تٷركٸستاندا «تٷركٸلەر تٶرٸ تٷركٸستان» اتتى حالىقارالىق ونلاين كونفەرەنتسييا ٶتتٸ. شاراعا تٷركييا, ەزەربايجان, ٶزبەكستان جەنە قازاقستاننىڭ التى ٶڭٸرٸنەن اتاقتى عالىمدار, تانىمال اقىن-جازۋشىلار مەن بەلگٸلٸ تاريحشىلار, جۋرناليستەر مەن مەدەنيەت سالاسىنىڭ ماماندارى قاتىستى, دەپ حابارلايدى "ۇلت اقپارات".
شارانى وبلىستىق ەكٸمدٸكتٸڭ قوعامدىق دامۋ باسقارماسىنىڭ قولداۋىمەن جەنە قازاقستان جۋرناليستەر جەنە جازۋشىلار وداقتارى تٷركٸستان وبلىستىق فيليالدارى ۇيىمداستىردى.
ونلاين كونفەرەنتسيياعا سەنات پەن مەجٸلٸستٸڭ, وبلىستىق مەسليحاتتىڭ دەپۋتاتتارى, اۋدان ەكٸمدەرٸ قاتىسىپ, جالپى 300-دەي ادام تٷركٸستان ٶڭٸرٸندەگٸ كيەلٸ جەرلەردٸڭ قىر-سىرىنا بٸرشاما قانىقتى. شارادا ساكرالدى جەرلەردٸ جان-جاقتى زەرتتەپ جازىپ, تاريحتىڭ تەرەڭٸنە ٷڭٸلگەن قازاق ەدەبيەتٸندەگٸ كلاسسيك جازۋشىسى مارحابات بايعۇتتىڭ «تٷركٸلەر تٶرٸ تٷركٸستان» اتتى كٸتابىنىڭ ونلاين تانىستىرىلىمى ٶتتٸ. كٸتاپ ايتۋلى عالىم, ٸسكەر باسشى دارحان قىدىرەلٸ تٸزگٸن ۇستاعان حالىقارالىق تٷركٸ اكادەميياسىنىڭ قولداۋىمەن جارىق كٶرگەن بولاتىن.
تٷركٸستان وبلىسى ەكٸمٸنٸڭ ورىنباسارى سەكەن قالقامانوۆ بيىل 75 جاسقا تولعان مەرەيتوي يەسٸنە مەملەكەت باسشىسى قاسىم-جومارت توقاەۆتىڭ, وبلىس ەكٸمٸ ٶمٸرزاق شٶكەەۆتٸڭ ارنايى قۇتتىقتاۋىن وقىپ بەردٸ. جازۋشىعا ارنايى تارتۋ-تارالعى ۇسىندى. قازاقستان جۋرناليستەر وداعىنىڭ تٶراعاسى سەيٸتقازى ماتاەۆتىڭ, قازاقستان جازۋشىلار وداعىنىڭ تٶراعاسى ۇلىقبەك ەسدەۋلەتتٸڭ, «اۋىل» پارتيياسىنىڭ تٶراعاسى, چەناتور ەلي بەكتاەۆتىڭ, مەجٸلٸسمەن, «نۇر وتان» فراكتسيياسىنىڭ مٷشەسٸ دارحان مىڭبايدىڭ كونفەرەنتسييانىڭ اشىلۋىمەن جەنە مەرەيتويمەن قۇتتىقتاعان حاتتارى تۋرالى ايتىلدى.
ونلاين كونفەرەنتسييادا قاتىسۋشىلار جارىسسٶزگە شىعىپ, مارحابات بايعۇتتىڭ كٸتاپ تۋرالى پٸكٸرلەرٸن ورتاعا سالدى. قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ سەنات زالىندا ٶتكەن القالى جيىندا ۋنيۆەرسيتەتتٸڭ رەكتورى بولاتبەك ەبدٸراسىلوۆ سٶز سٶيلەپ, قۇندى كٸتاپتىڭ ماڭىزدىلىعىنا توقتالدى. جازۋشىنى مەرەيتويىمەن قۇتتىقتاپ, «تٷركٸلەر تٶرٸ تٷركٸستاندا» ايتىلعان كيەلٸ جەرلەرگە بايلانىستى جٷرگٸزٸلٸپ جاتقان زەرتتەۋ جۇمىستارى جايلى جۇرتقا بايانداپ ٶتتٸ. تالانتتى قالامگەر مارحابات بايعۇتقا جٷرەكجاردى لەبٸزٸن بٸلدٸرٸپ, سىي-سىياپات جاسادى.
«تٷركٸ ەلەمٸنە قىزمەتٸ ٷشٸن» سىيلىعىنىڭ يەگەرٸ مارحابات بايعۇتتىڭ بۇل كٸتابىن تٷركٸ اكادەميياسى جارىققا شىعارىپ وتىر. جازۋشى بۇل ەڭبەگٸندە تۋعان جەرٸ تٷركٸستان ٶڭٸرٸنٸڭ تاريحىن, تابيعاتىن, دالاسى مەن تاۋلارىن, سايىن دالانىڭ ۇلدارى – داڭقتى تۇلعالار, بيلەۋشٸلەر, ٶزگە دە قايراتكەرلەرٸن ارقاۋ ەتٸپ, ەسسەلەرگە اينالدىرىپ باياندايدى. سونىمەن قاتار مارحابات اعامىز قوعامداعى مەسەلەلەردٸ كٶتەرٸپ, ونى جان-جاقتى زەردەلەي وتىرىپ قامتىعان, تاقىرىبى اۋقىمدى. ٶزٸنٸڭ ٶمٸردەن كٶرگەن-تٷيگەنٸن اق قاعازعا تٷسٸرٸپ, كەيٸنگٸ ۇرپاققا تۋعان جەردٸڭ قاسيەتٸن ايتا وتىرىپ, قاستەرلەۋگە ٷيرەتەدٸ. سٸزدٸڭ تٷركٸستان ٶڭٸرٸ تۋرالى جازعان وسى ەڭبەگٸڭٸزبەن ٶلكەمٸزدٸڭ تاريحىنا ٷلكەن ٷلەس قوسىپ وتىرسىز. باسقا ەڭبەكتەرٸڭٸزدەن ورنى بٶلەك, وقىرماندارعا عانا ەمەس, تٷركٸستانعا ارنايى كەلەتٸن شەتەلدٸك قوناقتارعا دا بەرەرٸ كٶپ كٸتاپ ەكەنٸ سٶزسٸز», – دەدٸ بولاتبەك ەبدٸراسىلوۆ.
كونفەرەنتسييا سوڭىندا «تٷركٸستان تۋرالى جىر» ايتىلىپ, ارنايى دايىندالعان بەينەروليكتەر كٶرسەتٸلدٸ. جازۋشى دا جيىندى ۇيىمداستىرۋشىلارعا العىسىن جەتكٸزٸپ, شارانى تٷيٸندەدٸ.
