تۇرمىستىق زورلىق-زومبىلىق باعاتىنداعى قىلمىستاردىڭ 80 پايىزى ازاماتتاردىڭ جەكە ٷيلەرٸندە ورىن الدى. بۇل تۋرالى سەناتتاعى ٷكٸمەت ساعاتىندا ٸشكٸ ٸستەر مينيسترٸ ەرلان تۇرعىمباەۆ مەلٸم ەتتٸ, دەپ حابارلايدى قازاقپارات.
«پاندەمييا كەزەڭٸندە ٶرشٸگەن قىلمىستىق جالعىز تٷرٸ - ول تۇرمىستىق زورلىق-زومبىلىق. شىن مەنٸندە ادامدار تۇيىق كەڭٸستٸكتە شەكتەلٸپ, بارلىق قىلمىستار وتباسىنىڭ ٸشٸندە ورىن الدى. ياعني وسى قوعامدىق قاتىناس سەكتورى پوليتسييا تاراپىنان تيٸستٸ قاداعالاۋدان اجىراپ قالدى. بٸز بارلىق كٷشٸمٸزدٸ كٶشەلەرگە, بلوكپوستتارعا, كارانتيندٸك ٸس-شارالارعا جۇمىلدىردىق», - دەدٸ ە. تۇرعىمباەۆ سەناتورلاردىڭ سۇراعىنا جاۋاپ بەرە وتىرىپ.
ونىڭ ايتۋىنشا, سوڭعى كەزدەرٸ وتباسىلارداعى ٶنەگەلٸك بايلانىستاردا كەمشٸلٸك بايقالىپ وتىر.
«وقشاۋلانۋ جاعدايىندا ادامداردىڭ ۇزاق ۋاقىت بويى وتىرۋى, سونداي-اق سپيرتتٸك ٸشٸمدٸكتەرگە سالىنۋى زورلىق-زومبىلىقتىڭ 80 پايىزى جەكە باسپانادا جاسالۋىنا الىپ كەلدٸ. قىلمىستاردىڭ باسىم بٶلٸگٸ جاقىن قارىم-قاتىناستا بولعان ادامداردىڭ تاراپىنان بولدى», - دەدٸ مينيستر.
وسى ورايدا ول بالالارعا قاتىستى قىلمىستاردى كٶبٸنە جاقىن بايلانىستا بولعان ادامدار جاساعان. بالالار ولارعا سەنٸممەن قاراعان.
ۆەدومستۆو باسشىسىنىڭ سٶزٸنە قاراعاندا, كەي كەزدەردە بالانىڭ اناسى ٶزٸمەن بٸرگە تۇراتىن ەر ادامدى قورعاۋ ماقساتىندا پوليتسيياعا قاراما-قايشى تٷسٸنٸكتەمە بەرٸپ جاتادى.
«قوعام ٸشكٸ ٸستەر ورگاندارى تيٸستٸ شارالار قابىلداماي جاتىر دەپ جيٸ سىنعا الىپ جاتادى. سونىمەن بٸرگە, بۇل مەسەلەدە بارشا قوعامنىڭ, قوعامدىق ۇيىمداردىڭ, دەنساۋلىق ساقتاۋ, بٸلٸم جەنە عىلىم مينيسترلٸكتەرٸنٸڭ بٸرٸككەنٸ ماڭىزدى. بٸزگە پسيحولوگتار كەرەك», - دەدٸ ە. تۇرعىمباەۆ.
