تٷركٸستان قالاسىنىڭ ەكٸمٸ راشيد ايۋپوۆ كوروناۆيرۋس جۇقتىردى. بۇل تۋرالى شاھار باسشىسى Facebook پاراقشاسىندا جارييا ەتتٸ, دەپ حابارلايدى "ۇلت اقپارات".
«وسىدان بٸرنەشە كٷن بۇرىن دەنساۋلىعىم سىر بەرٸپ, دەرٸگەرلەر كٶمەگٸنە جٷگٸنگەن ەدٸم. الدىڭعى كٷنٸ تاپسىرعان پتر اناليزٸ وڭ نەتيجە كٶرسەتٸپ, Covid-19 ٸندەتٸنە شالدىققانىمدى راستاپ وتىر. جۇمىس بارىسىمەن, كٷندەلٸكتٸ, ادام سانى كٶپ جەرلەردە بولۋعا مەجبٷرمٸز. قانشا ساقتىق شارالارىن ورىنداساق تا, بۇل ٸندەت شەت اينالىپ ٶتپەدٸ. ناقتى كٸمنەن, قاشان جۇققانىن انىقتاۋ جۇمىستارى دا جٷرگٸزٸلۋدە. وسىعان وراي, ٷيدە وقشاۋلانۋعا مەجبٷرمٸن. جۇمىستى الشاقتان قاداعالاپ, پايدالى بولۋعا تىرىسامىن. دەگەنمەن, قالا ەكٸمدٸگٸ جۇمىسى ۋاقىتشا ورىنباسارىم مۇساەۆ تەجٸبەك قالمانۇلىنا جٷكتەلدٸ. ەكٸمدٸك عيماراتىندا زالالسىزداندىرۋ جۇمىستارى جٷرگٸزٸلٸپ, قىزمەتكەرلەر دە اناليز تاپسىراتىن بولادى. بۇل كٷندەر دە كٶپ ۇزاماي ٶتٸپ كەتەرٸنە سەنەمٸن. اماندىقتا جٷزدەسۋ بۇيىرسىن! دەندەرٸمٸز ساۋ, جاقىندارىمىز امان بولسىن!», - دەپ جازدى قالا ەكٸمٸ.
