بايلانىس ساپاسىن جاقسارتۋ ماقساتىندا بيىل نۇر-سۇلتان قالاسىندا 37 بازالىق ستانسا ورناتىلىپ, 35 ستانسا جٶندەۋدەن ٶتتٸ. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, بٸر-ەكٸ تۇرعىننىڭ شاعىمىنا بايلانىستى ماماندار ٷيدٸڭ شاتىرىنداعى بازالىق ستانسالاردى الىپ تاستاۋعا مەجبٷر.
«بٸز ٷيدەگٸ 99 تۇرعىندى تىڭداپ, بايلانىس ساپاسىن قامتاماسىز ەتۋٸمٸز كەرەك پە, ەلدە راديوفوبيياسى بار بٸر تۇرعىندى تىڭداۋىمىز كەرەك پە? بازالىق ستانسا ونىڭ دەنساۋلىعىنا زييان كەلتٸرەدٸ دەپ ويلايدى. ونىڭ وتباسىندا بٸرەۋ قاتەرلٸ ٸسٸككە شالدىققان, سەبەبٸن سودان كٶرەدٸ. سوندىقتان بازالىق ستانسانى بٸر جەردەن الىپ تاستاپ, ەكٸنشٸ جەرگە ورنالاستىرىپ وتىرۋعا مەجبٷرمٸز. ەرينە, بۇل نەتيجەسٸز جۇمىس», - دەدٸ باعدات مۋسين ەلوردادا ٶتكەن «اشىق ەسٸك كٷنٸ» شاراسى بارىسىندا.
وسى ورايدا مينيستر بازالىق ستانسالارعا قاتىستى مەسەلەنٸ زاڭ اياسىندا شەشۋدٸ ۇسىنىپ وتىر.
«بٸر تۇرعىننىڭ شاعىمىنا قۇلاق اسىپ, بازالىق ستانسانى الىپ تاستاۋ تيٸمسٸز. مەنٸڭشە ستانسالاردى الىپ تاستاۋ مەسەلەسٸن ۇجىمدىق تالقىعا سالۋ كەرەك. بيىل بٸرٸنشٸ توقساندا نۇر-سۇلتان قالاسىندا 37 بازالىق ستانسا ورناتىلىپ, 35 ستانسا جٶندەۋدەن ٶتتٸ», - دەيدٸ ول.
سونداي-اق اتالعان جايتقا قاتىستى سالا مامانى دا پٸكٸر بٸلدٸردٸ.
«بازالىق ستانسانى ورناتپاس بۇرىن بايلانىس وپەراتورلارى سانەپيدەميولوگييالىق مەكەمەنٸڭ رۇقساتىن سۇرايدى. ياعني ستانسانىڭ ادام دەنساۋلىعىنا زيياندى ەمەس ەكەندٸگٸ تۋرالى سانيتارلىق نورما مەن ەرەجە بار. بازالىق ستانسا سانەپيدەميولوگييالىق قىزمەتتٸڭ رۇقساتىنان كەيٸن عانا ورناتىلادى», - دەيدٸ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ تەلەكوممۋنيكاتسييا كوميتەتٸ تٶراعاسىنىڭ ورىنباسارى زٷلفييا قۇدايبەرگەنوۆا.
ونىڭ ايتۋىنشا, قازاقستاندا بايلانىس جەلٸسٸ ەلەمدٸك تەندەنتسيياعا سەيكەس دامىپ جاتىر.
