مەملەكەت باسشىسى قاسىم-جومارت توقاەۆ ٸشكٸ ٸستەر مينيسترٸ ەرلان تۇرعىمباەۆتى قابىلدادى, دەپ حابارلايدى اقوردانىڭ باسپاسٶز قىزمەتٸ.
پرەزيدەنتكە ەلدەگٸ قازٸرگٸ كريمينوگەندٸك احۋال مەن ٸشكٸ ٸستەر ورگاندارى جۇمىسىنىڭ نەتيجەلەرٸ تۋرالى باياندالدى.
ەرلان تۇرعىمباەۆتىڭ ايتۋىنشا, ۆەدومستۆو قىلمىستىڭ كٶپتەگەن تٷرلەرٸن اشۋ كٶرسەتكٸشتەرٸن جاقسارتقان. كٸسٸ ٶلتٸرۋ, توناۋ, بۇزاقىلىق, ۇرلىق, سونداي-اق, كەمەلەتتٸك جاسقا تولماعاندار جاساعان قۇقىق بۇزۋشىلىقتار سانى ازايعان. قوعامدىق ورىندار مەن كٶشەدەگٸ قاۋٸپسٸزدٸك دەڭگەيٸ جوعارىلاعان. الايدا, ينتەرنەت جەلٸسٸن پايدالانۋ ارقىلى جاسالاتىن الاياقتىق قىلمىستار سانى ارتقان. بۇعان پاندەمييا كەزٸندەگٸ ونلاين-قىزمەتتەردٸڭ ٶسۋٸ ىقپال ەتتٸ.
مەملەكەت باسشىسىنا ۆاكتسينا العاندىعى جٶنٸندە جالعان قۇجاتتار تاراتۋدىڭ جولىن كەسۋ بويىنشا قابىلدانىپ جاتقان شارالار تۋرالى ايتىلدى. جىل باسىنان بەرٸ پوليتسييا ورگاندارى 50-ٸ جالعان ۆاكتسيناتسييا پاسپورتتارىن جەنە 60-ى جالعان پتر-انىقتامالارىن جاساعانى ٷشٸن 110 قىلمىستىق ٸس قوزعاعان.
مينيستر ٸٸم بٶلٸمشەلەرٸندەگٸ جەكە قۇرام قىزمەتكەرلەرٸنٸڭ 96 پايىزى ەكپە العانىن جەتكٸزدٸ.
كەزدەسۋ قورىتىندىسى بويىنشا قاسىم-جومارت توقاەۆ مينيسترلٸككە باسقا مەملەكەتتٸك ورگاندارمەن بٸرلەسٸپ, كارانتيندٸك شارالاردى قامتاماسىز ەتۋگە ەرەكشە كٶڭٸل بٶلۋدٸ, سونداي-اق, كەمەلەتكە تولماعاندارعا قارسى قىلمىستاردىڭ, تۇرمىس سالاسىنداعى قۇقىق بۇزۋشىلىقتاردىڭ الدىن الۋ جەنە جول قاۋٸپسٸزدٸگٸن قامتاماسىز ەتۋ جٶنٸندەگٸ جۇمىستى جانداندىرۋدى تاپسىردى.
