26 قازان كٷنٸ قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸندە تٷرٸك كەڭەسٸ تٷركٸ ەلەمٸ ۋنيۆەرسيتەتتەر وداعىنىڭ V باس اسسامبلەياسى ٶتتٸ, دەپ حابارلايدى قازاقپارات.
جيىنعا قازاقستان, تٷركييا, ەزٸربايجان, قىرعىزستان, ٶزبەكستان, ۆەنگرييا ەلدەرٸندەگٸ 32 ۋنيۆەرسيتەتتٸڭ رەكتورلارى, عالىمدارى مەن ستۋدەنتتەرٸ, سونداي-اق حالىقارالىق ۇيىمداردىڭ ٶكٸلدەرٸ, ديپلوماتتار, ەكسپەرتتەر, قوعام جەنە مەدەنيەت قايراتكەرلەرٸ قاتىستى.
مەجٸلٸس تٷرٸك كەڭەسٸنٸڭ باس حاتشىسى ب. ەمٸرەەۆ, باس حاتشىنىڭ ورىنباسارى ٶ. كوجامان, قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ ٶكٸلەتتٸ كەڭەسٸنٸڭ تٶراعاسى م. شيمشەك جەنە ۋنيۆەرسيتەت رەكتورى ج. تەمٸربەكوۆانىڭ قۇتتىقتاۋ سٶزٸمەن باستالدى.
اسسامبلەيادا سٶز العان تٷرٸك كەڭەسٸنٸڭ باس حاتشىسى باعدات ەمٸرەەۆ جاھاندى جاۋلاعان پاندەمييادان كەيٸن قايتا باس قوسقان جيىن قاتىسۋشىلارىنا سەتتٸلٸك تٸلەپ, شارانىڭ جالپى تٷركٸ قوعامىنداعى ماڭىزىن تٸلگە تيەك ەتتٸ.
«تٷركٸستان – تٷركٸ تسيۆيليزاتسيياسىنىڭ بەسٸگٸ. جىل سايىن بولاتىن جيىن پاندەميياعا بايلانىستى بٸراز ۋاقىت توقتاپ قالدى. ال بٷگٸن بٷكٸل تٷركٸ مەملەكەتتەرٸنەن ۋنيۆەرسيتەت رەكتورلارى باس قوسىپ وتىرمىز, بٸلٸم سالاسىنداعى تالقىلايمىز, نەتيجەلٸ جيىن بولادى دەگەن سەنٸمٸمٸز مول», - دەدٸ تٷرٸك كەڭەسٸنٸڭ باس حاتشىسى.
بۇدان ەرٸ تٷركٸ ەلەمٸ ۋنيۆەرسيتەتتەر وداعىنىڭ 2018 – 2021 جىلدار كەزەڭٸندە تٶراعالىق قىزمەت اتقارعان قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ اتقارىلعان جۇمىستار بويىنشا ەسەپ بەردٸ. ۋنيۆەرسيتەت تٶراعالىعى كەزەڭٸندە ٸ جاس كٶشباسشىلار فورۋمى, «تٷركٸ ەلەمٸنٸڭ التىن بەسٸگٸ –تٷركٸستان» اتتى حالىقارالىق جاستار فورۋمى , حالىقارالىق «تٷركٸستان مەملەكەتتٸك باسقارۋ جازعى مەكتەبٸ», تٷركولوگييا عىلىمي زەرتتەۋ ينستيتۋتىنىڭ ۇيىمداستىرۋىمەن ٸح تٷركولوگييا كونگرەسٸ جەنە ت.ب ايتۋلى شارالار ٶتتٸ. اسسامبلەياعا جينالعاندار اتقارىلعان قارىمدى قىزمەتكە جوعارى باعا بەردٸ.
جيىن بارىسىندا «ورحۋن» ۇتقىرلىق باعدارلاماسىنىڭ مەسەلەلەرٸ جەنە ونى دامىتۋعا قاتىستى ناقتى قادامدار قاراستىرىلدى.
مٷشە ۋنيۆەرسيتەتتەر باعدارلاما اياسىندا جٷزەگە اسقان جوبالار بويىنشا ەسەپ بەردٸ.
سونىمەن قاتار, مەجٸلٸسكە قاتىسۋشىلار ستۋدەنتتٸك كەڭەس تاراپىنان اتقارىلعان ٸس-شارالاردى تالقىلاپ, 2021-2022 جىلدارعا ارنالعان «جول كارتاسىن» ەزٸرلەۋ ٷشٸن وي-پٸكٸرٸمەن بٶلٸستٸ.
V باس اسسامبلەيا مەجٸلٸسٸندە تٷركٸ ەلەمٸ ۋنيۆەرسيتەتتەرٸ وداعىنا بٸرقاتار جوعارى وقۋ ورىندارى قوسىلدى: قازاقستاننان - سەمەي مەديتسينا ۋنيۆەرسيتەتٸ; ەزٸربايجان مەملەكەتتٸك ەكونوميكا ۋنيۆەرسيتەتٸ; قىرعىزستاننان – باتىرەلٸ سىدىقوۆ اتىنداعى قىرعىز-ٶزبەك حالىقارالىق ۋنيۆەرسيتەتٸ, ٶزبەكستاننان – ەلەمدٸك ەكونوميكا جەنە ديپلوماتييا ۋنيۆەرسيتەتٸ, تاشكەنت مەملەكەتتٸك شىعىستانۋ ۋنيۆەرسيتەتٸ, ەلٸشەر ناۆاي اتىنداعى تاشكەنت مەملەكەتتٸك ٶزبەك تٸلٸ مەن ەدەبيەتٸ ۋنيۆەرسيتەتٸ, قوقان ۋنيۆەرسيتەتٸ.
شارا سوڭىندا 2018-2021 جىلدار ارالىعىندا ارتىلعان مٸندەتتٸ ابىرويمەن اتقارعان قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸن تاعى بٸر جىلعا تٶراعالىق قىزمەتكە قالدىرۋعا شەشٸم قابىلداندى.
ايتا كەتەيٸك, كەڭەسٸ تٷركٸ ەلەمٸ ۋنيۆەرسيتەتتەر وداعى 2013 جىلى قۇرىلعان.
قازٸرگٸ تاڭدا وداققا قازاقستان, تٷركييا, ەزٸربايجان, قىرعىزستان, ٶزبەكستان, ۆەنگرييا ەلدەرٸنەن 40-تان استام ۋنيۆەرسيتەت مٷشە.
