فوتو: tgrthaber.com.tr
پوليتسييا ستامبۋل تەحنيكالىق ۋنيۆەرسيتەتٸنٸڭ گەوفيزيكا پروفەسسورى, جەر سٸلكٸنٸسٸ بويىنشا مامان وۆگيۋن احمەت ەردجەندى "قوعامدا ٶشپەندٸلٸك پەن ارازدىق تۋدىردى" دەگەن كٷدٸكپەن ۇستادى, - دەپ حابارلايدى Tengrinews.kz سايتى TGRT تەلەارناسىنا سٸلتەمە جاساپ.
تەلەارنا مەلٸمەتٸنشە, ەردجەن Twitter-دە شىندىققا جاناسپايتىن حابارلامالار جارييالاعان. مىسالى, بٸر جازباسىندا پروفەسسور جەر سٸلكٸنٸسٸنەن قيراعان كاحرامانماراشتا ساربازداردىڭ كەش كەلۋٸنە بايلانىستى ەيەلدەر زورلانعانىن جازدى - ەكٸ كٷن ٶتكەن سوڭ.
سونداي-اق, احمەت ەردجەن مالتادا جەر سٸلكٸنٸسٸنەن كەيٸن مىڭعا جۋىق بالا جوعالىپ كەتكەنٸ تۋرالى حابارلاما جارييالادى جەنە ولاردى مافييا ورگاندارى ٷشٸن نەمەسە بالالار پورنوگرافيياسى ٷشٸن ۇرلاپ ەكەتكەن بولۋى مٷمكٸن دەگەن بولجام ايتقان.
سەيسمولوگ ەلەۋمەتتٸك جەلٸدەگٸ سوڭعى جازباسىندا تۋىستارىنان ايىرىلعان جاس قىزداردى يمامدار كٷشتەپ كٷيەۋگە شىعارىپ, بەلگٸسٸز بٸرەۋلەر الىپ كەتكەنٸن جازعان.
28 اقپاندا وۆگيۋن احمەت ەردجەن باس پروكۋراتۋرانىڭ نۇسقاۋىمەن ەليازىگتە ۇستالدى. تەرگەۋ اياقتالعان سوڭ كٷدٸكتٸ سوت الدىنا بارادى.
