تٷركٸتٸلدەس مەملەكەتتەردٸڭ ەلەمدٸك تەرتٸپتە لايىقتى ورنىن الۋعا تولىققاندى مٷمكٸندٸگٸ بار. مۇنداي پٸكٸردٸ ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ دوتسەنتٸ, PhD دوكتورى ايبولات دەلەلحان بٸلدٸردٸ, دەپ حابارلايدى قازاقپارات.
«تٷركٸ تٸلدەس مەملەكەتتەر ٶزدەرٸنٸڭ تٸلدٸك, دٸني, مەدەني-رۋحاني ۇقساستىقتارىنا, تاريحي ساباقتاستىعىنا جەنە گەوگرافييالىق جاقىندىعىنا قاراماستان وسى ۋاقىتقا دەيٸن اتالعان ۇقساستىقتار مەن ورتاقتىقتان جەتكٸلٸكتٸ دەڭگەيدە پايدا كٶرمە الماي كەلە جاتىر. كسرو ىدىراپ, قوسكٸندٸكتٸ ەلەمدٸك تەرتٸپتٸڭ جويىلعانىنا 30 جىل ۋاقىت ٶتسە دە ورتاق مٷددەلٸ بەرٸك ساياسي-ەكونوميكالىق قۇرىلىم قۇرىلمادى. كەرٸسٸنشە تٷركٸتٸلدەس مەملەكەتتەردٸڭ ەر قايسىسى ەر تٷرلٸ ساياسي-ەكونوميكالىق ۇيىمدارعا مٷشە. 2015 جىلى ناتو-عا مٷشە بولىپ تابىلاتىن تٷركييا رەسەيلٸك ەسكەري-جويعىش ۇشاقتى اتىپ تٷسٸرگەن سوڭ قالىپتاسقان داعدارىستى جاعدايدى شەشۋ باعىتىندا قازاقستاننىڭ كٶپ ەڭبەكتەنۋٸنە تۋرا كەلدٸ. ەلباسىنىڭ بەدەلٸ مەن بەلسەندٸ ديپلوماتييالىق ەرەكەتٸنٸڭ ارقاسىندا ورىس-تٷرٸك شيەلەنٸسٸ وڭ شەشٸلٸپ, ەۋرازييالىق گەوساياسي جاعداي مٷلدە باسقا باعىتتا دامىدى», - دەدٸ ول.
ونىڭ اتاپ ٶتۋٸنشە, وسى جاعدايلاردى ەسەپكە الا وتىرىپ, تٷركٸ كەڭەسٸ سامميتتەرٸندە سوڭعى ۋاقىتتا كٶتەرٸلٸپ جٷرگەن باستامالاردى ناقتى, تولىققاندى جٷزەگە اسىرۋعا جۇمىس جاساۋ كەرەك.
«تٷركٸ كەڭەسٸنٸڭ قۇرمەتتٸ تٶراعاسى نۇرسۇلتان ەبٸشۇلىنىڭ باكۋ سامميتٸندە جاساعان ۇسىنىسى, ياعني كەڭەستٸ ۇيىم دەڭگەيٸنە كٶتەرۋ باستاماسى مٷشە مەملەكەتتەر تاراپىنان قولداۋ تاۋىپ وتىر. وسى جولعى بەيرەسمي سامميتتە تٷركييا پرەزيدەنتٸ ر.ت.ەردوعان كەڭەستٸ ۇيىم دەڭگەيٸنە كٶتەرۋ ۋاقىتىنىڭ كەلگەنٸن تاعى بٸر مەرتە باسا اتاپ ٶتتٸ. كەڭەس ۇيىم دەڭگەيٸنە كٶتەرٸلسە, ۇيىم اياسىندا قابىلداناتىن قۇجاتتار مەن كەلٸسٸمدەر اناعۇرلىم سالماقتى بولارى انىق. 152 ملن حالقى, 1,5 ترلن اقش دوللارىن قۇرايتىن ەكونوميكالارى بار تٷركٸتٸلدەس مەملەكەتتەر ٶزارا ورتاق ساياسي-ەكونوميكالىق ۇستانىمدار قالىپتاستىرا بٸلسە قازٸرگٸ الماعايىپ حالىقارالىق قاتىناستاردا سىرتتان تٶنەر قاۋٸپ-قاتەرلەر مەن جاڭا سىن-تەگەۋرٸندەرگە بٸرلەسە تٶتەپ بەرەرٸ سٶزسٸز. قازٸرگٸ ەلٸ دە بولسا تولىق قالىپتاسىپ ٷلگەرمەگەن ەلەمدٸك تەرتٸپتە تٷركٸتٸلدەس مەملەكەتتەردٸڭ ٶزٸنٸڭ لايىقتى ورنىن الۋىنا تولىققاندى قۇقىعى, ەرٸ مٷمكٸندٸگٸ بار. ول ٷشٸن كڭەسكە مٷشە مەملەكەتتەردٸڭ شىنايى نيەتٸ مەن جاۋاپتى تۇلعالاردىڭ ناقتى ەرەكەتتەرٸ قاجەت», - دەدٸ ايبولات دەلەلحان.
