"تۇلپار سىيلاعان جوق": گەنەرال دٷيسەمباەۆ جۇمىستان قالاي كەتكەنٸن ايتىپ بەردٸ – ۆيدەو

"ەلەۋمەتتٸك جەلٸدە كٶپتەگەن سۇراق تۋىنداپ جاتقانىن بٸلەمٸن. مەن دە كٶپ ۋاقىت تىنىش وتىرىپ, ٷندەمەي جٷردٸم. بٸراق قازٸر ناقتى قالاي بولعانىن ايتۋ كەرەك", - دەدٸ دٷيسەمباەۆ "اشىق ەڭگٸمە" جوباسىنا بەرگەن سۇحباتىندا.

وسى ورايدا گەنەرال اتىراۋ وبلىسىنىڭ قىزىلقوعا اۋدانىندا تۋىپ-ٶسكەنٸن ەسكە سالدى. ول جەردەن سالىق زيمانوۆ, زەينوللا قابدولوۆ سيياقتى اكادەميكتەر شىققان.

"ٸشكٸ ٸستەر مينيسترلٸگٸندە ٸستەپ جٷرگەنٸمدە تۋعان جەرٸمە بارىپ تۇردىم. سول كەزدە اقساقالدار داستارقان باسىندا ىلعي "ايانجان, بٸزدٸڭ ەلٸمٸزدەن قانداي مىقتى ادامدار شىقتى, بٸزگە جەتپەي تۇرعانى – بٸر گەنەرال" دەپ ايتىپ وتىراتىن. 2019 جىلى 6 مامىردا گەنەرال اتاعى بۇيىردى. ول كەزدە ورازا ۇستاپ جٷر ەدٸم. مەن مينيستردەن اۋىزاشارعا دەيٸن اۋىلىما بارىپ كەلۋگە رۇقسات سۇرادىم. ۇمىتپاسام, 11 مامىردا قىزىلقوعا ٶڭٸرٸنە باردىم. اۋىلداستارمەن كەزدەستٸم, مەشٸتتە اۋىزاشار بەردٸم. سول كەزدە اۋىلداستارىم تۇلپارعا مٸنٸپ تٷسۋٸمدٸ سۇرادى. ول تۇلپار ماعان سىيلىققا بەرٸلگەن جوق", - دەپ اتاپ ٶتتٸ دٷيسەمباەۆ.

ونىڭ ايتۋىنشا, اۋىلداستار تەك ىرىمىن جاساۋدى سۇراعان.

"ەكٸ اقساقال كەلٸپ, نەمەرەلەرٸم سٸزگە ۇقساسىن, تۇلپارعا مٸنٸپ تٷسٸڭٸز دەپ, الدىما تۇلپار ەكەلدٸ. ٷستٸمە شاپان جاپتى. سول كەزدە ٸشكٸ ٸستەر مينيسترلٸگٸنەن تەكسەرٸس كەلدٸ, ناقتى بٸر تەرتٸپ بۇزۋشىلىق انىقتاي المادى. بٸراق پرەزيدەنتٸمٸز قاسىم-جومارت كەمەلۇلى توقاەۆ Twitter-دە ٸشكٸ ٸستەر مينيسترلٸگٸنە قاتاڭ تەكسەرٸپ جٷرگٸزٸپ, شارا قابىلداۋدى تاپسىرعانىن جازدى. ال باس قولباسشىمىز, پرەزيدەنتٸمٸز گەنەرالعا قاباعىن شىتىپ, بٸر ەسكەرتۋ جاسايتىن بولسا, ەشتەڭەنٸ كٷتپەي-اق, جۇمىستى بوساتۋ كەرەك. ٶزٸم بايانات جازىپ, ٶز ەركٸممەن جۇمىستان بوسادىم", - دەيدٸ گەنەرال.

سودان كەيٸن گەنەرال جەتٸ ايداي جۇمىسسىز جٷرٸپتٸ. ال جەلتوقسان ايىندا اتىراۋ جەنە ماڭعىستاۋ وبلىستارىنىڭ ەكٸمدەرٸنە حات جازعان.

"ماڭعىستاۋ وبلىسىنىڭ سول كەزدەگٸ ەكٸمٸ سەرٸكباي ٶتەلگەنۇلى ٶزٸنە كەڭەسشٸ بولۋعا ۇسىنىس جاسادى. سٶيتٸپ, بٸر جىل ٷش ايداي ەكٸمنٸڭ كەڭەسشٸسٸ بولدىم", - دەيدٸ دٷيسەمباەۆ.