ٸشكٸ ٸستەر مينيسترٸ ەرلان تۇرعىمباەۆ الماتىدا كٶلٸكپەن ٷش ادامدى قاققان ٸسكە قاتىستى پٸكٸر بٸلدٸردٸ, دەپ حابارلايدى قازاقپارات.
«اۋرۋحانادا ٷش ادام جاتىر. ولاردى كٶلٸكپەن ەكٸ ادام قاققان. ياعني ەكٸ كٶلٸكتە ەكٸ جٷرگٸزۋشٸ بولعان. بٸرەۋٸ ۇستالدى. كٶلٸكتەر وقيعا ورنىنا جاقىن ماڭدا قالدىرىلعان», - دەدٸ ەرلان تۇرعىمباەۆ ٷكٸمەت وتىرىسىنان كەيٸن تٸلشٸلەرگە بەرگەن جاۋابىندا.
مينيستر تەرگەۋ مٷددەسٸنە ساي كٷدٸكتٸلەردٸڭ ەسٸمٸن اتاي المايتىنىن جەتكٸزدٸ.
«بۇل جەردە بٸرنەشە باپ بويىنشا قاراستىرىلادى. بٸرٸنشٸدەن, جٸكتەلۋٸ بويىنشا كٶلٸكتٸ ماس كٷيٸندە جٷرگٸزۋ بابىمەن قاتار, بۇزاقىلىققا قاتىستى باپ زەرتتەلە كەلە «كٸسٸ ٶلتٸرۋگە ەرەكەت ەتۋ» بابىنا اۋىستىرىلدى», - دەدٸ ەرلان تۇرعىمباەۆ.
ەستەرٸڭٸزگە سالايىق, 26 تامىزدا تاڭعى ساعات 5-تە الماتى قالاسىنىڭ گاگارين كٶشەسٸندە ارادا بولعان جانجالدان كەيٸن بٸر تاراپتىڭ ٶكٸلدەرٸ ٶز قارسىلاستارىن اۆتوموبيلمەن قاساقانا قاعىپ, قىلمىس ورنىنان بوي تاسالاعان. ۆيدەو ەلەۋمەتتٸك جەلٸدە تارادى.
زارداپ شەككەندەردٸڭ جاعدايى تۋرالى الماتى قالالىق دەنساۋلىق ساقتاۋ باسقارماسى مەلٸم ەتتٸ.
«الماتى №7 قالالىق كلينيكالىق اۋرۋحاناعا 2 ادام تٷستٸ. بٸرٸنشٸسٸنە اشىق باس سٷيەك-مي جاراقاتى, ميدىڭ جەڭٸل دەرەجەدەگٸ جاراقاتى, باستىڭ وڭ جاق سٷيەگٸنٸڭ سىنۋ دياگنوزى قويىلدى. جاعدايى - ورتاشا اۋىر. ەكٸنشٸ ناۋقاسقا جابىق باس جاراقاتى, ميدىڭ شايقالۋ دياگنوزى قويىلدى. جاعدايى ورتاشا اۋىر دەپ باعالانادى. ٷشٸنشٸسٸ ورتالىق قالالىق اۋرۋحاناعا جەتكٸزٸلدٸ. ونىڭ سول اياعىنىڭ توبىعى, وڭ قول شىنتاعى جابىق, سول قول شىنتاعىنا اشىق سىنعان دەگەن دياگنوز قويىلىپ وتىر. جاعدايى ورتاشا اۋىر», - دەپ حابارلادى دەنساۋلىق ساقتاۋ باسقارماسىنان.
