"تۇرعىن ٷي قۇرىلىس جيناق بانكٸ" اق تيٸستٸ ليتسەنزييانى كٷتپەستەن "7-20-25" باعدارلاماسى بويىنشا يپوتەكا بەرە باستايدى. بۇل تۋرالى بانكتٸڭ جارناما جەنە قوعاممەن بايلانىس دەپارتامەنتٸنٸڭ ديرەكتورى زەۋرە ماسعۇتوۆا ايتتى, دەپ حابارلايدى Sputnik اگەنتتٸگٸ.
تٷقجب "7-20-25" باعدارلاماسى بويىنشا وسى جىلدىڭ 1 شٸلدەسٸنەن يپوتەكالىق قارىز بەرە باستايدى. بٸراق ەزٸرگە بانك مەملەكەت باسشىسى باستاماشى بولعان باعدارلاماعا قاتىسا المايدى. ٶيتكەنٸ "تۇرعىن ٷي قۇرىلىس جيناقتارى تۋرالى" زاڭعا ٶزگەرٸستەر ەنگٸزٸلمەگەن.
"تٷقجب "باسپانا" يپوتەكالىق كومپانيياسىمەن ("7-20-25" باعدارلاماسىنىڭ وپەراتورى, ۇلتتىق بانكتٸڭ ەنشٸلەس كومپانيياسى – Sputnik) ىنتىماقتاسىپ جۇمىس ٸستەۋ ٷشٸن "تۇرعىن ٷي قۇرىلىس جيناقتارى تۋرالى" زاڭعا ٶزگەرٸستەر ەنگٸزۋ كەرەك. سوندا عانا بانك سەنٸمدٸ باسقارۋمەن اينالىسۋ قۇقىعىنا يە بولادى. ياعني, بانك كرەديتتٸك پورتفەلٸنٸڭ بٸر بٶلٸگٸن "باسپاناعا" بەرە الادى. مەجٸلٸس پەن سەنات اتالعان ٶزگەرٸستەردٸ ماقۇلدادى, قازٸر زاڭ قول قويۋ ٷشٸن پرەزيدەنتكە ۇسىنىلدى", — دەدٸ زەۋرە ماسعۇتوۆا.
زاڭعا تٷزەتۋلەر وسى جىلدىڭ تامىز-قىركٷيەك ايلارىندا ەنگٸزٸلەدٸ دەپ جوسپارلانۋدا.
ماسعۇتوۆانىڭ ايتۋىنشا, ۋاقىت جوعالتپاس ٷشٸن تٷزەتۋلەرگە قول قويىلعانعا دەيٸن بانك "7-20-25" سحەماسى بويىنشا يپوتەكا بەرۋدٸ باستايدى. زاڭناماعا تيٸستٸ ٶزگەرٸستەر ەنگٸزٸلگەننەن كەيٸن تۇرعىن ٷي قۇرىلىس جيناق بانكٸ ۇلتتىق بانكتٸڭ ليتسەنزيياسىن الۋدى جوسپارلاپ وتىر, ال كەيٸن باعدارلاما وپەراتورىمەن كەلٸسٸم بەكٸتەدٸ.
"وسىدان كەيٸن تٷقجب ازاماتتتارعا بەرٸلگەن قارىزداردى "باسپانا" يپوتەكالىق كومپانيياسىنا تاپسىرا الادى", — دەدٸ ماسعۇتوۆا.
الداعى ٷش ايدا بانك 7,5 ميلليارد تەڭگەدەي يپوتەكالىق قارىز بەرۋدٸ جوسپارلاپ وتىر.
ايتا كەتسەك, "7-20-25" تۇرعىن ٷي باعدارلاماسى بويىنشا ەر جۇمىس ٸستەيتٸن قازاقستاندىق نەسيەگە باسپانا ساتىپ الا الادى. قازاقستاندىقتار كەلەسٸ شارتتارمەن يپوتەكالىق قارىز الۋ مٷمكٸندٸگٸنە يە بولماق: نەسيە بويىنشا سىياقى مٶلشەرلەمەسٸ – جىلىنا 7%-دان, باستاپقى جارنا — 20%-دان اسپايدى, نەسيەنٸ تٶلەۋ مەرزٸمٸ – 25 جىلعا دەيٸن. يپوتەكالىق باعدارلاما بويىنشا نەسيەلەر تەك ۇلتتىق ۆاليۋتامەن بەرٸلەدٸ.
