فوتو: تٷركٸستان وبلىسى ەكٸمٸنٸڭ باسپاسٶز قىزمەتٸ
تٷركٸستان وبلىسى ەكٸمٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ كوميسسيياسىنىڭ كەزەكتٸ جينالىسى ٶتتٸ. جينالىسقا تٷركٸستان وبلىسى ەكٸمٸنٸڭ ورىنباسارى بەيسەنباي تەجٸباەۆ تٶراعالىق ەتٸپ, جٷرگٸزٸپ وتىردى. كٷن تەرتٸبٸندە 2 مەسەلە قارالدى, دەپ حابارلايدى «ۇلت اقپارات».
الدىمەن «داعدارىس جەنە وتباسىن قولداۋ ورتالىقتارىنىڭ» قىزمەتٸ تۋرالى وبلىستىق جۇمىسپەن قامتۋ جەنە ەلەۋمەتتٸك باعدارلامالار باسقارماسىنىڭ باسشىسى ەسييا تەمٸرباەۆانىڭ بايانداماسى تىڭدالدى. وتباسىن قولداۋ ورتالىقتارى 12 اۋدان, قالادا اشىلعان. ونىڭ ٸشٸندە كوممۋنالدىق مەملەكەتتٸك مەكەمەسٸ رەتٸندە جەتٸساي, كەلەس, سايرام, شاردارا اۋداندارىندا قىزمەت كٶرسەتسە, اۋداندىق, قالالىق جۇمىسپەن قامتۋ جەنە ەلەۋمەتتٸك باعدارلامالار بٶلٸمٸنە قاراستى كٸشٸ سەكتور رەتٸندە ماقتارال, قازىعۇرت, وتىرار, سارىاعاش, ساۋران, سوزاق اۋداندارى مەن ارىس, تٷركٸستان قالالارىندا جۇمىس اتقارۋدا. تٷرلٸ قيىندىققا تاپ بولعان انالار مەن بالالارعا, وتباسىلارعا قولداۋ كٶرسەتەتٸن ورتالىقتاردىڭ ماڭىزى زور. جيىندا وسى باعىتتا تيٸستٸ جۇمىس جٷرگٸزبەگەن اۋدان, قالا ەكٸمدەرٸنٸڭ جاۋاپتى ورىنباسارلارىنىڭ ەسەپتەرٸ تىڭدالدى. سىن-ەسكەرتپە ايتىلدى.
– انا مەن بالا قۇقىعىن قورعاۋ, وتباسىلىق زورلىق-زومبىلىقتىڭ الدىن الۋعا مەملەكەت تاراپىنان ٷلكەن كٶڭٸل بٶلٸنٸپ تۇر. بۇل مەسەلەلەر قاتاڭ باقىلاۋدا. سوندىقتان وسى باعىتتاعى جۇمىستاردى كٷشەيتٸڭٸزدەر. كوميسسييا تاراپىنان اۋدان, قالالارعا ٸسساپارلار ۇيىمداستىرىلىپ, قيىن جاعدايداعى وتباسىلاردىڭ جاعدايى سارالانسىن. جەرگٸلٸكتٸ اتقارۋشى ورگاندار مەن جاۋاپتى باسقارمالار سول وتباسىلارعا قولداۋ كٶرسەتۋٸ قاجەت, – دەگەن بەيسەنباي تەجٸباەۆ جاۋاپتىلارعا بٸرقاتار مٸندەت جٷكتەدٸ.
كٷن تەرتٸبٸندەگٸ ەكٸنشٸ مەسەلە – انا مەن بالا ٶلٸمٸنٸڭ الدىن الۋدا مەملەكەتتٸك ورگانداردىڭ جۇمىس تيٸمدٸلٸگٸن ارتتىرۋ مەسەلەسٸ قارالدى. سونىمەن بٸرگە دەموگرافييا, انا مەن بالا دەنساۋلىعىنا قاتىستى تٷيتكٸلدەر تارقاتىلدى. تٷركٸستان وبلىسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى مادينا مامبەتوۆانىڭ بايانداماسى تىڭدالىپ, تيٸستٸ باسشىلارعا تاپسىرمالار جٷكتەلدٸ.
ايتا كەتەيٸك, دەموگرافييالىق ٶسٸم بويىنشا تٷركٸستان وبلىسى رەسپۋبليكادا كٶش باسىندا تۇر. بيىلعى 8 ايدا ٶڭٸردە 27 مىڭنان اسا سەبي دٷنيەگە كەلگەن.
