سۋرەت اشىق دەرەككٶزدەن الىندى
تٷركٸستان وبلىسىندا 4 جاسار قىز ارىس ٶزەنٸنە قۇلاپ كەتتٸ. جوعالعان قىزدى ٸزدەۋگە وبلىس پوليتسەيلەرٸ جۇمىلدىرىلدى, دەپ حابارلايدى "ۇلت اقپارات" ٸٸم Telegram-ارناسىنا سٸلتەمە جاساپ.
"17 ناۋرىز تٷلكٸباس اۋداندىق پوليتسييا بٶلٸمشەسٸنە جەرگٸلٸكتٸ تۇرعىنداردىڭ بٸرٸ ارىزدانىپ, 4 جاسار قىزى ارىس ٶزەنٸنە قۇلاپ كەتكەنٸن حابارلادى.
تەكسەرۋ كەزٸندە, سول كٷنٸ كەشكٸ ۋاقىتتا كەمەلەت جاسىنا تولماعان ٷش كٸشكەنتاي قىز ەڭبەك اۋىلىنىڭ ماڭىندا اعىپ جاتقان ارىس ٶزەنٸنە بارعانى انىقتالدى. الدىن الا بولجام بويىنشا, قىزداردىڭ بٸرٸ ٶزەننەن ٶتپەكشٸ بولىپ, ابايسىزدا جاعادان سۋعا قۇلاعان. ال سۋدىڭ اعىنى ونى الىپ كەتكەن.
قىزدى ٸزدەۋگە تٷلكٸباس اۋداندىق پوليتسييا بٶلٸمٸنٸڭ تولىق جەكە قۇرامى مەن اۋداندىق پروكۋراتۋرا, تجم-نٸڭ قىزمەتكەرلەرٸ, 30 ەرٸكتٸ جۇمىلدىرىلدى" - دەلٸنگەن حابارلامادا.
قازٸرگٸ ۋاقىتتا قىزدى ٸزدەۋ جۇمىستارى جان-جاقتى جٷرگٸزٸلٸپ, وقيعانىڭ مەن-جايى انىقتالىپ جاتىر.
