تٷركٸمەنستاندا پرەزيدەنت گۋربانگۋلى بەردٸمۇحامەدوۆتٸڭ كٸتاپتارىن حالىققا تاراتۋ بويىنشا كەزەكتٸ ناۋقان باستالدى, دەپ حابارلايدى "ازاتتىق".
ەل تەۋەلسٸزدٸگٸنٸڭ 30 جىلدىعىنا ارناپ شىعارعان پرەزيدەنتتٸڭ "تەۋەلسٸزدٸك — بٸزدٸڭ باقىتىمىز" اتتى كٸتابىن مەملەكەتتٸك مەكەمە, كەسٸپورىن قىزمەتكەرلەرٸنە جەنە ستۋدەنتتەرگە ساتىپ الۋعا مٸندەتتەپ جاتىر.
ازاتتىقتىڭ تٷركٸمەن قىزمەتٸنٸڭ لەباپ وبلىسىنداعى تٸلشٸسٸ حابارلاعانداي, جەرگٸلٸكتٸ مەدەنيەت قىزمەتكەرلەرٸنە پرەزيدەنت كٸتابىن ماقتاعان مۋزىكالىق شىعارمالار دايىنداۋعا تاپسىرما بەرٸلگەن.
بۇدان بٶلەك وبلىستاعى جوعارى وقۋ ورىندارىنىڭ ستۋدەنتتەرٸن پرەزيدەنتتٸڭ جاڭا كٸتابىن ماقتاۋعا شاقىرىپ, ولاردى قىزىقتىرۋ ٷشٸن 100 ماناتتان (رەسمي باعام 28,5 دوللار) سىياقى بەرٸلەتٸنٸن ايتقان.
بۇل تٷركٸمەن پرەزيدەنتٸنٸڭ بيىل جازعان ەكٸنشٸ كٸتابى. مامىر ايىندا اشعابادتىڭ 140 جىلدىعىنا ارناپ "اق قالا - اشعابات" دەگەن كٸتابى جارىق كٶرگەن.
بەردٸمۇحامەدوۆ بيلٸككە كەلگەن 15 جىلدان بەرٸ 60-تان استام كٸتابى شىققان. ولاردىڭ بٸرقاتارى مەملەكەتتٸك مەيرامدار مەن تٷرلٸ وقيعالارعا ارنالسا, قالعانى تٷركٸمەن سالت-دەستٷرٸ, جىلقى ٶسٸرۋ, دەرٸلٸك شٶپتەر سەكٸلدٸ تاقىرىپتارعا ارنالعان.
بەردٸمۇحامەدوۆ كٸتاپتان تٷسكەن قاراجاتتى قايىرىمدىلىققا جۇمسايتىنىن بٸرنەشە رەت مەلٸمدەگەن. ال بيلٸك پەن مەملەكەتتٸك باق حالىقتى ونىڭ كٸتاپتارىن ساتىپ الۋعا مەجبٷرلەيتٸنٸ جايلى تٸس جارمايدى.
تٷركٸمەنستاندا مەملەكەت باسشىسىنىڭ كٸتاپتارىنان بٶلەك, ونىڭ پورترەتتەرٸ دە كٷشپەن تاراتىلادى. مەملەكەتتٸك مەكەمەلەر جىلىنا بٸرنەشە رەت بەردٸمۇحامەدوۆ پورترەتتەرٸن اۋىستىرىپ وتىرادى.
ەلدە ازىق-تٷلٸك داعدارىسى مەن كوروناۆيرۋس ٸندەتٸ ۋشىعىپ تۇرعان تۇستا كەيبٸر ايماقتا پرەزيدەنت پورترەتٸ ازىق-تٷلٸككە قوسىمشا "جٷكتەمە" رەتٸندە ساتىلعان.
