تٷركٸستان وبلىسىنىڭ سپورت باسقارماسىندا «تۇران» سپورت ويىن تٷرلەرٸ كلۋبىنىڭ گاندبول كومانداسىن ماراپاتتاۋ رەسٸمٸ ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
قول دوبى شەبەرلەرٸ بيىلعى ماۋسىمدا سۋپەرليگادا جەنە جوعارى ليگادا دا ەل چەمپيونى اتاندى. وسىنداي ايتۋلى جەتٸستٸكتەرٸمەن وبلىستىق دەنە شىنىقتىرۋ جەنە سپورت باسقارماسىنىڭ باسشىسى قانات جولدىقاراەۆ قۇتتىقتاپ, كوماندا جاتتىقتىرۋشىلارى مەن سپورتشىلارىنا سپورتتىق كيٸمدەر جەنە باعالى سىيلىقتار تابىس ەتتٸ.
قول دوبىنان ەلٸمٸزدٸڭ كەسٸبي كلۋبتارى اراسىندا تٷركٸستان وبلىسىنىڭ نامىسىن قورعايتىن «تۇران» كومانداسىنىڭ ويىنشىلارى بيىل سۋپەرليگادا جاسىنداي جارقىلداپ, جەڭٸمپاز اتاندى. تالانتتى كەسٸبي ويىنشىلاردان قۇرالعان «تۇران» گاندبول كومانداسىنىڭ باس باپكەرٸ ماقساتبەك نارمەتوۆ «سۋپەرليگا مەن جوعارى ليگادا جەڭٸمپاز اتانۋ قازاقستان تاريحىندا تۇڭعىش رەت بولىپ تۇر» دەپ ٶز قۋانىشىمەن بٶلٸستٸ.
گاندبولدان ەلٸمٸزدٸڭ جوعارى ليگا كوماندالارى اراسىندا 8 كوماندا باق سىنادى. بۇل سىندا تٷركٸستاننىڭ «تۇران» گاندبولشىلارى تاعى دا قارسىلاس شىداتپادى. ەل چەمپيوناتىنىڭ سۋپەرليگا مەن جوعارى ليگا كوماندالارى اراسىندا التىن مەدال يەلەنگەن تٷركٸستاندىقتاردى قانات جولدىقاراەۆ پەن تٷركٸستان وبلىسىنىڭ گاندبول فەدەراتسيياسىنىڭ پرەزيدەنتٸ ەردوس ەلٸبەكۇلى جەنە «تۇران» سپورت ويىن تٷرلەرٸ كلۋبىنىڭ ديرەكتورى سابىرجان بۇلدىرىقوۆ قۇتتىقتاپ, ويىنشىلارعا سپورتتىق كيٸمدەر تابىستادى. سونىمەن قاتار الداعى ماۋسىمعا سەتتٸلٸك تٸلەدٸ.
ايتا كەتەرلٸگٸ, بيىل گاندبولدان قازاقستان ۇلتتىق قۇراماسىنا وبلىسىمىزدىڭ «تۇران» كومانداسىنان 13 ويىنشى قابىلداندى. بۇل – كەسٸبي گاندبولشىلاردى دايىنداپ وتىرعان كوماندا ٷشٸن جوعارى جەتٸستٸك. جەڭٸسكە دەگەن كٷش-جٸگەرلەرٸ مىقتى «تۇران» گاندبول كومانداسى جاڭا ماۋسىمعا وقۋ-جاتتىعۋ جيىندارىن ۇلتتىق قۇراما مٷشەلەرٸمەن بٸرلەسٸپ, 16-شى قاڭتاردا باستاۋدى جوسپارلاۋدا.
وسى قابىلداۋدا باسقارما باسشىسى پاراسپورتشىلارعا دا قۇرمەت كٶرسەتتٸ. پورتۋگالييا مەملەكەتٸندە ٶتكەن پاراسپورتشىلار اراسىنداعى سايىستا ەل نامىسىن قورعاعان مۇقان ايتمىرزاەۆ نايزا لاقتىرۋدان, تەمٸربەك توعانباي 100 مەتر قاشىقتىققا جٷگٸرۋدەن جەنە ديسك لاقتىرۋدان, شاحرۋح سانۆار 100 جەنە 200 مەتر قاشىقتىققا جٷگٸرۋ مەن ۇزىندىققا سەكٸرۋدەن قولا مەدالعا قول جەتكٸزگەن بولاتىن. «ساۋران» سپورت كلۋبىنىڭ ديرەكتورى اباي قازيەۆتٸڭ سٶزٸنشە, بۇل دودادا جٷلدەگەر اتانۋدىڭ ٶزٸ مەرتەبە. ەلەم جۇرتشىلىعى الدىندا كٶك بايراعىمىزدىڭ كٶككە كٶتەرٸلۋٸ كٷللٸ قازاق ەلٸنٸڭ جەڭٸسٸنٸڭ جەمٸسٸ.
