ەلوردادا «حان شاتىر» ساۋدا ويىن-ساۋىق ورتالىعىنىڭ جانىندا تٷركٸستان جەنە الماتى وبلىستارى ەكٸمدٸگٸنٸڭ ۇيىمداستىرۋىمەن اۋىل شارۋاشىلىعى ٶنٸمدەرٸنٸڭ جەرمەڭكەسٸ باستالدى, دەپ حابارلايدى قازاقپارات.
«جىل سايىنعى كٷزگٸ جەرمەڭكەلەر ماۋسىمى باستالدى. بٸز ەر وبلىستاعى ەرٸپتەستەرٸمٸزبەن تيٸستٸ كەلٸسٸم جاسادىق. بٷگٸن كەلٸپ وتىرعان ەكٸ ٶڭٸر 800 تونناعا جۋىق اۋىل شارۋاشىلىعى ٶنٸمٸن جەتكٸزدٸ, ونىڭ بارلىعى ەلٸمٸزدە ٶندٸرٸلگەن. ەڭ باستىسى, بۇل جەردە باعانىڭ قولجەتٸمدٸگٸن بايقاۋعا بولادى. سۇرانىس ٶتە جوعارى, وسىنداي جەرمەڭكە ەر اپتا سايىن بولادى. قازٸر ەتكە سۇرانىس كٶپ ەكەنٸن كٶردٸك, سونى الداعى اپتادا ەسكەرەتٸن بولامىز», - دەيدٸ نۇر-سۇلتان قالاسىنىڭ ەكٸمٸ التاي كٶلگٸنوۆ.
ەكٸم قالا تۇرعىندارىن سانيتارلىق نورمالاردى بۇزباۋعا شاقىردى.
جەرمەڭكەدە تٷركٸستان وبلىسى شارۋالارى 447,2 توننا اۋىل شارۋاشىلىعى ٶنٸمٸن 15-20 پايىز تٶمەن باعامەن ۇسىنۋدا. اتاپ ايتقاندا, 34 جٷك كٶلٸگٸنە تيەلگەن 267,7 توننا كٶكٶنٸس, باقشا, كارتوپ, 29,5 توننا جەمٸس-جيدەك, 72 توننا ەت جەنە ەت ٶنٸمدەرٸ, 47,5 توننا سٷت ٶنٸمدەرٸ, 10 توننا بالىق, 6 توننا بال, 14,5 توننا جەمٸس شىرىنى مەن كونسەرۆٸ ٶنٸمدەرٸ قامتىلعان.
ٶز كەزەگٸندە الماتى وبلىسى ەكٸمٸنٸڭ ورىنباسارى سەرٸك تۇرداليەۆ ەكٸمدٸك جەرمەڭكەگە ارناپ ٶڭٸردەن ٶنٸمدەردٸ جەتكٸزۋگە قولداۋ جاساعانىن اتاپ ٶتتٸ.
«قالىپتاسقان دەستٷر بويىنشا الماتى وبلىسىنان اۋىل شارۋاشىلىعى ٶنٸمەرٸن ەلوردامىزعا جەتكٸزدٸك. وسى ورايدا بارلىق اۋدان-قالالار تاۋارلارىن الىپ كەلدٸ. نۇر-سۇلتان قالاسىنىڭ تۇرعىندارى بٸزدٸڭ ٶنٸمدٸ جاقسى بٸلەدٸ ەرٸ كٷتەدٸ. بٸزدە ەڭ تاڭداۋلى الما تٷرلەرٸ, بالىق پەن ەت ٶنٸمدەرٸ بار. قالا تۇرعىندارى تاراپىنان بٸزدٸڭ تاۋارلارعا سۇرانىس جوعارى ەكەنٸن بايقاپ تۇرمىز. باعانىڭ ٶزٸ 15 پايىز شاماسىندا ارزان», - دەيدٸ وبلىس ەكٸمٸنٸڭ ورىنباسارى.
