Turmystyq zorlyq-zombylyq baǵatyndaǵy qylmystardyń 80 paiyzy azamattardyń jeke úilerinde oryn aldy. Bul týraly Senattaǵy Úkimet saǵatynda Ishki ister ministri Erlan Turǵymbaev málim etti, dep habarlaidy QazAqparat.
«Pandemiia kezeńinde órshigen qylmystyq jalǵyz túri - ol turmystyq zorlyq-zombylyq. Shyn máninde adamdar tuiyq keńistikte shektelip, barlyq qylmystar otbasynyń ishinde oryn aldy. Iaǵni osy qoǵamdyq qatynas sektory politsiia tarapynan tiisti qadaǵalaýdan ajyrap qaldy. Biz barlyq kúshimizdi kóshelerge, blokposttarǵa, karantindik is-sharalarǵa jumyldyrdyq», - dedi E. Turǵymbaev senatorlardyń suraǵyna jaýap bere otyryp.
Onyń aitýynsha, sońǵy kezderi otbasylardaǵy ónegelik bailanystarda kemshilik baiqalyp otyr.
«Oqshaýlaný jaǵdaiynda adamdardyń uzaq ýaqyt boiy otyrýy, sondai-aq spirttik ishimdikterge salynýy zorlyq-zombylyqtyń 80 paiyzy jeke baspanada jasalýyna alyp keldi. Qylmystardyń basym bóligi jaqyn qarym-qatynasta bolǵan adamdardyń tarapynan boldy», - dedi ministr.
Osy oraida ol balalarǵa qatysty qylmystardy kóbine jaqyn bailanysta bolǵan adamdar jasaǵan. Balalar olarǵa senimmen qaraǵan.
Vedomstvo basshysynyń sózine qaraǵanda, kei kezderde balanyń anasy ózimen birge turatyn er adamdy qorǵaý maqsatynda politsiiaǵa qarama-qaishy túsinikteme berip jatady.
«Qoǵam ishki ister organdary tiisti sharalar qabyldamai jatyr dep jii synǵa alyp jatady. Sonymen birge, bul máselede barsha qoǵamnyń, qoǵamdyq uiymdardyń, Densaýlyq saqtaý, Bilim jáne ǵylym ministrlikteriniń birikkeni mańyzdy. Bizge psihologtar kerek», - dedi E. Turǵymbaev.
