Foto: tgrthaber.com.tr
Politsiia Stambýl tehnikalyq ýniversitetiniń geofizika professory, jer silkinisi boiynsha maman Ovgiýn Ahmet Erdjendy "qoǵamda óshpendilik pen arazdyq týdyrdy" degen kúdikpen ustady, - dep habarlaidy Tengrinews.kz saity TGRT telearnasyna silteme jasap.
Telearna málimetinshe, Erdjen Twitter-de shyndyqqa janaspaityn habarlamalar jariialaǵan. Mysaly, bir jazbasynda professor jer silkinisinen qiraǵan Kahramanmarashta sarbazdardyń kesh kelýine bailanysty áielder zorlanǵanyn jazdy - eki kún ótken soń.
Sondai-aq, Ahmet Erdjen Maltada jer silkinisinen keiin myńǵa jýyq bala joǵalyp ketkeni týraly habarlama jariialady jáne olardy mafiia organdary úshin nemese balalar pornografiiasy úshin urlap áketken bolýy múmkin degen boljam aitqan.
Seismolog áleýmettik jelidegi sońǵy jazbasynda týystarynan aiyrylǵan jas qyzdardy imamdar kúshtep kúieýge shyǵaryp, belgisiz bireýler alyp ketkenin jazǵan.
28 aqpanda Ovgiýn Ahmet Erdjen Bas prokýratýranyń nusqaýymen Eliazygte ustaldy. Tergeý aiaqtalǵan soń kúdikti sot aldyna barady.
