تٷركٸستان قالاسىنان 16 شاقىرىم قاشىقتىقتا ورنالاسقان حالىقارالىق ەۋەجايعا بارار تاسجولدىڭ بويى تۇتاستاي جاسىل جەلەككە بٶلەنەدٸ, دەپ حابارلايدى وبلىستىق ەكٸمدٸكتٸڭ باسپاسٶز قىزمەتٸ.
مۇندا 140 مىڭ تٷپ شاعان, ٷيەڭكٸ, قاراعاش, بوزارشا, جيدە اعاش كٶشەتتەرٸ وتىرعىزىلدى. بٷگٸندە تامشىلاتىپ سۋارۋ جٷيەلەرٸ جٷرٸپ جاتىر. مامانداردىڭ ايتۋىنشا, الداعى 2-3 جىلدا بۇل ايماق جايقالىپ, قالىڭ ورمانعا اينالادى. ەندٸ بۇل جەرلەرگە دالالىق شٶپ تۇقىمدارى سەبٸلٸپ, گازون تٶسەلمەك.
جاسىل جەلەككە ورانعان قالاداعى قۇرىلىس بارىسىن باقىلاۋعا شىققان وبلىس ەكٸمٸ ٶمٸرزاق شٶكەەۆ جاۋاپتى تۇلعالارعا تاپسىرمالار بەرٸپ, جۇمىستى شيراتۋدى جٷكتەدٸ. شاھاردا تەك تۋريستتٸك نىساندارعا عانا كٶڭٸل بٶلٸپ قويماي, جان-جاقتى جۇمىستار جٷرگٸزٸلۋدە. تٷركٸستان قالاسىنداعى ورتالىق كٶشەلەردٸڭ بويىندا ورنالاسقان تۇرعىن ٷيلەر مەن عيماراتتاردى بٸرىڭعاي, بٸر ٷلگٸگە كەلتٸرۋ ٷشٸن جاڭارتۋ جۇمىستارى جٷرٸپ جاتىر.
تٷركٸستاندا جاڭا جەلٸلٸك ساياباق سالىنىپ جاتىر. ج.مايكوتوۆ كٶشەسٸنٸڭ بٸر جاق بەتٸندە قۇرىلىسى باستالعان جەلٸلٸك ساياباق كٶكتەمدە اشىلادى. تۇرعىندار ٷشٸن ىڭعايلى ورتا قالىپتاستىرۋ – باستى نازاردا. سونداي-اق, 28 گا قۇرايتىن قالالىق دەندروباقتا 12 مىڭنان استام اعاش وتىرعىزىلادى. جاسىل اۋماق تولىق كٶگالداندىرىلادى. بٸرنەشە جاڭا ساياباقتار ٶتكەن جىلى پايدالانۋعا بەرٸلدٸ. «ەزٸرەت سۇلتان قورىق مۇراجايىنىڭ اۋماعىن اباتتاندىرۋدىڭ بٸرٸنشٸ كەزەڭٸ «ورتالىق ساياباق» بيىل پايدالانۋعا بەرٸلدٸ.
تٷركٸستان قالاسىن تٷركٸ ەلەمٸنٸڭ رۋحاني ورتالىعىنا اينالدىرۋ جەنە تۋريستەردٸ تارتۋ ماقساتىندا ياساۋي كەسەنەسٸنٸڭ اينالاسىندا اشىق اسپان استىنداعى مۇراجاي, مەدەني دەمالىس ورىندارى قىزمەت كٶرسەتۋدە. قالانىڭ تاريحي ورتالىعىنىڭ اۋماعىندا جەكە ينۆەستيتسييالار ەسەبٸنەن رەسپۋبليكادا تەڭدەسٸ جوق كٶپفۋنكتسيونالدى «كەرۋەن ساراي» تۋريستٸك كەشەنٸنٸڭ قۇرىلىسى جٷرگٸزٸلۋدە. شىعىس ٷلگٸسٸندە سالىنعان زاماناۋي تۋريستٸك كەشەندە قولٶنەرشٸلەرٸ بار جابىق بازارلار, شىعىس بازارى, ساۋدا ورتالىقتارى, مەيمانحانالار, اسپالى تەاتر, گاندولا قايىقتارىنىڭ جٷزۋٸنە ارنالعان بٸرنەشە سۋ ارنالارى, ويىن-ساۋىق ورتالىعى, سونداي-اق حالىقارالىق دەڭگەيدەگٸ قوناق ٷيلەر جۇمىس ٸستەيتٸن بولادى. ٶمٸرزاق ەستايۇلى مەدەني-رۋحاني ورتالىقتاعى قۇرىلىسى قايناعان الاڭدارىنداعى جۇمىس بارىسىن باقىلادى.
