كٷدٸكتٸ قىلمىس ٷستٸندە قولعا تٷستٸ. ول ٸزٸن جاسىرۋ ٷشٸن دٷكەندەگٸ بەينەباقىلاۋ كامەرالارىن ٶشٸرٸپ وتىرعان, دەپ حابارلايدى قازاقپارات.
سايرام اۋداندىق پوليتسييا بٶلٸمٸنە ارىزدانعان جەرگٸلٸكتٸ تۇرعىن كيٸم-كەشەك دٷكەنٸنەن تاۋارلارىنىڭ ۇرلانعاندىعىن كٶرسەتكەن. جەبٸرلەنۋشٸگە كەلتٸرٸلگەن شىعىن كٶلەمٸ شامامەن 10 ميلليون تەڭگەنٸ قۇراعان. اتالعان جايتتى پوليتسييا قىزمەتكەرلەرٸ قر قك-نٸڭ 188-بابى «ۇرلىق» بويىنشا تٸركەۋگە الدى.
«جەدەل ۋەكٸلدەر شۇعىل ٸزدەستٸرۋ ٸس-شارالارى كەزٸندە كٷدٸكتٸنٸڭ قايتا قىلمىس جاساۋعا كەلۋٸ مٷمكٸن ەكەنٸن العا تارتىپ, ونى قۇرىقتاۋعا ارنايى جوسپار قۇردى. نەتيجەسٸندە تٷنگٸ ۋاقىتتا سايرامدىق ساقشىلار كٷدٸكتٸنٸ قىلمىس ٷستٸندە ۇستادى. ول قويما ٸشٸنەن كيٸم-كەشەكتٸ زاڭسىز الىپ شىعىپ, كٶلٸگٸمەن ەكەتٸپ بارا جاتقان جولدا قولعا تٷستٸ» - دەلٸنگەن تٷركٸستان وبلىسى پوليتسييا دەپارتامەنتٸ تاراتقان حابارلامادا.
كٷدٸكتٸ جەبٸرلەنۋشٸنٸڭ جٷك تاسۋمەن اينالىساتىن جۇمىسشىسى بولىپ شىققان. ول ۇرلىق قىلمىسىن بۇدان بۇرىن دا 3 رەت جاساپتى. بٸرٸنشٸ رەت جارىق سٶنگەن ۋاقىتتا بەينەباقىلاۋ كامەرالارى ٸستەيمەيتٸنٸن پايدالانىپ, 2 قاپ كيٸم-كەشەكتٸ الىپ كەتكەن. ال قالعان كەزدەرٸ بەينەكامەرانى ٶشٸرٸپ قويىپ, جوسپارىن جٷزەگە اسىرىپ جٷرٸپتٸ. ۇرلاعان جاڭا كيٸمدەردٸ شىمكەنتتە 3 ميلليون تەڭگەگە ساتىپ, اقشانى ٶز قاجەتتٸلٸگٸنە جۇمساعان.
