مەكتەپ تٷلەكتەرٸنٸڭ بٸلٸم ورداسىنا, ۇستازدارىنا سىيلىق بەرۋٸنە تىيىم سالىنادى. بۇل تۋرالى قر بٸلٸم جەنە عىلىم ۆيتسە-مينيسترٸ شولپان كارينوۆا ايتتى, دەپ حابارلايدى "ۇلت اقپارات".
«بيىلعى وقۋ جىلىنىڭ بٸتۋٸنە, مەكتەپ شارالارىن ٶتكٸزۋگە بايلانىستى قاراجات جينالماۋى قاتاڭ تەرتٸپتە باقىلانۋى تيٸس. وعان ەربٸر مەكتەپتٸڭ باسشىسى جەكە جاۋاپ بەرەدٸ. مەكتەپتٸڭ ەكٸمشٸلٸگٸ جەنە قامقورشىلىق كەڭەسٸ بارلىق اتا-انالارمەن مەكتەپكە نەمەسە مۇعالٸمدەرگە, سىنىپ جەتەكشٸلەرٸنە سىيلىق جاساۋعا بولمايتىندىعى جٶنٸندە جۇمىس جٷرگٸزۋٸ قاجەت», - دەدٸ شولپان كارينوۆا مينيسترلٸكتٸڭ Facebook پاراقشاسىندا ونلاين رەجيمدە ٶتكەن اپپارات جينالىسىندا.
ونىڭ اتاپ ٶتۋٸنشە, تٷلەكتەردٸڭ قاتىسۋىمەن ٶتەتٸن ٸس-شارالار مەكتەپتە 11-سىنىپپەن جۇمىس ٸستەيتٸن پەداگوگتەردٸڭ, سىنىپ جەتەكشٸلەرٸنٸڭ ۇيىمداستىرۋىمەن جٷرگٸزٸلۋٸ قاجەت.
«وسى ٸس-شارالاردى ٶتكٸزۋ بارىسىندا جاساۋعا بولمايتىن جايتتارعا تاعى بٸر نازارلارىڭىزدى اۋدارامىز. بٸرٸنشٸدەن, ٸس-شارالاردى ٶتكٸزۋ بارىسىندا ەرتٷرلٸ اگەنتتٸكتەردٸ, جەكەمەنشٸك ستۋدييالاردى نە انيماتورلاردى شاقىرۋعا بولمايدى. مۇنداي ٸس-شارالار كەڭ اۋقىمدى بولماۋى دا قاجەت. مەرەكەلٸك داستارقان جاياۋ مەسەلەسٸ مٷلدەم قاراستىرىلماۋى تيٸس. مەكتەپ بٸتٸرۋشٸلەر بٸرنەشە اۆتوموبيل جالداپ, قالا ٸشٸن, جەرگٸلٸكتٸ جەرلەردٸ ارالاماۋى كەرەك. مەيرامحانا, دەمحانا جەنە باسقا دا كٶڭٸل كٶتەرۋ ورىندارىندا تٷلەكتەردٸڭ قاتىسۋىمەن شارالار بولدىرماۋ ٷشٸن اتا-انالارمەن تيٸستٸ جۇمىستى جٷرگٸزٸلۋٸ قاجەت», - دەدٸ شولپان كارينوۆا.
