قر ٷكٸمەتٸنٸڭ باسپاسٶز ورتالىعىندا ٶتكەن باسپاسٶز كونفەرەنتسيياسىندا «قازاقستاننىڭ تۇرعىن ٷي قۇرىلىس جيناق بانكٸ» اق باسقارما تٶرايىمى لەززات يبراگيموۆا «نۇرلى جەر» مەملەكەتتٸك باعدارلاماسى بويىنشا تۇرعىن ٷي بەرۋ تۋرالى ايتىپ بەردٸ, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
«ەلباسى ن. نازارباەۆتىڭ تاپسىرماسى بويىنشا بيىل «قازاقستاننىڭ تۇرعىن ٷي قۇرىلىس جيناق بانكٸ» اق تابىسى تٶمەن وتباسىلار ٷشٸن «باقىتتى وتباسى» جەڭٸلدەتٸلگەن نەسيە بەرۋ باعدارلاماسىن ٸسكە قوستى. بۇل باعدارلامادا العاش رەت ەلەۋمەتتٸك ەدٸلەتتٸلٸك قاعيداسى قولدانىلدى. باعدارلاماعا سوڭعى جارتى جىلدا وتباسىنىڭ ەربٸر مٷشەسٸنە شاققانداعى كٸرٸسٸ 42 500 تەڭگەدەن اسپايتىن وتباسىلار قاتىسا الادى.
بٷگٸن بٸزگە وسىنداي وتباسىلاردان 5 مىڭ ٶتٸنٸش كەلٸپ تٷستٸ. ولاردىڭ 2,5 مىڭى ماقۇلداندى. ولار قازٸر پەتەر ٸزدەپ, قۇجاتتارىن جيناپ جاتىر. 455 وتباسى جاڭا ٷيلەرٸنە كٶشتٸ», — دەدٸ ل. يبراگيموۆا.
ل. يبراگيموۆا سونىمەن قاتار, ەگەر «باقىتتى وتباسى» باعدارلاماسى بويىنشا باسپانا الۋعا رۇقسات العان ادامداردا باستاپقى جارنا ٷشٸن تٶلەيتٸن قاراجاتتارى جەتٸسپەسە, ولار ەكٸمدٸكتەردٸڭ تۇرعىن ٷي سەرتيفيكاتتارىنا سەنٸم ارتا الاتىنىن ايتتى. بٷگٸنگٸ تاڭدا اقتٶبە, نۇر-سۇلتان قالالارىنىڭ ەكٸمدٸكتەرٸ 1 ميلليون تەڭگەگە دەيٸن تۇرعىن ٷي سەرتيفيكاتتارىن بٶلدٸ.
«كٶش باستاپ تۇرعان ٷش ٶڭٸردٸ اتاپ ٶتكٸم كەلەدٸ. بٸزگە نۇر-سۇلتان قالاسىنىڭ تۇرعىندارىنان 800-دەن استام, الماتىدان – 650, اقتٶبە مەن اقتٶبە وبلىسىنان 542 ٶتٸنٸم كەلٸپ تٷستٸ», — دەدٸ ل. يبراگيموۆا.
قتقجب دەرەكتەرٸنە سەيكەس, جىل سوڭىنا دەيٸن 5 مىڭ قازاقستاندىق وتباسى ٶز پەتەرلەرٸنٸڭ كٸلتتەرٸن الادى.
«2020 جىلى مەملەكەت باسشىسىنىڭ تاپسىرماسىمەن «نۇرلى جەر» باعدارلاماسى اياسىندا جوسپارلانعان مەملەكەتتٸك كٶمەك كٶلەمٸ ۇلعايتىلادى. ەندٸ 10 مىڭ قازاقستاندىق وتباسى «باقىتتى وتباسى» باعدارلاماسى بويىنشا باسپانا ساتىپ الۋ ٷشٸن جىلدىق 2%-بەن جەڭٸلدەتٸلگەن نەسيە الادى. العاشقى جارنا 10% قۇرايدى.
جالپى, «نۇرلى جەر» باعدارلاماسىن جٷزەگە اسىرۋدىڭ 2,5 جىلىندا قازاقستاننىڭ تۇرعىن ٷي قۇرىلىس جيناق بانكٸ جٷيەسٸ ارقىلى 18 235 وتباسى جاڭا پەتەر كٸلتتەرٸنە يە بولدى.
جىل سوڭىنا دەيٸن “باقىتتى وتباسى” مەن ەكٸمدٸكتەردەن بەرٸلەتٸن پەتەرلەردٸ ەسكەرە وتىرىپ, 25 مىڭ قازاقستاندىق وتباسى قونىس تويىن تويلايدى دەپ ويلايمىز. وتباسىنىڭ ورتاشا كوەففيتسيەنتٸ 3,8 بولعان كەزدە 100 مىڭعا جۋىق قازاقستاندىق 2,5 جىلدا جاڭادان قونىستانۋشىلار بولدى», — دەدٸ قازاقستاننىڭ تۇرعىن ٷي قۇرىلىس جيناق بانكٸنٸڭ باسقارما تٶرايىمى.
قازٸرگٸ تاڭدا قازاقستاننىڭ تۇرعىن ٷي قۇرىلىس جيناق بانكٸ جٷيەسٸندە 1 416 000 سالىمشى تٸركەلگەن. اعىمداعى جىلدىڭ 8 ايىندا 210 مىڭنان استام جاڭا دەپوزيت اشىلدى.
