تٷركييانىڭ انتاليا قالاسىندا انيماتور بولىپ جۇمىس ٸستەگەن 18 جاستاعى قازاقستان ازاماتى جول-كٶلٸك وقيعاسى سالدارىنان كٶز جۇمدى. قايعىلى وقيعا 15 ماۋسىم كٷنٸ بولعان, دەپ حابارلايدى ult.kz.
قازاقستان رەسپۋبليكاسى سىرتقى ٸستەر مينيسترلٸگٸنٸڭ مەلٸمەتٸنشە, انتالياداعى باس كونسۋلدىق مارقۇمنىڭ دەنەسٸن ەلگە قايتارۋعا بايلانىستى بارلىق قاجەتتٸ كونسۋلدىق-قۇقىقتىق كٶمەكتٸ كٶرسەتكەن.
«قازاقستان رەسپۋبليكاسىنىڭ انتالياداعى باس كونسۋلدىعى قۇجاتتاردى رەسٸمدەۋ جەنە تٷرٸك قۇزىرلى ورگاندارىمەن بٸرلەسٸپ ازاماتتىڭ دەنەسٸن ەلگە جەتكٸزۋدٸ ۇيىمداستىرۋ بويىنشا بارلىق قاجەتتٸ جۇمىستاردى اتقاردى», – دەپ حابارلادى ۆەدومستۆو.
مارقۇمنىڭ دەنەسٸ قازاقستانعا 17 ماۋسىمدا جەتكٸزٸلدٸ. رەپاترياتسييا جۇمىس بەرۋشٸ مەن سەرٸكتەس ۇيىمداردىڭ قارجىلاي قولداۋىمەن جٷزەگە اسىرىلعان.
سىرتقى ٸستەر مينيسترلٸگٸ بۇل مەسەلەنٸڭ باس كونسۋلدىقتىڭ تۇراقتى باقىلاۋىندا ەكەنٸن اتاپ ٶتتٸ. قازٸرگٸ ۋاقىتتا قازاقستاندىق ديپلوماتتار تٷركييانىڭ قۇزىرلى ورگاندارىمەن ٶزارا ٸس-قيمىلدى جالعاستىرىپ جاتىر.
