تٷركٸستان حالىقارالىق دەرەجەدەگٸ تۋريستٸك ورتالىققا اينالماق. بۇل تۋرالى «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك Instagram-داعى ٶز پاراقشاسىندا جازدى.
«كٷنٸ كەشە ەلباسى, «Nur Otan» پارتيياسىنىڭ تٶراعاسى نۇرسۇلتان نازارباەۆ تٷركٸستان قالاسىندا بولىپ, بٸرقاتار جاڭا نىسانداردى ارالادى. ەلباسىنىڭ تٷركٸستان وبلىسىن قۇرىپ, ونىڭ ورتالىعى ەتٸپ تٷركٸستان قالاسىن بەلگٸلەۋٸ – تاريحىمىزداعى ايتۋلى وقيعا.
بۇل بٸلە بٸلسەك, تۇتاس تٷركٸ ەلەمٸنە كٶرسەتٸلگەن قۇرمەت, بابالار رۋحىنا تاعزىم. ەلباسىنىڭ ٶزٸ بٸر سٶزٸندە تٷركٸستان – تٷگەل تٷركٸنٸڭ باستى ورداسى ەكەنٸن تٸلگە تيەك ەتتٸ. بۇل ٶڭٸردٸڭ تۋريستٸك ەلەۋەتٸن كٶتەرەدٸ. سونىمەن قاتار وسى جۇمىستاردىڭ بارلىعى – ەلەۋمەتتٸك مەسەلەلەرٸ شيەلەنٸسكەن, حالقى تىعىز ورنالاسقان تٷركٸستان ٶڭٸرٸن تٷلەتۋگە جاسالىپ جاتقان ٷلكەن قادام.
تٷركٸستاننىڭ توعىز جولدىڭ تورابى رەتٸندە دە مٷمكٸندٸگٸ زور. كٶرشٸلەس ٶزبەكستانمەن جاساسقان كەلٸسٸمگە وراي تٷركٸستان, تاشكەنت, سامارقاند, بۇحارا جەنە حورەزم وبلىستارىنداعى تۋريستٸك ورىندارعا بٸرلەسكەن تۋريستٸك مارشرۋت اشىلماق. سونىڭ نەتيجەسٸندە تٷركٸستان تاس جولمەن, ەۋەجايمەن قامتىلعان, ەنەرگەتيكالىق تۇرعىدان دەربەس, گاز قۇبىرلارى تارتىلعان ٶڭٸر بولماق. وسىنىڭ بارلىعى تەك قانا تاريحقا تاعزىم بولىپ قانا قويماي, جالپى ٶڭٸردٸڭ ەلەۋمەتتٸك مٷمكٸندٸكتەرٸن ٶسٸرۋگە قولقابىس ەتەدٸ.
وسىلايشا, بارشا تٷركٸنٸڭ باستى ورداسى, قازاق حاندىعىنىڭ رۋحاني ورتالىعى, ەجەلگٸ استانامىز – تٷركٸستان تٷلەپ جاتىر. ال, ٶز الدىنا رەسپۋبليكالىق ماڭىزى بار قالا مەرتەبەسٸن العان شىمكەنت شاھارى دامۋعا سەرپٸن الىپ قانا قويماي, وڭتٷستٸك ٶڭٸردە تاعى دا بٸر ٷلكەن, ەلەمدٸك دەرەجەدەگٸ ورتالىق بوي كٶتەرۋدە. بۇل – ەلباسىنىڭ ەرەن ەڭبەگٸ.
جاڭا مەرتەبە العالى بەرٸ كٶنە قالا الىپ قۇرىلىس الاڭىنا اينالدى. تاريحي قالانىڭ كەسكٸن-كەلبەتٸ ادام تانىماستاي ٶزگەرٸپ, ەڭسەسٸ كٶتەرٸلدٸ. ەلباسى ساپار بارىسىندا جاڭا نىسانداردىڭ اشىلۋ رەسٸمدەرٸنە قاتىستى. ونىڭ بٸرٸ – جىلىنا 3 ملن. جولاۋشى ٶتكٸزۋگە قابٸلەتتٸ بٸرەگەي حالىقارالىق ەۋەجاي.
ٸرٸ نىسانداردىڭ ٸشٸندە – 7000 ورىندىق «تٷركٸستان-ارەنا» ستاديونى, 1000 ورىندىق «كونگرەسس حولل» كٶپفۋنكتسيونالدى كونتسەرت زالى, «الاتاۋ مەديا-ورتالىعى», «ۇلى دالا ەلٸ», ۆيزيت ورتالىقتارى, مۋزەيلەر جەنە تەاترلار بار. شاھارداعى بارلىق قۇرىلىس يۋنەسكو تاراپىنان ياساۋي كەسەنەسٸنە قويىلاتىن تالاپتارعا ساي, ياعني كەسەنەنٸڭ ەڭسەسٸن تٷسٸرمەيتٸندەي ەتٸپ سالىنۋدا.
جالپى تٷركٸستان ٶڭٸرٸ قازٸرگٸ تاڭدا تٷلەپ جاتىر. بٸرلٸگٸ بەكەم, ىنتىماعى جاراسقان ەل. بۇل كەشەگٸ ارىس وقيعاسى كەزٸندە دە كٶرٸندٸ. كٶكتەمدە سۋ باسۋدان زارداپ شەككەن ماقتاارال جاعدايىندا دا بايقالدى.
«Nur Otan» پارتيياسى جارىلىستان زارداپ شەككەن ارىس قالاسى تۇرعىندارىنا #BizBirgemiz رەسپۋبليكالىق اكتسيياسى اياسىندا 600 ملن. تەڭگەدەن استام گۋمانيتارلىق كٶمەك كٶرسەتتٸ. ماقتارال اۋدانىنداعى تٶتەنشە جاعداي كەزٸندە دە, ٸندەت ٶرشٸگەن تٷستا دا بارىنشا قول ۇشىن سوزدى.
پاندەمييانىڭ سالدارىنان ورىن الىپ جاتقان داعدارىسقا قاراماستان, ەجەلگٸ قالا – تٷركٸستان قارىشتاپ دامىپ جاتىر. بۇل – بەرەكە-بٸرلٸكتٸڭ ارقاسى», - دەپ جازدى ب.بايبەك.
