فوتو: Gov.kz.
بۇل تۋرالى ورتالىق كوممۋنيكاتسييالار قىزمەتٸنٸڭ الاڭىندا وبلىستىڭ ەلەۋمەتتٸك-ەكونوميكالىق دامۋى تۋرالى ەسەپ بەرۋ بارىسىندا تٷركٸستان وبلىسىنىڭ ەكٸمٸ دارحان ساتىبالدى مەلٸمدەدٸ, دەپ حابارلايدى «ۇلت اقپارات».
– بٸزدٸڭ ٶڭٸردٸڭ باستى ەرەكشٸلٸگٸ – حالىقتىڭ 80 پايىزى اۋىلداردا تۇرادى. سوندىقتان دا اۋىل شارۋاشىلىعى – ٶڭٸردٸڭ ماڭىزدى سالاسى. بٸز اۋىل شارۋاشىلىعىن ەرتاراپتاندىرۋ, سۋ ٷنەمدەۋ تەحنولوگييالارىن ەنگٸزۋ, مال مەن ٶسٸمدٸك ٶنٸمٸن تەرەڭ ٶڭدەۋ باعىتىندا جۇمىس جٷرگٸزۋدەمٸز. ٶزدەرٸڭٸزگە بەلگٸلٸ, ەلٸمٸزدە جىل سايىن اعىن سۋ تاپشىلىعى بايقالادى. تٷركٸستان وبلىسىنا قاجەتتٸ سۋدىڭ 70 پايىزى كٶرشٸ مەملەكەتتەن كەلەدٸ. سوندىقتان اۋىل شارۋاشىلىعىندا زاماناۋي سۋ ٷنەمدەۋ تەحنولوگيياسىن ەندٸرٸپ, جاڭا داقىلدار مەن سورتتاردى ٶسٸرۋگە باسىمدىق بەرەمٸز. سۋ ٷنەمدەۋ تەحنولوگيياسىن 216,3 مىڭ گەكتارعا ەنگٸزٸپ, سۋارمالى جەرلەردٸڭ ٷلەسٸن 40%-عا جەتكٸزۋ جوسپارىمىز بار. بيىلدىڭ ٶزٸندە بۇل تەحنولوگييا جالپى 50 مىڭ گەكتارعا دەيٸن جەتكٸزٸلدٸ. سۋ ٷنەمدەۋ تەحنولوگييالارىنىڭ قولجەتٸمدٸلٸگٸن ارتتىرۋ باعىتتىندا جالپى قۇنى 11,7 ملرد. تەڭگەنٸ قۇرايتىن 3 ٶندٸرٸس ورىندارىن اشتىق, – دەدٸ دارحان ساتىبالدى.
تٷركٸستان وبلىسىندا اۋىل شارۋاشىلىعىندا ٶنٸم كٶلەمٸ 958 ملرد. تەڭگەنٸ قۇراپ, ٶسٸم 105,8 پايىزعا جەتتٸ. اۋىل شارۋاشىلىعى ٶنٸم كٶلەمٸ بويىنشا وبلىس رەسپۋبليكادا جەتەكشٸ ورىندا تۇر. بۇل باعىتتا نارىقتى وتاندىق ٶنٸمدەرمەن قامتاماسىز ەتۋ ماقساتىندا 2024-2027 جىلدارعا جالپى 507 ملرد تەڭگە بولاتىن 105 جوبانى ٸسكە اسىرۋ جوسپارلانعان. وسى ارقىلى 8 مىڭنان استام (8 346) جۇمىس ورنى قالىپتاسپاق. ايماقتا «BNK Group LTD» كومپانيياسىنىڭ قۇنى 7 ملرد. تەڭگە قۇرايتىن «جىلىنا 1000 دانا جاڭبىرلاتىپ سۋعارۋ ماشينالارىن شىعارۋ» زاۋىتى, قۇنى 4,1 ملرد. تەڭگە بولاتىن «14 مىڭ گەكتار تامشىلاتىپ سۋارۋ ٶندٸرٸسٸ», «تۇران سۋ» مەملەكەتتٸك كەسٸپورنىنىڭ قۇنى 650 ملن. تەڭگەنٸ قۇرايتىن جىلىنا 9 مىڭ گەكتار تامشىلاتىپ سۋارۋ جٷيەسٸن شىعاراتىن ٶندٸرٸسٸ تولىعىمەن ٸسكە قوسىلعان. وعان قوسا شەتەلدٸك ينۆەستوردىڭ قۇنى 2 ملرد. تەڭگە بولاتىن 40 مىڭ گەكتارعا تامشىلاتىپ سۋارۋ ٶندٸرٸسٸ كەلەسٸ جىلى جٷزەگە اسىرىلادى.
