تٷركٸمەنستاندى ۇزاق جىل باسقارعان اۆتوريتار باسشى گۋربانگۋلى بەردٸمۇحامەدوۆتٸڭ ۇلى سەردار بەردٸمۇحامەدوۆ 19 ناۋرىزدا پرەزيدەنت قىزمەتٸنە كٸرٸستٸ, دەپ حابارلايدى ازاتتىق.
يناۋگۋراتسييا رەسٸمٸ اشعاباتتىڭ "رۋحىەت" سارايىندا ٶتتٸ.
"بۇل كٷن وتاننىڭ تەۋەلسٸز بەيتاراپ تاريحىنا دەموكراتييالىق قۇرىلىمنىڭ قايتىمسىزدىعىنىڭ بەلگٸسٸ بولىپ, ەرەكشە كەزەڭ رەتٸندە ەنەدٸ" دەپ جازدى مەملەكەتتٸك TDH اقپاراتتىق اگەنتتٸگٸ سالتاناتتى رەسٸم تۋرالى حابارلاماسىندا.
قۇقىق قورعاۋشىلار تٷركٸمەنستاندى اۆتوريتارلى مەملەكەتكە جاتقىزادى. اشعابات Freedom House ۇيىمىنىڭ دەموكراتييالىق دامۋ رەيتينگٸسٸندە ەڭ تٶمەنگٸ ورىنداردا تۇر.
12 ناۋرىزدا ٶتكەن كەزەكتەن تىس پرەزيدەنت سايلاۋىنىڭ رەسمي نەتيجەسٸ بويىنشا سەردار بەردٸمۇحامەدوۆ جەڭٸسكە جەتكەن. 2006 جىلى بيلٸككە كەلگەن ونىڭ 64 جاستاعى ەكەسٸ اقپان ايىندا "جاس بۋىنعا" جول بەرۋگە دايىن ەكەنٸن مەلٸمدەگەن. بۇدان سوڭ ەلدە مەرزٸمٸنەن بۇرىن پرەزيدەنت سايلاۋى تاعايىندالدى.
بيىل قىركٷيەكتە سەردار بەردٸمۇحامەدوۆ 40 جاسقا تولادى. زاڭ بويىنشا 40 جاسقا تولعان ازاماتتار پرەزيدەنتتٸكتەن ٷمٸتكەر بولا الادى. سايلاۋ بيۋللەتەنٸندە بەردٸمۇحامەدوۆتان بٶلەك, بيلٸكشٸل تاعى سەگٸز ادامنىڭ اتى-جٶنٸ بولدى. رەسمي مەلٸمەت بويىنشا, سەردار بەردٸمۇحامەدوۆ 73 پايىزعا جۋىق داۋىس العان.
ساراپشىلار 1991 جىلدان بەرٸ ەلدە ٶتكەن سايلاۋلاردىڭ ەشقايسىسىن حالىقارالىق ستاندارتقا ساي ەدٸل ٶتتٸ دەپ تانىماعان.
ازاتتىقتىڭ تٷركٸمەن قىزمەتٸ داۋىس بەرۋ جەنە سايلاۋالدى كامپانييالار كەزٸندە جاپپاي زاڭبۇزۋشىلىقتار (بيۋللەتەندەردٸ اۋىستىرۋ, بٸر ادامعا بٸرنەشە بيۋللەتەن بەرۋ, سايلاۋشىلارعا قىسىم جاساۋ جەنە تاعى باسقا) بولعانىن حابارلادى.
سەردار بەردٸمۇحامەدوۆ ساياساتقا 2016 جىلعى قاراشادا ارالاسا باستادى. الدىمەن پارلامەنتتەگٸ بوس ورىنعا ٶتٸپ, دەپۋتات بولدى. سوسىن سىرتقى ٸستەر مينيسترلٸگٸ اقپارات دەپارتامەنتٸنٸڭ باسشىسى بولدى.
2018 جىلعى مامىردا سىرتقى ٸستەر مينيسترٸنٸڭ ورىنباسارى بولىپ تاعايىندالدى. سودان بەرٸ جىلىنا بٸرنەشە رەت جاڭا قىزمەتكە وتىرىپ, ساياسي لاۋازىمى ٶسە بەردٸ.
تٷركٸمەنستان تابيعي گاز قورى بويىنشا ەلەمدە تٶرتٸنشٸ ورىندا تۇرسا دا, گۋربانگۋلى بەردٸمۇحامەدوۆ تۇسىندا حالىقتىڭ تۇرمىس-تٸرشٸلٸگٸ كٷرت ناشارلاعان.
