تٷركيياعا رەسمي ساپارىنىڭ ەكٸنشٸ كٷنٸ قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ ىستانبۇل قالاسىندا بولىپ, تٷرٸك ٸسكەر توپتارىنىڭ ٶكٸلدەرٸمەن بٸرقاتار كەزدەسۋ ٶتكٸزدٸ, دەپ حابارلايدى "ۇلت اقپارات".
قر سٸم-نەن مەلٸم ەتكەندەي, «Koc Holding», «Yildirim Holding», «TAV Holding», «Calik Holding», «Kibar Holding», «Atabay» جەنە «Goknur Gida» اتتى 7 جەتەكشٸ تٷرٸك حولدينگتەرٸنٸڭ باسشىلارىمەن ٶتكەن كەلٸسسٶزدەردە ازىق-تٷلٸك ٶنەركەسٸبٸ, ماشينا جاساۋ, تاۋ-كەن مەتاللۋرگييا سالاسى, ينفراقۇرىلىم جەنە اقپاراتتىق-كوممۋنيكاتسييالىق تەحنولوگييالار, حيمييا ٶنەركەسٸبٸ جەنە فارماتسەۆتيكا سالالارىنداعى ينۆەستيتسييالىق ىنتىماقتاستىق مەسەلەلەرٸ تالقىلاندى.
سٸم باسشىسى قازاقستان تٷركييامەن ساۋدا-ەكونوميكالىق جەنە ينۆەستيتسييالىق بايلانىستاردى دامىتۋعا زور مەن بەرەتٸنٸن مەلٸمدەدٸ. «بٸز تٷرٸك ينۆەستورلارىنا جان-جاقتى قولداۋ كٶرسەتۋگە دايىنبىز. ەربٸر جوبا مەملەكەتٸمٸزدٸڭ دامۋى مەن قازاقستان-تٷركييا ستراتەگييالىق سەرٸكتەستٸگٸن ودان ەرٸ كەڭەيتۋ ٷشٸن ەرەكشە ماڭىزعا يە», - دەدٸ م.تٸلەۋبەردٸ.
اتالعان حولدينگتەردٸڭ ورتا مەرزٸمدٸ پەرسپەكتيۆادا قازاقستانعا سالۋعا جوسپارلانعان ينۆەستيتسييالارىنىڭ كٶلەمٸ 1 ملرد اقش دوللارىنان اسادى.
«سونىمەن قاتار, م.تٸلەۋبەردٸ بيىل قازاقستاندا 10 جاڭا ٶندٸرٸستٸ ٸسكە قوسۋدى جوسپارلاعان تٷرٸك كومپانييالارىمەن جۇمىس تاڭعى اسىن ٶتكٸزدٸ. تٷرٸك كەسٸپكەرلەرٸ ماشينا جاساۋ, مەديتسينالىق بۇيىمدار, تاماق ٶنەركەسٸبٸ, ينفراقۇرىلىم, تاۋ-كەن ٶنەركەسٸبٸ جەنە تۇرعىن ٷي-كوممۋنالدىق شارۋاشىلىق سالاسىنداعى جوبالاردى جٷزەگە اسىرۋدى جوسپارلاپ وتىر.
تٷرٸك كومپانييالارىنا قازاقستاننىڭ ينۆەستيتسييالىق مٷمكٸندٸكتەرٸ, بيزنەس جٷرگٸزۋدٸ ودان ەرٸ جاقسارتۋ بويىنشا مەملەكەت قابىلداپ جاتقان شارالار تۋرالى تولىق اقپارات, سونداي-اق ەكسپورتتىق قولداۋ, جەكەشەلەندٸرۋ جەنە مەملەكەتتٸك-جەكەشەلٸك ەرٸپتەستٸك شەڭبەرٸندەگٸ نەعۇرلىم پەرسپەكتيۆالى سالالار تۋرالى اقپارات ۇسىنىلدى. بيزنەسمەندەر قازاقستان ٷكٸمەتٸنٸڭ ينۆەستورلاردى قولداۋ اياسىنداعى قىزمەتٸن جوعارى باعالاپ, كٶرسەتكەن قولعابىسى ٷشٸن العىستارىن بٸلدٸردٸ», - دەدٸ قر سٸم-نەن.
سونداي-اق, م.تٸلەۋبەردٸ تٷركٸ كەڭەسٸ حاتشىلىعىنىڭ جاڭا كەڭسەسٸنە بارىپ, وسى ۇيىمنىڭ باس حاتشىسى باعداد ەمٸرەەۆپەن ٷستٸمٸزدەگٸ جىلعى 31 ناۋرىزدا تٷركٸستان قالاسىندا ٶتەتٸن تٷركٸتٸلدەس مەملەكەتتەر ىنتىماقتاستىعى كەڭەسٸنٸڭ بەيرەسمي سامميتٸنە دايىندىق بارىسىن تالقىلادى.
ساپار سوڭىندا قر سٸم باسشىسى قازاقتىڭ ۇلى اقىنى جەنە ويشىلى ابايعا ارنالعان بيۋستتٸڭ سالتاناتتى اشىلۋ رەسٸمٸنە قاتىستى, سونداي-اق ونىڭ ەسٸمٸ بەرٸلگەن مەكتەپكە باردى. سالتاناتقا ىستانبۇل قالاسىنىڭ مەرٸ ەكرەم يماموگلۋ, وسى مەكتەپ ورنالاسقان جەنە قازاق دياسپوراسى جيناقى مەكەندەيتٸن زەيتٸنبۋرنۋ اۋدانىنىڭ مەرٸ ومەر ارىس قاتىستى.
