حالىقارالىق تٷركٸ اكادەميياسىن قارجىلاندىرۋ ٷشٸن ەل بيۋدجەتٸنەن 1 ملن دوللاردان استام قارجى بٶلٸندٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتىپ بەردٸ, دەپ حابارلايدى قازاقپارات.
«تٷركٸ اكادەميياسىنىڭ قىزمەتٸن ونىڭ قۇرامىنا كٸرەتٸن بارلىق ەلدەر قارجىلاندىرادى. بۇل تٷركييا رەسپۋبليكاسى, قىرعىزستان, ونىڭ ٸشٸندە قازاقستان. ولار تيٸسٸنشە وسى ۇيىمنىڭ جەنە دەل تٷركٸتٸلدەس ەلدەردەگٸ باسقا دا ۇيىمداردىڭ قىزمەتٸن مٶلشەرلەس شامالاس كٶلەمدە قارجىلاندىرادى», - دەدٸ اسحات ايماعامبەتوۆ سەنات وتىرىسىنان كەيٸن تٸلشٸلەرگە بەرگەن سۇحباتىندا.
مينيستردٸڭ ايتۋىنشا, ەربٸر ۇيىمدا مەملەكەتتەردٸڭ قارجىلاندىرۋ ٷلەسٸ شتاب-پەتەردٸڭ ورنالاسقان جەرٸنە بايلانىستى ٶزگەرٸپ وتىرادى.
«مىسالى شتاب-پەتەرٸ باكۋدە ورنالاسقان تٷركپا-عا كەلسەك, باكۋدىڭ قارجىلاندىرۋ ٷلەسٸ ونىڭ تەڭ جارتىسىن قۇرايدى. تٷركيياداعى تٷركسوي جەنە باسقا دا ۇيىمدار بار, ولاردىڭ شامامەن 46-48 پايىزى تٷركييا بيۋدجەتٸنەن قامتاماسىز ەتٸلەدٸ. بۇل جاعدايدا تٷركٸ اكادەميياسى قازاقستان اۋماعىندا بولعاندىقتان, قالىپتاسقان دەستٷر مەن پراكتيكا بويىنشا بٸزدٸڭ جارنامىز شامامەن 46 پايىزدى قۇرايدى. بيۋدجەت جىل سايىن ٶزگەرٸپ وتىرادى. بيىل قازاقستان بيۋدجەتٸنەن 1 ميلليون دوللاردان استام قاراجات بٶلٸندٸ», - دەپ تٷسٸندٸردٸ ايماعامبەتوۆ.
ايتا كەتەيٸك, بٷگٸن سەنات تٷركٸتٸلدەس مەملەكەتتەرمەن ىنتىماقتاستىققا قاتىستى قۇجاتتى قابىلدادى. «قر ٷكٸمەتٸ مەن تٷركٸ اكادەميياسى اراسىنداعى تٷركٸ اكادەميياسىن ورنالاستىرۋدىڭ شارتتارى مەن تەرتٸبٸ تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى.
