شىمكەنت قالالىق جەدەل مەديتسينالىق كٶمەك كٶرسەتۋ اۋرۋحاناسى جانىنان 3 قاباتتى قابىلداۋ-دياگنوستيكالىق, رەانيماتسييالىق-وتا جاساۋ كورپۋسى پايدالانۋعا بەرٸلدٸ, دەپ حابارلايدى ۇلت.كز تٸلشٸسٸ.
قازاقستان رەسپۋبليكاسىنىڭ تۇڭعىش پرەزيدەنتٸ كٷنٸ مەرەكەسٸنە وراي پايدالانۋعا بەرٸلگەن دەنساۋلىق ساقتاۋ نىسانىنىڭ اشىلۋ رەسٸمٸنە وبلىس ەكٸمٸ ج.تٷيمەباەۆ قاتىسىپ, بارشا مەديتسينا سالاسىنىڭ قىزمەتكەرلەرٸن مەرەكەمەن قۇتتىقتادى. سونىمەن قاتار, ەكٸم مەكەمە ۇجىمىنا جاڭا جەدەل جەردەم اۆتوكٶلٸگٸن سىيعا تارتتى.
بٷگٸندە ەلٸمٸزدە كٶرسەتٸلەتٸن مەديتسينالىق قىزمەتتەردٸڭ ساپاسىن ارتتىرۋ ماقساتىندا جٷيەلٸ جۇمىستار اتقارىلىپ جاتقانىن ايتقان ايماق باسشىسى بٷگٸنگٸ قۋانىشتى وقيعا وسى جۇمىستاردىڭ ايعاعى ەكەنٸن جەتكٸزدٸ.
«جاڭادان سالىنعان كورپۋس ناۋقاستارعا ساپالى, جوعارى تەحنولوگييالىق مەديتسينالىق كٶمەك كٶرسەتۋ ٷشٸن زاماناۋي مەديتسينالىق تەحنيكامەن جەنە مەديتسينالىق ماقساتتاعى قۇرالدارمەن جابدىقتالىپ وتىر. اۋرۋحانا 2013 جىلدان باستاپ ينسۋلت كەزٸندە باس ميى جەنە مويىن قان تامىرلارىنا جوعارى تەحنولوگييالىق وتالار جاساۋعا قول جەتكٸزٸپ, سول ۋاقىتتان بەرٸ مۇندا 630 وتا جاسالىندى. بۇدان بٶلەك, قالالىق جەدەل مەديتسينالىق كٶمەك كٶرسەتۋ اۋرۋحاناسى بازاسىندا 90 بٷيرەك پەن 13 باۋىر الماستىرۋ وتالارى جاسالىندى», - دەدٸ ج.تٷيمەباەۆ.
اتالعان جاڭا كورپۋس 2 جىلدا سالىنىپ, ٸسكە قوسىلىپ وتىر. بۇل عيماراتتىڭ بٸرٸنشٸ قاباتىندا ەكٸمشٸلٸك, قابىلداۋ جەنە زەرتحانالىق-دياگنوستيكالىق بٶلٸمدەرٸ ورنالاستىرىلسا, ەكٸنشٸ قاباتىندا پالاتالار مەن رەانيماتسييا بٶلٸمٸ, ال ٷشٸنشٸ قاباتتا 7 بلوكتان تۇراتىن وتا جاساۋ بٶلٸمٸ مەن بٷيرەك پەن باۋىر الماستىراتىن گەپاتوپانكرەاتوبيلارلىق حيرۋرگييا بٶلٸمٸ ورنالاستىرىلعان. ال ەمدەلۋشٸلەر ٷشٸن ستاتسيوناردا قوسىمشا 45 تٶسەك-ورىن قاراستىرىلعان.
شىمكەنت قالالىق جەدەل مەديتسينالىق كٶمەك كٶرسەتۋ اۋرۋحاناسى قالا جەنە وبلىس حالقىنا تەۋلٸك بويى حيرۋرگييا, جاراقات, ۋرولوگييالىق, نەيروحيرۋرگييالىق, گينەكولوگييالىق, نەۆرولوگييالىق جەنە تەراپييالىق سالالار بويىنشا مامانداندىرىلعان جەنە جوعارى مامانداندىرىلعان جەدەل جەنە جوسپارلى مەديتسينالىق كٶمەك كٶرسەتەتٸن كٶپسالالى ستاتسيونار بولىپ تابىلادى.
كٷندەلٸكتٸ اۋرۋحاناعا 200-250 ناۋقاس مەديتسينالىق كٶمەككە جٷگٸنەدٸ. ورتا ەسەپپەن ولاردىڭ 70-90 اۋرۋحاناعا جاتقىزىلادى. ەمدەۋ مەكەمەسٸ بويىنشا جىل سايىن جٷيەلٸ تٷردە ەمدٸك ٸس-شارالاردىڭ يننوۆاتسييالىق, جوعارى تەحنولوگييالىق ەدٸستەرٸ ٶندٸرٸسكە ەندٸرٸلۋدە.
ايتا كەتەيٸك, وسى جىلى وبلىس بويىنشا 38 دەنساۋلىق ساقتاۋ نىساندارىنىڭ قۇرىلىسىنا وبلىستىق بيۋدجەتتەن 3,8 ملرد. تەڭگە قارالىپ, قۇرىلىستارى جٷرگٸزٸلسە, ونىڭ 34 نىسانى جىل سوڭىنا دەيٸن تاپسىرۋ جوسپارلانعان.
