تٷركٸستان قالاسىندا «Nurorda» مەكتەبٸ سالىنادى. اتالعان باستاما بويىنشا تٷركٸستان وبلىسىنىڭ ەكٸمٸ ينۆەستورلارمەن كەزدەسٸپ, جوبانى تالقىلادى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
الداعى ۋاقىتتا تٷركٸستان قالاسىندا 1000 وقۋشىعا ارنالعان ٷلكەن مەكتەپ سالىنباق. سونىمەن بٸرگە 400 ورىندىق جاتاقحانا مەن 320 ورىندىق بالاباقشا دا بوي كٶتەرمەك. وبلىس ەكٸمٸ بٸلٸم سالاسىنا ينۆەستيتسييا قۇيامىن دەۋشٸلەرگە قولداۋ بولاتىنىن جەتكٸزدٸ.
«بٸز قازٸر ٶڭٸرگە ينۆەستيتسييا تارتۋ جۇمىستارىن جانداندىرىپ جاتىرمىز. جاڭا مەكتەپ سالامىن دەيتٸن ازاماتتاردى قولدايمىز. ەڭ باستىسى, جۇمىس كەستەسٸ بەكٸتٸلٸپ, قۇرىلىس ۋاقتىلى اياقتالۋى تيٸس. جەردٸ الىپ, تيٸستٸ جۇمىس جٷرگٸزبەگەندەردەن جەر قايتارىلادى. بٸزدٸڭ بٸلٸمگە جاۋاپتى باسقارما ينۆەستورمەن تىعىز بايلانىستا جۇمىس ٸستەپ, بٸلٸم ۇياسىنىڭ ٶڭٸرگە پايدالى بولۋىنا, ادامي ەلەۋەتتٸ ارتتىرۋعا ىقپال ەتۋٸنە كٷش سالعانى جٶن», – دەگەن دارحان ساتىبالدى جاۋاپتى باسشىلارعا اتالعان جوباعا قاجەتتٸ قۇجاتتار مەن مەسەلەلەردٸ جان-جاقتى قاراۋ جٶنٸندە تاپسىرما بەردٸ. سونىمەن بٸرگە ينۆەستورعا اۋىلداردا ساپالى بٸلٸم ۇيالارىن اشۋ, بٸلٸم سالاسىنان ٶزگە دە ينۆەستيتسييالىق جوبالارعا قارجى سالۋعا, ەرٸپتەستٸكتٸ نىعايتۋ جٶنٸندە ۇسىنىسىن جەتكٸزدٸ.
«ديال-ستروي» جشس-نٸڭ باسشىسى, ينۆەستور عابيت ماماترايىموۆ اتالعان جوبانىڭ جوسپارى مەن قاراجاتى دايىن ەكەنٸن, ەگەر بٸرقاتار ۇيىمداستىرۋ جۇمىستارى رەتتەلسە, قۇرىلىستى كەلەسٸ جىلى باستايتىنىن ايتتى.
«جيىرما جىلدان بەرٸ قۇرىلىس سالاسىندامىن. ٶزٸم تٷركٸستاننىڭ تۋماسى بولعاندىقتان وسى قالاعا مەكتەپ اشۋدى پەرزەنتتٸك پارىزىم دەپ ەسەپتەيمٸن. 10 گەكتار اۋماقتا ٷلكەن مەكتەپ, جاتاقحانا جەنە بالاباقشا سالۋدى جوسپارلاپ وتىرمىز. سونىمەن بٸرگە مەكتەپ جانىنان شاعىن ساياباق دايارلانىپ, كٶگالداندىرۋ جۇمىستارى دا جٷرگٸزٸلەدٸ. ماقساتىمىز – ٶڭٸر جاستارىنىڭ بٸلٸم دەڭگەيٸن كٶتەرۋ, وسى سالاعا كٶمەكتەسۋ», – دەدٸ ينۆەستور.
«بٸلٸم-يننوۆاتسييا» حالىقارالىق قوعامدىق قورىنىڭ پرەزيدەنتٸ دارحان ٶتە وسى قورعا قاراستى ليتسەيلەر مەن «Nurorda» جەكە مەنشٸك مەكتەپتەرٸنٸڭ ارتىقشىلىقتارى مەن مٷمكٸندٸكتەرٸ تۋرالى باياندادى.
بٷگٸندە «بٸلٸم-يننوۆاتسييا» حالىقارالىق قوعامدىق قورى قۇرامىندا 30 مەكتەپ-ليتسەيلەرٸ بار. 1700-گە جۋىق مۇعالٸم بٸلٸم بەرەدٸ. ٶتكەن وقۋ جىلىندا 1969 تٷلەكتٸڭ 1185-ٸ گرانتتارعا يە بولعان.
