سىبايلاس جەمقورلىققا قارسى ٸس-قيمىل اگەنتتٸگٸنٸڭ پرەۆەنتسييا دەپارتامەنتٸنٸڭ باسشىسى انار جاروۆا مەملەكەتتەن بەرٸلەتٸن تۇرعىن ٷي كەزەگٸ بويىنشا كەزدەسكەن زاڭبۇزۋشىلىقتاردى اتادى, دەپ حابارلايدى قازاقپارات.
«تۇرعىن ٷي بەرۋ بويىنشا كەزەكتە تۇرعاندار تٸزٸمٸن جاساۋعا بايلانىستى مەسەلەلەر جەتكٸلٸكتٸ دەڭگەيدە رەتتەلمەي جاتىر. كەزەك بويىنشا ٶتٸنٸشتەر ەلەكتروندى تٷردە «ە-gov» پورتالى نەمەسە حقكو ارقىلى قابىلدانادى. وسىعان قاراماستان ەكٸمدٸكتەر ٶزدەرٸ كەزەكتٸ Excel نەمەسە Word كەستەلەرٸ نىسانىندا قولمەن جٷرگٸزەدٸ. بۇل كەزەكتٸ مانيپۋلياتسييالاۋ مٷمكٸندٸكتەرٸندە, ناقتى تۇلعالارعا ارتىقشىلىق بەرٸپ, ٶزگە دە سىبايلاس جەمقورلىق تەۋەكەلدەرٸنە سٶزسٸز جاعداي جاسايدى. سونىمەن قاتار, بۇل جاعداي بٸر ادامعا بٸرنەشە ٶتٸنٸش جاساۋعا مٷمكٸندٸك بەرەدٸ. ياعني, بٸر ادام بٸرنەشە رەت كەزەككە تۇرا الادى, بۇل كٷتكەن ادامداردىڭ سانىن جاساندى تٷردە ارتتىرادى», - دەدٸ انار جاروۆا.
ونىڭ ايتۋىنشا, ەكٸمدٸكتەر كوممۋنالدىق تۇرعىن ٷي قورىنان پەتەر الۋعا نەمەسە جەكە تۇرعىن ٷي قورىنا جالعا بەرۋدٸڭ سانات بويىنشا جەكە تٸزٸمٸن جٷرگٸزەدٸ. زاڭعا سەيكەس, مىنا ساناتتاعى ادامدارعا ٷي بەرٸلۋٸ كەرەك. ولار: ەكٸنشٸ دٷنيەجٷزٸلٸك سوعىسىنىڭ قاتىسۋشىلارى مەن مٷگەدەكتەرٸ, جەتٸم بالالار, اتا-انا قامقورلىعىنسىز قالعان بالالار, «التىن القا», «كٷمٸس القا» القالارىمەن ماراپاتتالعان نەمەسە بۇرىن «باتىر انا» اتاعىن العان, سونداي-اق ٸ جەنە ٸٸ دەرەجەلٸ «انا داڭقى» وردەندەرٸمەن ماراپاتتالعان كٶپبالالى انالار, كٶپبالالى وتباسىلار, حالىقتىڭ ەلەۋمەتتٸك وسال توپتارى جەنە مەملەكەتتٸك قىزمەتشٸلەر, بيۋدجەتتٸك ۇيىمدار قىزمەتكەرلەرٸ, ەسكەري قىزمەتشٸلەر, عارىشكەرلٸككە كانديداتتار, عارىشكەرلەر, ارناۋلى مەملەكەتتٸك ورگاندار قىزمەتكەرلەرٸ جەنە مەملەكەتتٸك سايلانبالى قىزمەت اتقاراتىن ادامدار, جالعىز تۇرعىن ٷيٸ اپاتتىق جاعدايدا دەپ تانىلعان ازاماتتار.
«بٸر كەزەكتەن ەكٸنشٸسٸنە اۋىستىرۋ رەسٸمٸ زاڭنامالىق تٷردە رەتتەلمەگەن. بۇل ەرتٷرلٸ تەجٸريبەنٸ تۋىنداتىپ, سىبايلاس جەمقورلىق كٶرٸنٸستەرٸنە جاعداي جاسايدى. سونداي-اق, كەزەكتەن الىنعان ازاماتتاردى حاباردار ەتۋ, كەزەكتٸ قالپىنا كەلتٸرۋ رەسٸمدەرٸ رەگلامەنتتەلمەگەن. سوڭعى رەسٸم جاسىرىن مەملەكەتتٸك قىزمەتتٸڭ بارلىق بەلگٸلەرٸنە يە جەنە مەملەكەتتٸك قىزمەتتەر تٸزٸلٸمٸندە نورماتيۆتٸك بەكٸتۋدٸ تالاپ ەتەدٸ. «تۇرعىن ٷي قاتىناستارى تۋرالى» زاڭ تالاپتارىنا سەيكەس, جەرگٸلٸكتٸ اتقارۋشى ورگاندار مەرزٸمدٸ باسپاسٶز باسىلىمدارىندا تۇرعىن ٷيگە مۇقتاج, تۇرعىن ٷي العان ادامداردىڭ تٸزٸمٸن, ولاردىڭ كەزەكتٸلٸگٸن كٶرسەتە وتىرىپ, بٶلەك ەسەپكە الۋ تٸزٸمدەرٸن جارييالاۋعا مٸندەتتٸ», - دەدٸ ول.
الايدا تالداۋ جٷرگٸزۋ كەزٸندە بۇل تالاپتاردى بارلىعى ورىنداماعانى انىقتالعان.
«مىسالعا, ورال ەكٸمدٸگٸ جوعارىدا اتالعان تٸزٸمدەردٸ باسپا باسىلىمدارىندا جارييالاماعان, ال پەتروپاۆل ەكٸمدٸگٸ جارييالاعان تٸزٸمدە كەزەككە قويىلعان كٷنٸن كٶرسەتپەگەن. ۇقساس جاعداي بارلىق جەردە ورىن العان», - دەدٸ انار جاروۆا.
