تٷركٸستان وبلىسىندا 20 جىلدان استام قۇجاتسىز جٷرگەن ەيەلگە كٶمەك كٶرسەتٸلدٸ. ٶزبەكستان رەسپۋبليكاسىندا دٷنيەگە كەلگەن شاحنوزا مادامينوۆا 1998 جىلى سوزاق اۋدانىنا كٶشٸپ كەلٸپ, تٶرت بالانى دٷنيەگە ەكەلگەن, دەپ حابارلايدى "ۇلت اقپارات".
قازٸرگٸ تاڭدا سىزعان اۋىلىندا تۇراتىن كەلٸنشەك وسى كٷنگە دەيٸن قۇجاتسىز جٷرگەن. ارنايى موبيلدٸك توپتىڭ رەيد جۇمىستارىن جٷرگٸزۋ كەزٸندە شاحنوزانىڭ قۇجاتسىز جٷرگەندٸگٸ انىقتالىپ, كٶشٸ-قون پوليتسەيلەرٸ بٸردەن كٶمەك قولىن سوزعان. ەلشٸلٸك ارقىلى بايلانىسقا شىعىپ, جان-جاقتى جۇمىستار جٷرگٸزٸلگەن. بٷگٸندە ول «ازاماتتىعى جوق كۋەلٸگٸمەن» رەسٸمدەلدٸ. ەندٸگٸ كەزەكتە باسقا دا قۇجاتتارىنىڭ جاسالۋى جولىندا جۇمىستار اتقارىلماق. ٶز كەزەگٸندە شاحنوزا پوليتسەيلەرگە شىنايى ريزاشىلىعىن جەتكٸزٸپ, العىس ايتتى.
