الماتىدا ونلاين سۇحبات بارىسىندا قازاقستان پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارمان تۇماۋدان ۆاكتسينا الۋدىڭ ماڭىزدىلىعى تۋرالى ايتتى, دەپ حابارلايدى قازاقپارات.
ونىڭ ايتۋىنشا, قازٸر ەۋروپانىڭ كەيبٸر ەلدەرٸندە ۆيرۋستىڭ ەكٸنشٸ تولقىنى باستالىپ جاتىر. بۇل كٷز-قىس ماۋسىمىنىڭ جاقىنداۋىمەن بايلانىستى.
وڭتٷستٸك جەر شارىنىڭ مەملەكەتتەرٸ ارگەنتينا, چيلي, وار ەلدەرٸندە كٶكتەم باستالىپ كەلەدٸ. پراكتيكا كٶرسەتكەندەي, قاتاڭ لوكداۋن, كارانتين شارالارىن ۇستانعان ەلدەردە تۇماۋ مەن كۆي كٶرسەتكٸشٸ تٶمەن بولعان. ال ساقتانباعان ەلدەردە كۆي دا, تۇماۋ دا ٶتە جوعارى بولعان. قوسارلانعان ەپيدەمييانىڭ كٶرٸنٸسٸ بولعان. سوندىقتان بارلىعىن ۆاكتسينا الۋعا شاقىرامىن. قالا ەكٸمدٸگٸنٸڭ ۆاكتسينا الىپ جاتقانى قۋانتادى. سەبەبٸ, بٸز ەكٸ ينفەكتسييادان ساقتانامىز. سونىمەن قاتار, بۇل مەديتسينالىق قىزمەتكەرلەرگە اۋرۋدىڭ سيپمتومىن اجىراتۋعا مٷمكٸندٸك بەرەدٸ», - دەدٸ الماز شارمان.
ونىڭ ايتۋنىشا, كٶپتەگەن ەلدەردە ۆاكتسينا تيٸمدٸلٸگٸن كٶرسەتكەن.
«مەسەلەن, برازيلييادا تۇماۋدان ۆاكتسينا كوروناۆيرۋستىڭ اۋىرلىعىن 20 پايىزعا تٶمەندەتكەن. ال بەلگٸلٸ بولعانداي, كۆي سالدارى تۇماۋدان گٶرٸ 10 ەسە اۋىر», - دەدٸ مامان.
