Túrkistan oblysynda 20 jyldan astam qujatsyz júrgen áielge kómek kórsetildi. Ózbekstan Respýblikasynda dúniege kelgen Shahnoza Madaminova 1998 jyly Sozaq aýdanyna kóship kelip, tórt balany dúniege ákelgen, dep habarlaidy "Ult aqparat".
Qazirgi tańda Syzǵan aýylynda turatyn kelinshek osy kúnge deiin qujatsyz júrgen. Arnaiy mobildik toptyń reid jumystaryn júrgizý kezinde Shahnozanyń qujatsyz júrgendigi anyqtalyp, kóshi-qon politseileri birden kómek qolyn sozǵan. Elshilik arqyly bailanysqa shyǵyp, jan-jaqty jumystar júrgizilgen. Búginde ol «Azamattyǵy joq kýáligimen» rásimdeldi. Endigi kezekte basqa da qujattarynyń jasalýy jolynda jumystar atqarylmaq. Óz kezeginde Shahnoza politseilerge shynaiy rizashylyǵyn jetkizip, alǵys aitty.
