٶڭٸرلٸك ٶنٸم كٶلەمٸ 3,7 ترلن. تەڭگەنٸ, ال قىسقا مەرزٸمدٸ ەكونوميكالىق ٶسٸم 110,6%-دى قۇرادى. سونىمەن بٸرگە ايماقتا كٸرٸس كٶزدەرٸ ۇلعايعان, دەپ حابارلايدى Ult.kz.
اتالعان مەسەلەلەر وبلىس ەكٸمٸ اپپاراتىنىڭ اپتالىق مەجٸلٸسٸندە تالقىلاندى. تٷركٸستان وبلىسىنىڭ ەكٸمٸ دارحان ساتىبالدى ينديكاتورلاردى تولىق ورىنداۋ ماڭىزدى ەكەنٸنە تاعى دا توقتالدى.
– بەكٸتٸلگەن جوسپاردى ورىنداپ, ەكونوميكالىق ٶسٸمگە قول جەتكٸزۋٸمٸز كەرەك. جۇمىس بار. بٸراق ەلٸ دە كٷشەيتكەن جٶن. ينديكاتورلاردى ورىنداۋ كٶرسەتكٸشٸ تٶمەن اۋدان, قالا ەكٸمدەرٸنەن تيٸستٸ تٷسٸنٸكتەمەسٸ الىنادى. ٶندٸرٸس ورىندارىن اشۋ, ٶزٸندٸك كٸرٸستەردٸ كٶبەيتۋ قاجەت. ٸزدەنٸڭٸزدەر, كٶرشٸلەس ەلدەرگە بارىپ, تەجٸريبەلەرٸن كٶرٸڭٸزدەر. بٸزگە جۇمىس ورىندارىن, كەسٸپورىندار اشۋ بويىنشا ناقتى نەتيجە قاجەت. بيۋدجەت قارجىسىن تيٸمدٸ جۇمساۋ, ايماقتاعى جوبالاردى ۋاقتىلى جٷزەگە اسىرۋ دا قاتاڭ قاداعالانادى, – دەدٸ دارحان ساتىبالدى.
مەجٸلٸستە تٷركٸستان وبلىسىنىڭ ەكونوميكا جەنە بيۋدجەتتٸك جوسپارلاۋ باسقارماسىنىڭ باسشىسى قانات قايىپبەك پەن وبلىستىق قارجى جەنە مەملەكەتتٸك اكتيۆتەر باسقارماسىنىڭ باسشىسى قايرات ەلٸباەۆتىڭ ەسەپتەرٸ تىڭدالدى.
جىل باسىنان بەرٸ ٶڭٸردە ٶنەركەسٸپ ٶنٸم كٶلەمٸ 857,1 ملرد. تەڭگەنٸ قۇراپ, ٶسٸم 106,8% دەڭگەيٸندە بولدى. ٶسۋدٸڭ وڭ ٷردٸسٸ تاۋ-كەن, ماشينا جاساۋ, جەڭٸل ٶنەركەسٸپ, تاماق ٶنٸمدەرٸ, جيھاز ٶندٸرٸسٸندە سالالارىندا بايقالادى. ٶڭدەۋ ٶنەركەسٸبٸ ٶنٸمٸ ناقتى 409 ملرد. تەڭگەنٸ قۇراپ, 2 ەسەگە ارتقان. اۋىل شارۋاشىلىعى ٶنٸم كٶلەمٸ 747,3 ملرد. تەڭگەنٸ قۇراپ, ٶڭٸر رەسپۋبليكادا كٶش باستادى. نەگٸزگٸ كاپيتالعا باعىتتالعان ينۆەستيتسييا كٶلەمٸ 822,3 ملرد. تەڭگەگە جەتٸپ, ارتىعىمەن ورىندالعان.
2024 جىلعى 3-شٸ توقسان قورىتىندىسىمەن بيۋدجەتكە 181 ملرد. 200 ملن. تەڭگە سالىقتار مەن باسقا دا تٷسٸمدەر تٷسٸپ, جوسپار 103,6%-عا ورىندالىپ وتىر. ايماقتا ٶندٸرٸس ورىندارىن اشۋ, سالىق مەدەنيەتٸن كٶتەرۋ, ٶزٸندٸك كٸرٸس كٶزدەرٸن ۇلعايتۋ باعىتىنداعى جۇمىستار جالعاسادى.
