تۋريستەر ٸلە الاتاۋ ۇلتتىق پاركٸندە قايتا جٶندەلگەننەن كەيٸن ٸسكە قوسىلعان ىستىق سۋ كەشەنٸن قيراتتى, دەپ حابارلايدى "ۇلت اقپارات".
«مەدەنيەتسٸز ادامداردىڭ مەدەني دەمالىسى... جاقىندا ىستىق سۋ كەشەنٸ قايتا جاڭعىرۋدان سوڭ اشىلعان بولاتىن. تۋريزم تۋرالى قالاي سٶز ايتۋعا بولادى دەگەن سۇراق تۋادى. 2 اپتانىڭ ٸشٸندە ادامدار سونشا قاراجات پەن ۋاقىت جۇمسالعان كەشەندٸ قيراتتى», - دەلٸنگەن ۇلتتىق پاركتٸڭ Facebook -تەگٸ پاراقشاسىندا.
بۇل كەشەن 2016 جىلى دەمەۋشٸ كەسٸپكەرلەردٸڭ كٶمەگٸمەن اشىلعان.
«ەڭ العاش پايدالانۋعا بەرٸلگەن كٷندەرٸ ادامدار قيراتا باستادى. سول كەزدە كامەرا ورناتتىق. ۆانداليزم توقتاعان سيياقتى ەدٸ. ول جەردەن بٶتەلكە, تەمەكٸ قالدىقتارىن كٶرۋگە بولادى», - دەدٸ دەمەۋشٸلەردٸڭ بٸرٸ سەرگەي سپيتسىن.
كەيٸن كەشەن قايتا جٶندەۋگە جابىلعان. ەلەۋمەتتٸك جەلٸدە جارييالانعان جازبادان سوڭ سۋعا تٷسەتٸن بٶشكە مەن دۋش كابيناسى قالپىنا كەلتٸرٸلدٸ.
الماتى ەكٸمدٸگٸنٸڭ كٶمەگٸمەن سۋ كەشەنٸنە جارىق تارتىلاتىن بولدى.
