26 qazan kúni Qoja Ahmet Iasaýi atyndaǵy Halyqaralyq qazaq-túrik ýniversitetinde Túrik Keńesi Túrki álemi ýniversitetter Odaǵynyń V Bas Assambleiasy ótti, dep habarlaidy QazAqparat.
Jiynǵa Qazaqstan, Túrkiia, Ázirbaijan, Qyrǵyzstan, Ózbekstan, Vengriia elderindegi 32 ýniversitettiń rektorlary, ǵalymdary men stýdentteri, sondai-aq halyqaralyq uiymdardyń ókilderi, diplomattar, ekspertter, qoǵam jáne mádeniet qairatkerleri qatysty.
Májilis Túrik Keńesiniń Bas hatshysy B. Ámireev, Bas hatshynyń orynbasary Ó. Kojaman, Qoja Ahmet Iasaýi atyndaǵy Halyqaralyq qazaq-túrik ýniversiteti Ókiletti Keńesiniń tóraǵasy M. Shimshek jáne ýniversitet rektory J. Temirbekovanyń quttyqtaý sózimen bastaldy.
Assambleiada sóz alǵan Túrik Keńesiniń Bas hatshysy Baǵdat Ámireev jahandy jaýlaǵan pandemiiadan keiin qaita bas qosqan jiyn qatysýshylaryna sáttilik tilep, sharanyń jalpy Túrki qoǵamyndaǵy mańyzyn tilge tiek etti.
«Túrkistan – túrki tsivilizatsiiasynyń besigi. Jyl saiyn bolatyn jiyn pandemiiaǵa bailanysty biraz ýaqyt toqtap qaldy. Al búgin búkil túrki memleketterinen ýniversitet rektorlary bas qosyp otyrmyz, bilim salasyndaǵy talqylaimyz, nátijeli jiyn bolady degen senimimiz mol», - dedi Túrik Keńesiniń Bas hatshysy.
Budan ári Túrki álemi ýniversitetter Odaǵynyń 2018 – 2021 jyldar kezeńinde tóraǵalyq qyzmet atqarǵan Qoja Ahmet Iasaýi atyndaǵy Halyqaralyq qazaq-túrik ýniversiteti atqarylǵan jumystar boiynsha esep berdi. Ýniversitet tóraǵalyǵy kezeńinde I Jas Kóshbasshylar forýmy, «Túrki áleminiń altyn besigi –Túrkistan» atty halyqaralyq jastar forýmy , Halyqaralyq «Túrkistan memlekettik basqarý jazǵy mektebi», Túrkologiia ǵylymi zertteý institýtynyń uiymdastyrýymen IH Túrkologiia Kongresi jáne t.b aitýly sharalar ótti. Assambleiaǵa jinalǵandar atqarylǵan qarymdy qyzmetke joǵary baǵa berdi.
Jiyn barysynda «Orhýn» utqyrlyq baǵdarlamasynyń máseleleri jáne ony damytýǵa qatysty naqty qadamdar qarastyryldy.
Múshe ýniversitetter baǵdarlama aiasynda júzege asqan jobalar boiynsha esep berdi.
Sonymen qatar, májiliske qatysýshylar Stýdenttik keńes tarapynan atqarylǵan is-sharalardy talqylap, 2021-2022 jyldarǵa arnalǵan «Jol kartasyn» ázirleý úshin oi-pikirimen bólisti.
V Bas Assambleia májilisinde Túrki álemi ýniversitetteri Odaǵyna birqatar joǵary oqý oryndary qosyldy: Qazaqstannan - Semei meditsina ýniversiteti; Ázirbaijan memlekettik Ekonomika ýniversiteti; Qyrǵyzstannan – Batyráli Sydyqov atyndaǵy Qyrǵyz-Ózbek halyqaralyq ýniversiteti, Ózbekstannan – Álemdik ekonomika jáne diplomatiia ýniversiteti, Tashkent memlekettik Shyǵystaný ýniversiteti, Álisher Navai atyndaǵy Tashkent memlekettik ózbek tili men ádebieti ýniversiteti, Qoqan ýniversiteti.
Shara sońynda 2018-2021 jyldar aralyǵynda artylǵan mindetti abyroimen atqarǵan Qoja Ahmet Iasaýi atyndaǵy Halyqaralyq qazaq-túrik ýniversitetin taǵy bir jylǵa tóraǵalyq qyzmetke qaldyrýǵa sheshim qabyldandy.
Aita keteiik, Keńesi Túrki álemi ýniversitetter odaǵy 2013 jyly qurylǵan.
Qazirgi tańda Odaqqa Qazaqstan, Túrkiia, Ázirbaijan, Qyrǵyzstan, Ózbekstan, Vengriia elderinen 40-tan astam ýniversitet múshe.
