فوتو: basnews.kz
ەدٸلحان مەلٸك — سۋرەتتەرٸ ارقىلى ٶزٸندٸك ستيل مەن دەستٷرلەر ساباقتاستىعىن قالىپتاستىرعان جان. سۋرەتشٸ ماقساتى — تۋعان جەردٸڭ تاسىن تٷرلەندٸرە سۋرەتتەۋ, تاريحىن ماقتان تۇتۋ,-دەپ حابارلايدى «ۇلت اقپارات».
ونىڭ وتىراردا تۋعان فارابيلەر شوعىرىنان باستاپ, وتىرار قورعانىسى, وتىرار كٸتاپحاناسى, وتىراردىڭ تىنىس-تٸرشٸلٸگٸ سىندى تاقىرىپتىق جەنە ەركٸن فورماتتا سالىنعان كارتينالارى ارىنىڭ تازا, جانىنىڭ مٶلدٸرلٸگٸن, رۋحىنىڭ اسقاقتىعىن كٶرسەتەدٸ.
كيەلٸ وتىرار ٶڭٸرٸنەن شىققان بەلگٸلٸ قىلقالام شەبەرٸ, «ەرەن ەڭبەگٸ ٷشٸن» مەدالٸنٸڭ يەگەرٸ, قر مەدەنيەت سالاسىنىڭ ٷزدٸگٸ, قر كٶركەم اكادەميياسىنىڭ «ۇلى ەلدٸڭ تاراندىسى» تٶسبەلگٸسٸن العان, حالىقارالىق «Turan» سىيلىعىنىڭ لاۋرەاتى, حالىقارالىق «Turan» سۋرەتشٸلەر كونسوليداتسيياسىنىڭ مٷشەسٸ, وتىرار اۋدانىنىڭ قۇرمەتتٸ ازاماتى ەدٸلحان مەلٸكتٸڭ ەسٸمٸ وتىرار اۋدانىنا عانا ەمەس, بٷكٸل قازاق ەلٸنە بەلگٸلٸ سۋرەتشٸ. ول وتىرار اۋدانى, مەدەنيەت سارايىندا “اق زەر” كٶركەمسۋرەت ٷيٸرمەسٸنٸڭ جەتەكشٸسٸ. بۇل ٷيٸرمە مەدەنيەت مينيسترلٸگٸ تاراپىنان “ٷلگٸلٸ” اتاعىن العان. وتىرار اۋدانىنان قۇرىلعان «وتىرار» حالىق تەاترىنىڭ دەكوراتور سۋرەتشٸسٸ رەتٸندە 36-دراما قويىلىمدارىنىڭ سۋرەتشٸسٸ. جازعان كارتينالارىنىڭ 20 داناسى مىسىردىڭ كاير قالاسى ۋنيۆەرسيتەتتەرٸنە جەنە داماسك قالاسىنداعى ەبۋ ناسىر ەل-فارابيگە ارنالعان مۋزەيگە تابىستالعان.
حالىقارالىق, رەسپۋبليكالىق, وبلىستىق كٶرمەلەر مەن بايقاۋ جەنە سيمپوزيۋمدارعا قاتىسىپ, ٷنەمٸ ٷزدٸك اتانىپ وتىرعان.
ٶنەر مەن رۋحانيياتتىڭ ورداسى سانالاتىن كيەلٸ وتىرار اۋدانى ٶزٸنٸڭ ەلەمدٸ مويىنداتقان داڭقتى پەرزەنتتەرٸمەن ماقتانا الادى. قاسيەتتٸ توپىراقتان شىققان ۇلى عۇلاما عالىمدار, بەلگٸلٸ كومپوزيتورلار, اقىندار مەن جازۋشىلار قانشاما.
مٸنە, بيىل وسى ەسٸمدەردٸڭ قاتارىن تولىقتىرعان اقىن, سازگەر ەرٸ سۋرەتشٸ ەدٸلحان مەلٸك تابىلحانۇلى اسقارالى 60 جاسقا تولىپ وتىر. بٷگٸن اۋدانىمىزدا ساف ٶنەردٸڭ رۋحانييات قازىناسى سانالاتىن-سۋرەت ٶنەرٸن, ساز جەنە قارا ٶلەڭنٸڭ كٶش كەرۋەنٸن قارا نارداي العا بٸرگە سٷيرەگەن جاننىڭ «ٶنەرٸم-ٶمٸرٸم,پوەزييا-پٸرٸم»» اتتى ەدەبي-سازدى رۋحاني ٶنەر كەشٸ ٶتتٸ.
تاعىلىمدى شاراعا كەلگەن ٶنەر سٷيەر قاۋىم الدىمەن اۋداندىق مەدەنيەت سارايىنىڭ كٸرە بەرٸس فويەسٸندەگٸ سۋرەتشٸنٸڭ شىعارماشىلىعىنداعى تۋىندىلاردان قۇرالعان كٶرمە گالەرەەيامەن تانىستى. اۆتور فويەدەگٸ كارتينالاردى جەنە «وتىرار ەرميتاجى» عيماراتىنىڭ پروەكتٸسٸن كٶرسەتٸپ, شىعۋ تاريحىن تٷسٸندٸردٸ.
مۇنان سوڭ ٶنەرپازدار سۋرەتشٸنٸ ەرەكشە قۇرمەتپەن تٶرگە شىعارىپ, ەننەن شاشۋ شاشتى. ەدٸلحان تابىلحانۇلىنىڭ ٶمٸرٸ مەن ٶنەرٸ قاتار ٶرٸلگەن بەينەبايان كٶپشٸلٸك نازارىنا ۇسىنىلدى.
اتالعان شاراعا اۋدان ەكٸمٸ سەكەن سۇلتانحانوۆ پەن اۋداندىق مەسليحات تٶراعاسى ۋاليحان ۇزاقوۆ قاتىسىپ, مەرەيتوي يەسٸن قۇتتىقتادى.
اۋدان ەكٸمٸ ٶز سٶزٸندە: «قازاقستان مەدەنيەت سالاسىنىڭ ٷزدٸگٸ, قىلقالام شەبەرٸ, اقىن ەدٸلحان تابىلحانۇلى مەلٸك ٶز شىعارماشىلىعىنداعى سۋرەت ٶنەرٸنٸڭ تاماشا تۋىندىلارىمەن كٶپشٸلٸكتٸ تاڭداندىرىپ, سۋرەت ٶنەرٸنٸڭ دامۋىنا سٷبەلٸ ٷلەس قوسىپ كەلە جاتقان تۇلعا. بٸز ەدٸلحان اعامىزدىڭ تۋىندىلارىن ٶسكەلەڭ ۇرپاققا ناسيحاتتاي وتىرىپ, ولاردىڭ سۋرەت ٶنەرٸنە دەگەن قىزىعۋشىلىعىن وياتىپ, شىعارماشىلىققا جاقىن ٶنەرلٸ جاستاردى ەل تاريحىن, ٶنەرٸن دەرٸپتەۋگە تيٸسپٸز. سەبەبٸ, سۋرەتشٸ ۇلتتىڭ رۋحاني مۇرالارىن قايتا جانداندىرۋدا جەنە جاڭعىرتۋدا اۋقىمدى جۇمىستاردى اتقارىپ, ونى ەلەمگە تانىتۋدا. وسىناۋ ۇلى ٶنەر جولىن جالعاپ, ٶڭٸرٸمٸزدٸڭ مەدەني-رۋحاني دامۋىنا ٶزٸندٸك ٷلەسٸن قوسىپ كەلە جاتقان سٸزدٸ بٷگٸنگٸ مەرەيتويىڭىزبەن قۇتتىقتاي وتىرىپ, دەنٸڭٸزگە ساۋلىق, وتباسىڭىزعا اماندىق, قۇت-بەرەكە, ەل يگٸلٸگٸ جولىنداعى شىعارماشىلىعىڭىزعا تولاعاي تابىس تٸلەيمٸن!»-دەدٸ.
مۇنان سوڭ سٶز العان اۋداندىق مەسليحات تٶراعاسى ۋاليحان ۇزاقوۆ اسىل وي, جاۋھار سەزٸمگە سۋارىلعان جىرلارى, ەندەرٸ مەن كەنەپكە سالىنعان سىرلى سۋرەتتەرٸ وتىراردىڭ رۋحاني ەلەمٸن بايىتقان ٷستٸنە بايىتا تٷسكەنٸ, ٶنەرلٸ جاننىڭ ەڭبەگٸ مەن سەنٸمٸنٸڭ جەمٸسٸ ەكەنٸن ايتىپ, شىعارماشالىق تابىستار تٸلەدٸ.
كەش بارىسىندا قازاقستان سۋرەتشٸلەرٸ مەن ديزاينەرلەر وداقتارىنىڭ مٷشەسٸ, حالىقارالىق «امانات» سىيلىعىنىڭ يەگەرٸ قارابدالوۆ كەندەباي ەبجاپپارۇلى, شەۋٸلدٸر اۋىلدىق ارداگەرلەر كەڭەسٸنٸڭ تٶراعاسى مىرزاحمەت تەمٸربەكوۆ, اۋداندىق قوعامدىق كەڭەستٸڭ تٶراعاسى جالعاسباي كٶلباي, وتىرار اۋدانىنىڭ بۇرىنعى ەكٸمٸ بەيبٸت سىزدىقوۆتار ون ساۋساعىنان ٶنەر تامعان ازاماتتىڭ ادامگەرشٸلٸگٸ مەن ازاماتىعى جايىندا ەڭگٸمەلەرٸن ايتىپ, ٸزگٸ لەبٸزدەرٸن جەتكٸزدٸ.
ودان ەرٸ ەدەبي-سازدى رۋحاني ٶنەر كەشٸندە ەدٸلحان مەلٸكتٸڭ ٶلەڭدەرٸ وقىلىپ, جٷرەك تٷكپٸرٸنەن شىققان سىرلى ەندەرٸ شىرقالدى. تۇلا بويى ٶنەرگە تۇنعان, جٷرەگٸ ٶنەر دەپ سوعاتىن جاننىڭ رۋحاني كەشٸنە كەلگەن كٶپشٸلٸك ەرەكشە كٶڭٸل-كٷيگە بٶلەنٸپ, رۋحاني لەززات الىپ قايتتى.
مەرتەبەلٸ وقىرمان, ەندٸ شاعىن ماقالامىزدىڭ تاقىرىبىنا كٶشسەك. گولفستريم مەن سۋرەتشٸنٸڭ اراسىندا قانداي بايلانىس بار دەۋٸڭٸز ەبدەن مٷمكٸن. دۇرىس ويلايسىز, ەشقانداي دا جاقىندىق جوق. ال, سۋرەتشٸ ەمەس, ادام ەدٸلحانمەن... قاتىسىن انىقتاۋ ٷشٸن گولەكەڭنٸڭ سيپاتتاماسىمەن تانىسىپ الايىق.
گولفستريم – اتلانت مۇحيتىنىڭ سولتٷستٸك بٶلٸگٸمەن ەنٸ 70-90 شاقىرىم بولاتىن, ساعاتىنا 6 شاقىرىم جىلدامدىقپەن اعاتىن جىپ-جىلى اعىس. بۋىرقانىپ, بۇرقانعان, تاۋداي تولقىندارى كٶبٸگٸن شاشا جارتاسقا ۇرعان, دولى دا كٶكبەت اتلانت مۇحيتىندا بەرٸنە جايلى گولفستريم اتتى جىپ-جىلى اعىس بار.
بٸلسەم, ٷيرەنسەم دەگەن شەكٸرتتەرٸنە جىلى جىميىپ قويىپ, جالىقپاي ٶنەر ٷيرەتٸپ جاتقان سۋرەتشٸ ەدٸلحاندى كٶرسەم; «اتا, اناۋ نە, مىناۋ نە?» دەپ جان-جاعىنان قاۋمالاعان نەمەرەلەرٸنە مەيٸرلەنە قاراپ, ەرٸنبەي جاۋاپ بەرەتٸن اتا ەدٸلحاندى كٶرسەم; قولىنا قىلقالامىن قىسا ۇستاپ, اينالاسىنا جىلى شۋاق شاشىپ تۇرعان سۋرەتشٸ قۇرداسىمدى كٶرسەم ويىما ەرٸكسٸز الىپ مۇحيتتاعى گولفستريم ورالادى.
